Oseas 11:1-12

  • Dios nindoo kaʼyoo Israel asndu nákhá kaʼníí nindxu̱u̱ dxámá (1-12)

    • “Nindxa̱ʼwa̱a̱ ma̱ʼkha̱a̱ a̱ʼdióʼ náa Egipto” (1)

11  “Índo̱ Israel kaʼníí nindxu̱u̱ dxámá, nindoʼ ka̱yo̱o̱,+nindxa̱ʼwa̱a̱ ma̱ʼkha̱a̱ a̱ʼdióʼ náa Egipto.+  2  Índo̱ ikhiin* itháán nundxa̱ʼwu̱u̱n israelitas,israelitas itháán má nutsíngúunʼ náa ikhiin.+ Nángi eʼni exnajxi̱ tsigijñaʼ náa xtiʼkhuu Baal+ga̱jma̱a̱ nuxnajxi̱ tsigijñaʼ náa inún xándú bi̱ niniwíin.+  3  Ikhúún nindxu̱ʼ bi̱ niʼsngúún magún xa̱bu̱ Efraín+ ga̱jma̱a̱ bi̱ niguriʼiin,+mú ikhiin táʼndún gúyáá dí ikhúún nindxu̱ʼ bi̱ ni̱ni̱ thanún.  4  Nijmuʼ rí májánʼ a̱jkiu̱nʼ xóo mbá ñuñuu* mu maʼkháaʼ kagui̱i̱n náa ikhúún, nijmuʼ ngajua xóo mbá ñuñuu+ mu maxnu̱u̱n ikha mu maguwáanʼ náa ikhúún,ninindxu̱ʼ mbáa bi̱ nikujxi̱ yugo mu maríyáaʼ itsu̱ rawúúnʼ,ga̱jma̱a̱ ngajua ni̱jkhá ka̱yo̱ʼ ganitsu mu mi̱khu̱ mámbáa.  5  Xátangi̱i̱n náa ku̱ba̱ʼ ndrígóo Egipto, mú Asiria mani̱ndxu̱u̱ rey ndrígu̱ún,+numuu rí nini̱ gaʼduunʼ magutangi̱i̱n náa ikhúún.+  6  Mbá espada maʼga xóo mbá nanuʼ náa xuajñún+ga̱jma̱a̱ maʼni gámbáa ixi̱ mbi̱jua̱ dí nagúguáa ga̱jma̱a̱ xkrugua ma̱ngaa mu̱phu̱ ra̱jngúúnʼ ga̱jma̱a̱ numuu awan rí xkawiʼ dí niriya̱ʼ.+  7  Xuajñunʼ niraʼwíí rí xáwi̱ji̱ jmbu.+ Maski ajndu nijuatsaʼwáán dí maguwáanʼ* náa bi̱ phú mba̱a̱, mú nimbáa tsétujxu̱u̱.  8  Efraín, xú káʼnii gándoo gániʼñá ti̱ga̱a̱n rá.+ Israel, xú káʼnii gándoo gáxnajxíín náa eʼwíinʼ rá. Xú káʼnii gándoo gáñáanʼ xóo Admá rá. Xóo káʼnii gándoo gániʼñááʼ xóo Zeboyim rá.+ Niriʼkhu̱u̱ xóo endxa̱ʼwamínáʼ,ikhú má nigáwíinʼ a̱jkiu̱nʼ ka̱ya̱a̱ʼ.*+  9  Xásnga̱jmá rí nakásngañu̱ʼ. Xáni̱ gámbáa mbu̱júu̱ Efraín,+numuu rí nindxu̱ʼ Dios, raʼkháa mbáa xa̱bu̱ú,bi̱ Mikaʼwii náa majña̱a̱ʼ ikháán,xáʼkhá náa ikháán índo̱ nakásngañu̱ʼ. 10  Majngruigu̱u̱n náa kidxuuʼ Jeobá ga̱jma̱a̱ ikhaa mandxa̱ʼwá xóo mbáa león,+índo̱ gándxaʼwá, asndu naguíʼiin e̱ji̱i̱n gáguwáanʼ náa narámaaʼ a̱jkha̱ʼ.*+ 11  Índo̱ gágájna̱án náa Egipto, maguíʼiin xóo mbáa ñu̱ʼu̱,magajníín náa ku̱ba̱ʼ ndrígóo Asiria, xóo mbáa paloma,+ga̱jma̱a̱ ma̱ni̱ rí makuwá náa guʼwún”, eʼthí Jeobá.+ 12  “Efraín i̱ndó naʼthúnʼ rí nduwaʼ,bi̱ kúwá náa goʼwóo Israel, nuni̱ nduwúúnʼ.+ Mú Judá jngruigo̱o̱ má xúʼko̱ ga̱jma̱a̱ Dios,ga̱jma̱a̱ nawi̱ji̱ jmbu náa bi̱ phú Mikaʼwii”.+

Mbaʼa nota

^ Xóo muʼthá, profeta ga̱jma̱a̱ eʼwíinʼ xa̱bu̱ bi̱ nixuʼmiin mu musngúún xa̱bu̱ Israel.
^ Mbá dí najmún xabuanii mu musngúún e̱jñu̱ún magún.
^ Xóo muʼthá, ndáwa̱a̱ nimbáa bi̱ maguma mba̱a̱.
^ Náa ajngáa hebreo naʼthí, “mba̱a̱ rí nagáwíinʼ a̱jkiu̱nʼ”.
^ O “oeste”.

Copyrights ndrígóo i̱yi̱i̱ʼ rígi̱