Oseas 12:1-14
12 “Efraín na̱ʼkhu̱ giñánʼ xóo ganitsu.
Kañiiʼ mbiʼi jngruigo̱o̱ raxkoo giñánʼ rí naxnúu xígií náa nagájnuu a̱jkha̱ʼ.*
Naʼthí má xúʼko̱ rí minduwaʼ ga̱jma̱a̱ rí xkawiʼ a̱jkiu̱u̱n.
Nambánuminaʼ ga̱jma̱a̱ Asiria+ ma̱ngaa na̱jkha̱ kagu̱u̱ aceite náa Egipto.+
2 Jeobá gíʼdoo mbá xkujndu rí maʼnimbánuu ga̱jma̱a̱ Judá,+manda̱ʼa̱a̱ cuenta Jacob ga̱jma̱a̱ rí xóo nindxu̱u̱,maʼni numa̱a̱ ga̱jma̱a̱ rí xóo naʼni.+
3 Náa awúu̱n ru̱dúu̱,* ikhaa niguajtuun níxtuun rajkhúu ndxájuu.+Ga̱jma̱a̱ xúgíʼ tsiaki̱i̱ ndrígóo nixmínaʼ ga̱jma̱a̱ Dios.+
4 Nixmínaʼ má xúʼko̱ ga̱jma̱a̱ mbáa ángel asndu náa niʼngo̱o̱.
Nimbi̱ya̱ʼ ga̱jma̱a̱ niʼtákáñuu mu maʼni tsajkurámaaʼ”.+
Ikhaa* nixkamaa náa Betel, ikhí niʼtámíjná ga̱jma̱á nindxu̱xu̱.+
5 Jeobá, Dios bi̱ naʼtáñajúúnʼ ángeles,+xa̱bu̱ mbaʼyóoʼ marmáʼáan a̱jkiu̱ún rí Jeobá nindxu̱u̱ mbiʼyuu.+
6 “Ikha jngóo gatanga̱án náa Dios ndrígáaʼ,+araʼdáá má xúʼko̱ ngajua rí tsétumuu* ga̱jma̱a̱ atani̱ má xúʼko̱ rí jmbu,+araʼti̱i̱n má xúʼko̱ náa Dios.
7 Náa ñawúunʼ xa̱bu̱ bi̱ na̱gu̱jua̱ rígá mbá balanzas rí tségiewan májánʼ,nanigu̱u̱ʼ maʼni nduwaʼ.+
8 Efraín naʼthí má xúʼko̱: ‹Gajkhun dí ra̱ʼkhá tháán gúʼdoo,+mbaʼa wéñuuʼ rí nijkhánú nigúʼdoo.+
Náa xúgíʼ ñajunʼ gakhi̱i̱ rí ni̱ni̱ xúyáá rí nikiéʼkhúnʼ ga̱jma̱a̱ aʼkhá rí nikuʼdáminaʼ›.
9 Asndu nákha náa ku̱ba̱ʼ ndrígóo Egipto ikhúún nindxu̱ʼ Jeobá Dios ndrígáaʼ.+
Ma̱ni̱ rí matanga̱án maraxtaa náa guʼwá xtíin mbu̱júu̱xó má mbiʼi rí nijuaxtaʼwíí.*
10 Ni̱thu̱u̱n profetas,*+ni̱ni̱ rí mbaʼa majuasngájmúúnnijmiuʼ profetas mu muthi ajngáa xkri̱da.
11 Náa Galaad nirígá nduwaʼ+ ga̱jma̱a̱ dí ragájkhun.
Náa Guilgal nixnajxi̱i̱n xedi̱,+ga̱jma̱a̱ náa nuxnajxi̱ tsigijñaʼ nindxu̱u̱ xóo ru̱tsu̱u̱ itsí dí triga̱ náa riyooʼ xku̱bi̱.+
12 Jacob nigáyúu ni̱jkha̱ náa mbayuuʼ Aram,*+Israel+ niñejunʼ ikhí mu mbayáa mbáa a̱ʼgu̱,+ga̱jma̱a̱ numuu mbá a̱ʼgu̱ niñewu̱u̱n mugu̱.+
13 Jeobá nijmiuu mbáa profeta mu maríya̱a̱ʼ Israel náa Egipto,+nijmiuu mbáa profeta mu mañewu̱u̱n.+
14 Efraín niʼni rí magawúunʼ wéñuuʼ a̱jkiu̱u̱n Dios,+kaʼníí rígá náa ikhaa aʼkhúun dí nixídíí eʼdi,Tátióo maxnúu rí kaʼyoo ga̱jma̱a̱ numuu rí niriyaʼ gamajkuu”.+
