A fosi Paskafesa ben prenspari srefisrefi. Baka di a kownu fu Egepte si taki en fosi manpikin dede a neti dati, a taigi Moses: „Komoto na mindri mi pipel. Unu nanga ala den tra Israelsma kan go dini Yehovah, soleki fa unu taki” (Eks 12:31). Yehovah sori taki a e kibri en pipel ala ten.

Na ini den yari di pasa a de krin fu si taki Yehovah e tan kibri en pipel. Wi kan si disi na a museum di de na a edekantoro fu wi, di nen „Wan pipel di e tyari Yehovah nen.”

LUKU A FELEM WARWICK MUSEUM TOUR: „WAN PIPEL DI E TYARI YEHOVAH NEN.” BAKA DATI PIKI DEN AKSI DISI:

• Sortu moi sani den Bijbel Ondrosukuman ben e gebroiki na a bigin fu 1914 fu taki nanga sma fu Bijbel, èn san ben de a bakapisi?

• Sortu tesi den brada ben kisi na ini 1916 nanga 1918, èn san e sori taki Yehovah ben e tiri en organisâsi?

• Fa a pipel fu Yehovah tan dini en aladi den ben kisi frufolgu?

• San a pipel fu Yehovah ben kon frustan na ini 1935, èn sortu krakti dati ben abi na den tapu?

• Efu yu ben go luku a museum disi, dan san yu si di tranga yu bribi taki Yehovah e tiri èn e kibri en pipel?