Oseas 14:1-9
14 “Ikháán, Israel, atanga̱án náa Jeobá Dios ndrígáaʼ,+numuu rí nixpátri̱ga̱a̱n ga̱jma̱a̱ numuu rí nikiéʼkháanʼ.
2 Atangaánʼla náa Jeobá ga̱jma̱a̱ guta̱la ajngáa rígi̱:‹Atani̱ mba̱a̱ a̱jkia̱a̱nʼ xtayáá rí nikiéʼkuxuʼ+ ga̱jma̱a̱ atandri̱gú rí májánʼ nu̱ni̱xu̱,muxna̱a̱’ gamajkhu ga̱jma̱a̱ rawunxu̱+ xóo índo̱ nuxnajxíin xedi̱.*
3 Asiria xáʼni káwáanʼxu.+
Xúdruwíinxu wáyú,+ni xátangáanʼxu̱ muthu̱u̱n bi̱ niniwíin ga̱jma̱a̱ ñawúnxu “¡Ikháán nindxa̱a̱ʼ Dios ndrígúxu̱!”Numuu rí ikháán nindxa̱a̱ʼ bi̱ nagáwíinʼ a̱jkiu̱u̱n kaʼyoo a̱ʼdá wáʼa›.+
4 Mani̱i̱ a̱jkiu̱ún ga̱jma̱a̱ maguajún jmbu má xúʼko̱.+
Náa a̱jkiu̱nʼ gágajnúu rí maʼndoʼ ka̱ñu̱u̱n,+numuu rí nakásngañu̱ʼ nitsíngúunʼ náa ikhiin.+
5 Maʼgánú mani̱ndxu̱ʼ xuájyaʼ náa Israel,ikhaa majmidi̱ riʼyu̱u̱ xóo lirio,ga̱jma̱a̱ ajmu̱u̱ maʼga mi̱jnu̱ʼ xóo ixi̱ dí rígá náa Líbano.
6 Mbaʼya ñawúunʼ,maʼni mba̱a̱ xó má olivo,jxu̱u̱ʼ manindxu̱u̱ xóo Líbano.
7 Matangi̱i̱n makuwá náa xkamijxoo.*
Mudu tsígáʼ ga̱jma̱a̱ ikhiin majmidi̱i̱n xóo ri̱ʼyu̱u̱ uva.+
Xóo majmaʼniúnʼ* mani̱ndxu̱u̱ xóo vino dí rígá náa Líbano.
8 Efraín maʼthí: ‹Nándáa rí gúʼdoʼ ma̱ni̱ ga̱jma̱a̱ numún xándú›.+
Ikhúún mariʼñuu ga̱jma̱a̱ mañewu̱u̱n.+
Mani̱ndxu̱ʼ xóo mbá ixi̱ enebro rí mba̱a̱ dí maxaʼ.
Náa ikhúún gáʼkha̱ xndúu rí ma̱jma̱a̱ náa ikháán”.
9 Bi̱ najmañuu, gikro̱ʼo̱o̱ rígi̱.
Bi̱ nandxa̱ʼóo májánʼ edxu̱u̱, ganinuuʼ rígi̱.
Numuu rí kambo̱o̱ Jeobá nindxu̱u̱ jmbu+ga̱jma̱a̱ bi̱ nuni̱ rí jmbu majngruigu̱u̱n ikhí,mú bi̱ nuni̱ aʼkhá majngrádiinʼ ikhí.
