Pazin kotar ljeja o informacije. Odova so vačereja valjani te ovel ando Devljeso Lafi hem ked god šaj čitin oljestar. Ako vačereja kotar disave naučna buča, disavi vest, iskustvo ja diso aver, uvek proverin kotar ljeljan odola informacije hem da li tane pana čačutne.

Koristin ispravno o informacije. Ked objasnineja jekh stih, ov valjani te složini pe e stihonenca kola tane angljeder hem palo odova. Isto adžahar, valjani te složini pe odoljeja so pisini ki celo Biblija hem ko publikacije ando „verno hem o razborito robo“ (Mat. 24:45). Ked koristineja o informacije kola nane andi Biblija, ma promin i misao hem ma vačer diso averčhane kotar odova so mislija o pisco.

Podstaknin e manušen te razmislinen ando dokazija koljendar vačereja. Palo odova so ka čitine o stih ja so ka vačere disavi informacija, pomožin e manušendže kokri te haljon odova sostar vačereja. Odova šaj te čere adžahar so ka puče diso ja so ka koristine primer.