Ejjeetto 2:1-23
2 Hakkiinni, Yihowa sokkaasinchi Gilgaalinni fule Bokiimi mare togo yii: “Gibitsetenni fushshe annuwaꞌnera aammora xaaroommo gobba abboommoꞌne; qoleno togo yoommo: ‘Eoommoꞌne gondooro horo didiigeemmo.
2 Kiꞌneno tenne gobbara heedhannori ledo gondooro eꞌinoonte; kakkalote darguwansano diiggine hunne.’ Kiꞌne kayinni qaaleꞌya dimacciishshitinoonni. Hajajama gibbinoonniehu mayraati?
3 ‘Insa albiꞌnenni dishorreemmo; insa woshshaado ikkitannoꞌne; magannansano doggannoꞌne’ yoommohu iseraati.”
4 Yihowa sokkaasinchi Israeelete manni baalaho tenne coyiꞌrita, mannu qoonqonsa naggi asse wiꞌli.
5 Konnira insa hakko baychira suꞌma Bokiimi* yite fushshitu; hakkiicho Yihowara kakkalo shiqishshu.
6 Iyyaasu manna haꞌrisihu gedensaanni, mittu mittunku Israeelichi baatto ragiꞌrate iqqi iqqisiwa haꞌri.
7 Mannu Iyyaasu lubbote noo yanna baalantera Yihowara soqqamino; qoleno Iyyaasu reyhu gedensaanni heedhinorinna Yihowa Israeelete yee assinoha jawa coye baala laꞌino cimeeyye noo yanna baalantera isira soqqamanni heeꞌrino.
8 Hakkiinni, Yihowa soqqamaanchi Newe beetti Iyyaasu 110 dirisinni mannu aalo ikki.
9 Insano Gaꞌꞌaashi Ilaalira aliyyeenni, Efireemihu ilaalaamu qooxeessira ragiꞌrino qoqqowira Timinaati-heeresi madaartu.
10 Hatti baalanti ilama reyte gooffuhu gedensaanni, Yihowa egentinokkitinna isi Israeelete assinore affinokkiti wole ilama kalaqantu.
11 Konnira Israeele Yihowa albaanni busha coye assitu; Baꞌꞌaalirano soqqantu.*
12 Konni garinni, Gibitsete gobbanni fushshinonsaha annuwansa Magano Yihowa agurtu. Insa qooxeessinsara heedhanno daga magansidhannota wole maganna haꞌrunsitu; hattono insara kumbuulte Yihowa hanqissu.
13 Insa Yihowa agurte Baꞌꞌaaliranna Astaarooti misillara soqqantu.
14 Tenne yannara Yihowa hanqi Israeelete aana buwi; konnira isi mulqidhannonsari angara sayse uyinsa. Isi qooxeessinsara heedhanno diinna angara sayse hirinonsa; hakkunni gedensaanni insa diinnansa qeela didandiitino.
15 Yihowa balaxe coyiꞌrino garinninna Yihowa insara xaarino garinni, hadhuwa baalawa bao abbitansara, Yihowa anga insa aana no. Insano lowo geeshsha yaaddino.
16 Konnira Yihowa mulqidhannonsari anganni gatissannonsa gede ejjeetto kaysino.
17 Insa kayinni ejjeetto nafa macciishsha gibbino; qoleno wole maganna ledo foortino; insarano kumbuultino. Yihowara hajajantino annuwansa hadhino doogonni rakke wirri yitino. Insa annuwansa gedeere diꞌꞌikkitino.
18 Yihowa insara ejjeetto kaysinonsa. Hatte yanna baalate Yihowa ejjeettichu ledo ikkanno; konnira ejjeettichu lubbote noo yanna baalate diinnansa anganni gatisinonsa. Korkaatuno Yihowa, mannu gadadisannansanna beebba assiꞌrannansa urtanno woyte mararannonsa.*
19 Ejjeettichu reyanno woyte kayinni, wole maganna haꞌrunsitanno; insara soqqantanno hattono insara kumbuultanno; konni garinni, wirro annuwansanni roore busha coye assitanno. Busha loosonsa diagurtino; qoleno insa kakkachootaho.
20 Jeefoteno Yihowa hanqi Israeelete aana buwi; isi togo yii: “Tini daga annuwansa ledo eoommo gondooro diigginonna hajajama gibbinoe daafira,
21 anino Iyyaasu rey waro gatisinota mitte dagano albinsanni dishorreemmo.
22 Tenne asseemmohu Israeele annuwansa gede Yihowa doogo hadhe, doogosi agadhitannoronna teꞌee fonqole laꞌꞌateeti.”
23 Konnira Yihowa tini daga hakko heedhara fajjino. Isi insa baychonkonni dishorrino; Iyyaasu angarano sayse diuynonsa.
