Oseas 6:1-11

  • Najuiʼthúún rí matangi̱i̱n náa Jeobá (1-3)

  • Tséjyúu guámbá ngajua ndrígu̱ún xa̱bu̱ xuajin (4-6)

    • Itháán májánʼ nindxu̱u̱ ngajua rí tsétumuu ki xóo tsigijñaʼ (6)

  • Ma̱jti̱ʼ rí nuni̱ xa̱bu̱ xuajin (7-11)

6  “Gaguwaʼ, gutanga̱ánʼlú náa Jeobá,maski ajndu ikhaa nirujkiáanʼlu,+ mú maʼni̱i̱ a̱jkiu̱lú, maski ajndu nixnúlú, mú maʼni thanuu náa nigawúnlú.  2  Nda̱wa̱á rí gáʼni a̱jma̱ mbiʼi, ikhaa maxnúlú tsiaki̱i̱. Índo̱ gáʼni ajtsú mbiʼi, ikhaa makuxáanʼ,ga̱jma̱a̱ makuwáanʼ náa inuu ikhaa.  3  Muniʼniiʼlú Jeobá, mu̱ʼni̱ tsiakimijna muniʼníiʼ. Dí ma̱ʼkha̱ nindxu̱u̱ gajkhun xó má dí najtsiri̱ga̱,ma̱ʼkha̱ náa ikháánʼlú xóo mbá ruʼwambiʼ,xóo mbá ruʼwa rí naxnúu nda̱wa̱á náa ku̱ba̱ʼ”.  4  “Efraín xú káʼnii xóó gándoo gámbáyáaʼ rá. Judá xú káʼnii xóó gándoo gámbáyáaʼ rá. Numuu rí ngajua ndrígáaʼ* nindxu̱u̱ xóo rujmbaaʼ rí nanújngoo rí miʼcha̱,xóo xuájyaʼ dí mbá nacha̱ nagijxi̱i̱ iyu̱u̱.  5  Ikha jngóo majmiuʼ profetas,* mu muthi rí maguáʼníí dí mani̱ndxu̱u̱ xóo rí marujkiáanʼla,+magúdiáanʼ ga̱jma̱a̱ rí ma̱ta̱.+ Rí maguáʼníí makujmaa kaʼwu xóo agiuʼ a̱jkha̱ʼ rí nambiʼi.+  6  Dí naʼni maʼdxuu a̱jkiu̱nʼ nindxu̱u̱ ngajua rí tsétumuu* raʼkháa tsigijñaʼ,ku̱ma̱ ndrígóo Dios raʼkháa tsigijñaʼ dí najuixnájxi̱ mu mikarámáʼ.+  7  Mú xa̱bu̱ xuajñunʼ nindxu̱ún xa̱bu̱ aʼkhá, ninújngurámúúnʼ rí nimbánúʼ gajmíʼ.+ Ikhí nini̱ nduwúúnʼ.  8  Galaad nindxu̱u̱ mbá xuajin náa kúwíin xa̱bu̱ bi̱ nuni̱ dí raʼkhí,+ikhiin nuxidíí wéñuuʼ eʼdi.+  9  Mbá nguéjmi̱i̱n ndxajkun nindxu̱ún xóo kuʼwáʼ bi̱ natuiʼíin ngu̱ʼwa̱ mu muguaʼthi̱i̱n mbáa. Nuradíin xa̱bu̱ náa kamba̱a̱ mijngii náa Siquem,+nindxu̱u̱ ma̱jti̱ʼ rí nuni̱. 10  Ndi̱yo̱o̱ mbá rí xkawiʼ kayuuʼ náa goʼwóo Israel. Ikhí Efraín nagujuamínáʼ,+Israel niʼni tsagaminaʼ.+ 11  Mú ikháán, Judá, rígá xawii marajxi̱i̱ mbá rí nijuiʼdu,maʼkháaʼ kagui̱i̱n xa̱bu̱ xuajñunʼ, bi̱ ni̱jkha̱ kiʼdiin”.+

Mbaʼa nota

^ Atayáá glosario, ngajua rí tsétumuu.
^ O “gaʼyee”, “bi̱ nuthi dí marigá”.
^ O “dí magáwíinʼ a̱jkiu̱u̱n”.