Iyyueeli 1:1-20
1 Petueeli beettiwa Iyyueeliwa* daynoha Yihowa qaale:
2 “Kiꞌne cimeeyye, tenne macciishshe;Kiꞌne tenne gobbara* heedhinanniri baalu, macca wortine macciishshe.
Kiꞌne diro woy annuwaꞌne diroTogoori ikke egennino?
3 Tenne oosoꞌnera kulle;Oosoꞌneno oosonsara,Oosonsa qolte dagganno ilamara kultona.
4 Shakki assanno kanchafari itanna gatinoha, kanchafaru hoshsha ittino;Kanchafaru hoshsha gatissinoha, qoola afiꞌrinokki kanchafari itino;Qoola afiꞌrinokki kanchafari gatisinoha, duuwannokki kanchafari itino.
5 Kiꞌne dimbaasine, baqqi yiiyye; qoleno wiꞌle!
Kiꞌne woyne agginanniri baalu,Coommitanno woyne afiiꞌnenni haaꞌne hoolloonni daafira diddine wiꞌle.
6 Wolqaataamenna kiirre tunqannikki daga gobbaꞌya dagge horritinona.
Hinkonsa doobbiichu hinko gedeete; baqqaallinsano doobbiichu baqqaalla lawanno.
7 Woynete haqqeꞌya huntino; balasete haqqeꞌyano tutuma calla gatissino;Goga nafa sholoolte itte kaꞌa qolte tuggino;Sinnansa aana mittu omolchi nafa digatino.
8 Xidda uddidhe wedellimmase idaychira* wiꞌlitanno seemo* gede,Diddine wiꞌle.
9 Gidu fushshaatinna agattote fushshaati Yihowa minira shiqa agurino;Yihowa soqqamaano ikkitinori kakkalaano dadillu aana no.
10 Gatu mullicho ikkino; baatto dadillitino;Korkaatuno gidu goofino; haaro woyne moolte baꞌino, zayteno gooffino.
11 Gaware saaltino; woynete kaashshi giddo loossannorino didde wiꞌlitino;Kuni ikkinohu sindensanninna hayxinsanni kainohunniiti;Korkaatuno mindanni gati baino.
12 Woynete haqqe mooltino;Balasete haqqeno qoortino.
Roomaane, saattu, poomennaDubboho noo haqqe baala mooltino;Mannu mereero noo hagiirri saalaho soorraminona.
13 Kiꞌne kakkalaano, xidda uddidhine* ofoltine dadille;*Kiꞌne kakkalote darga soqqantinanniri, diddine wiꞌle.
Kiꞌne Maganiꞌya soqqamaano, amme; xidda uddidhine galle;Xaate gidu fushshaatinna agattote fushshaati Maganiꞌne minira dishiqannona.
14 Xoommanni gede lallabbe; manna woshshitine gamba asse;*
Cimeeyyenna gobbate heeꞌranno manna baala Maganiꞌne Yihowa mine gamba asse;Kaaꞌlannoꞌne gede Yihowawa higgine raarre.
15 Hakku barri hiitto waajjishanno!
Yihowa barri gambisinona;Qoleno Woꞌmanka Dandaanno Maganiwiinni baote gede ikke daanno!
16 Sagale illenkenni,Hagiirrunna tashsho Maganinke mininni dibaꞌino?
17 Wixu* akaafaho woroonni qoorino.
Gide wodhinanni dargi mullicho ikkino.
Gootaaruno diigamino; korkaatuno gidu moole baino.
18 Saada nafa urtanno!
Lalu gurchaawe kawanna kaꞌa raataawanno; korkaatuno hayisso dino!
Geꞌreewu hoshshano qoricha adhitanno.
19 Yihowa, ate woshshiꞌreemmo;Halalla noota hayissote gobba giira guddinona;Dubbu haqqe baalano buwanu shakki assino.
20 Dubbu moychi nafa ate quqquxame agadhanno;Korkaatuno way buꞌa xoꞌino;Halalla noota hayissote gobbano giira guddino.”
