ROSO 21
Dancha Duduwo Dudumbanni Heeˈnoonnihu Hiittoonniiti?
Yihowa muli yannara, Mangistesi widoonni qarranke baala hunanno. Kuni duduwi lowo geeshsha dancha ikkino daafira, mannu baalunkura kula hasiissannoho. Yesuusi rosaanosi tenne sokka manna baalaho kultara hasiˈranno! (Maatewoosi 28:19, 20) Yihowa Farciˈraasine Yesuusi hajajinore wonshitanni noohu hiittoonniiti?
1. Maatewoosi 24:14te noo masaalo yannankera woˈmitanni noohu hiittoonniiti?
Yesuusi togo yee masaalino: “Kuni Maganu Gashshootihu Danchu Duduwi gobba baalate kulamanno.” (Maatewoosi 24:14) Yihowa Farciˈraasine konne lowo geeshsha hasiisanno looso loosa baxxanno. Dancha duduwo alamete doyichora 1,000 saˈˈanno afiinni sabbankanni heeˈnoommo! Konne halaˈlado looso loosate lowo sharronna dancha gede qinaawa hasiissanno. Yihowa kaaˈlo nookkiha konne looso umo fushsha didandiinanni.
2. Mannaho dancha duduwo duduwate sharrammeemmohu hiittoonniiti?
Mannu noowa baalankawa sabbankeemmo. Umi xibbi diri Kiristaaninte gede, ‘minunni mine’ haˈne sabbankeemmo. (Soqqamaasinete Looso 5:42) Konni garinni diinaggaambe soqqammeemmo daafira, diru dirunku lowo miliyoone ikkanno manna hasaawinseemmo. Mito woyite mannu mine heeˈrannokki daafira, gudumaalehonna tuutiwano sabbankeemmo. Woˈmanka woyite mannaho Yihowarenna isi ninkera hedinore kulate faro hasiˈneemmo.
3. Dancha duduwo duduwa hasiissannonsari ayeooti?
Addu Kiristaani baalunku dancha duduwo mannaho kula hasiissannonsa. Konne looso mulluri gede assine dilaˈneemmo. Dudumbeemmo sokka mannu lubbo gatissannota anfoommo daafira, dandaaminke deerrinni konne looso woˈma wolqankenni loonseemmo. (1 Ximootewoosi 4:16 nabbawi.) Qullaawu Maxaafi “Calla adhitinoonnire calla uuyye” yaanno daafira, sabbankeemmohu woxe uyineennanke diˈˈikkino. (Maatewoosi 10:7, 8) Hige batinyu manni sokkanke macciishsha hasiˈrannokkita anfoommo. Ikkirono, sabbakanke Yihowara hajajama ikkitino daafiranna iso hagiirsiissannohura, sabbakanke diagurreemmo.
LEDDE XIINXALLI
Yihowa Farciˈraasine alamete deerrinni sabbakkanni noo gara ledde rosi; hattono Yihowa kaaˈlanni noonke gara huwati.
Alamete doyichora sabbankanna: (A) Kosta Rika, (B) Ameerika, (C) Beniini, (D) Tayilaande, (E) Yaapi, (F) Siwiidine
4. Mannu baalunkura halaale duduwate sharrammeemmo
Yihowa Farciˈraasine baalankawa heeˈranno mannira dancha duduwo kulate, baasa sharrantanno. VIIDIYO laˈe; hakkiinni aante noo xaˈmo hasaabbe.
-
Yihowa Farciˈraasine halaale duduwate sharrantanno gara hedatto woyite dhagge ikkannoheri maati?
Maatewoosi 22:39 nna Roomu Sokka 10:13-15 nabbabbe; hakkiinni aante noo xaˈmuwa hasaabbe:
-
Soqqanshonke manna banxeemmota leellishshannohu hiittoonniiti?
-
Dancha duduwo dudubbannori Yihowa albaanni hiittooreeti?—Kiiro 15 lai.
5. Ninke Maganu ledo loonseemmoreeti
Batinye woˈnaalshuwa leellishshannonte gede, Yihowa loosonke qineessanni no. Lawishshaho, Niwu Zilaandete gobbara Pooli yinanni rodii barra minunni mine haˈre soqqamanni heeˈre mitte manchonni xaadino. Tini mancho hakko barra soodo widoonni, mittu manchi daye hasaawisannose gede kaaˈlasera Yihowa yinanniha Maganu suˈma gante huuccatto assidhino. Pooli, “Sase saate gedensaanni minisera maroommo” yiino.
Umi Qorontoosi 3:9 nabbabbe; hakkiinni aante noo xaˈmo hasaabbe:
-
Niwu Zilaandete gobbara ikkinohu gedee woˈnaalshi, Yihowa loosonke massaganni noota leellishannohu hiittoonniiti?
Soqqamaasinete Looso 1:8 nabbabbe; hakkiinni aante noo xaˈmo hasaabbe:
-
Soqqanshonkera Yihowa kaaˈlo hasiissannonkehu mayiraati?
Ati tenne afootto?
Lamalate kiiro, lamalate mereero assiˈneemmo gambooshshiwa soqqanshote kaaˈlanno qajeelsha afiˈneemmo. Togoo gambooshshe hadhe macciishshite egennoottoha ikkiro, konni qajeelshi daafira mayyaatto?
6. Maganu halaale dudubbe yee hajajinonke hajajo ayirrinseemmo
Umi xibbi diro, halaale gibbannori Yesuusi rosaano sabbakkannota hoolate woˈnaaltino. Hundi Kiristaani “Dancha Duduwo xiibbannore gargare” sabbakate qoossonsa agarantanno gede assiˈrino. (Filiphisiyusi Sokka 1:7) Xaa yannara Yihowa Farciˈraasineno hatto assitanno. a
Soqqamaasinete Looso 5:27-42 nabbabbe; hakkiinni aante noo xaˈmo hasaabbe:
-
Sabbaka agurreemmokkihu mayiraati?—Kiiro 29, 38, nna 39 lai.
MITU MANNI TOGO YEE XAˈMARA DANDAANNO: “Yihowa Farciˈraasine minunni mine hadhe sabbakkannohu mayiraati?”
-
Tennera mayite qolatto?
XAPHISHSHA
Yesuusi rosaanosi dancha duduwo daga baalate dudubbanno gede hajajino. Yihowa mannisi konne looso loosanno gede kaaˈlanni no.
Kageeshsha Rosoottore
-
Dancha duduwo alame woˈmate aana dudumbanni heeˈnoonnihu hiittoonniiti?
-
Soqqanshonke manna banxeemmota leellishshannohu hiittoonniiti?
-
Sabbakate loosi hagiirsiisanno looso lawannohe? Mayira?
EGENNO LEXXI
Yihowa Farciˈraasine jajjabba katammara heeˈranno mannira sabbakkannohu hiittoonniiti?
Paarisi Katamira Soqqammoonnita Baxxitinota Gudumaalu Soqqansho (5:11)
Yihowa Farciˈraasine darame dayino manna kaaˈlate maa assitino?
Darame Dayino Manni Giddo Ayyaanaamittetenni Goodhinore Kaaˈla (5:59)
Mitte rodoo woˈma yanna soqqansho heeshshose hagiirru woˈminota ikkitanno gede kaaˈlitinose gara kultanna macciishshi.
Sabbakate loosira kaaˈlitinoti yoote mini yiinoti mite yoo hiitteeti?
“Maganu Mangiste Duduwaasine Coyensa Yoote Mini Afanno Gede Assidhu” (Maganu Mangiste Gashshite No!, fooliishsho 13)
a Sabbankeemmo gede hajajinonkehu Maganoho. Hakko daafira, Yihowa Farciˈraasine dancha duduwo duduwate uullate gashshaanowiinni fajjo xaˈmiˈra dihasiissannonsa.
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
