9. LEKCIJA
Koristin slike hem filmija
1. Mojsieso 15:5
SO TE ČERE: Koristin slike hem filmija te šaj e manušendže te ačhon ki godi o glavna mislija.
SAR TE ČERE ODOVA:
-
Koristin slike te šaj pošukar te sikave. Koristin slike, karte, tabele ja avera buča kola ka mothoven o važna mislija, a na o detaljija kola nane važna. Pomožin e manušendže te pamtinen na samo odova so dikhlje, nego hem so sikljilje odoljestar.
-
Mothov o slike hem o filmija te šaj šukar te dičhon. Na primer, ako andi bina mothoveja jekh slika, oj valjani te ovel dovoljno bari te šaj sarine te dikhen la.