Proverbs 8:1-36
8 Hao, ino wisdom nao singaot kam?
Hao, ino wei for luksavve nao singaot big?+
2 Lo olketa hae ples+ followim road,Hem standap lo olketa crossroad.
3 Klosap lo olketa gate wea go insaed lo datfala taon,Lo olketa entrance blo datfala taon,Hem gohed for singaot big olsem:+
4 “Iufala olketa pipol, mi gohed kolem iufala.
Mi singaot big lo evriwan.*
5 Iufala wea no garem experience, lanem wei for kamap wise.+
Iufala olketa stupid wan, waka hard for kasem heart wea savve minim samting.
6 Lisin, bikos wat mi talem hem important,Lips blo mi hem storyim stret samting.
7 Bikos mouth blo mi hem story smol abaotem truth,And lips blo mi hem heitim wicked samting.
8 Evri toktok wea kamaot from mouth blo mi hem raeteous.
No eniwan lo olketa hem laea or no stret.
9 Olketa samting hia hem klia nomoa lo man wea garem wei for luksavveAnd olketa stret lo eniwan wea faendem knowledge finis.
10 Chusim teaching* blo mi and no silver,And chusim knowledge and no best gold,+
11 Bikos wisdom hem beta winim coral.*
No eni samting wea man laekem hem semsem witim datwan.
12 Mi, wisdom, mi stap witim wei for minim samting.*
Mi faendem knowledge and ability for ting raonem samting.+
13 Wei for fraet lo Jehovah hem minim for heitim nogud samting.+
Mi heitim wei for mekhae lo seleva and praod+ and wicked wei and nogud toktok.+
14 Mi garem gud advaes and wei for duim wise samting.+
Wei for minim samting+ and paoa+ hem blo mi.
15 Thru lo mi olketa king gohed for rul,And olketa hae official mekem olketa law wea raeteous.+
16 Thru lo mi olketa prince gohed for rul,And olketa bigman judge followim samting wea raeteous.
17 Mi lovem olketa wea lovem mi,And olketa wea lukaotem mi bae faendem mi.+
18 Riches and glory stap witim mi,Riches wea no savve finis* and raeteous fasin.
19 Evri samting wea man kasem from mi hem beta winim gold, hem winim pure gold,And evri present wea man kasem from mi hem beta winim best silver.+
20 Mi wakabaot followim road blo raeteous fasin,Lo midol blo olketa road blo justice.
21 Mi givim inheritance wea garem hae value lo olketa wea lovem mi,And mi fulimap olketa stoahaos blo olketa.
22 Mi nao first wan+ wea Jehovah creatim,First wan lo olketa samting wea hem wakem from bifor kam yet.+
23 Longtaem bifor kam,* mi stap finis,+Diswan hem lo start, taem earth hem no stap yet.+
24 Taem no eni deep wata yet,+ mi born finis,*Taem no eni wata hem ran kamaot from graon yet.
25 Bifor God putim olketa maunten lo ples blo olketa,Bifor olketa hill stap, mi born finis,
26 Taem hem no wakem yet earth and olketa plantAnd first dust blo graon lo earth.
27 Taem hem redi for wakem skae,+ mi lo there.
Taem hem putim spialaen* between skae and sea,+
28 Taem hem putim* olketa cloud lo antap,Taem hem wakem olketa springwata blo deep wata,
29 Taem hem putim law for seaMekem olketa wave blo hem no go ovam baondri blo hem,+Taem hem putim* olketa faondeson blo earth,
30 Then mi stap saed lo hem olsem wakaman wea garem skill.+
Mi nao main wan wea hem hapi lo hem+ evriday.
Mi hapi front lo hem evritaem.+
31 Mi hapi tumas lo earth wea hem creatim for pipol stap insaed,And main samting wea mekem mi hapi tumas hem olketa son blo man.*
32 So distaem, olketa son blo mi, lisin lo mi.
Yes, olketa wea obeyim olketa toktok blo mi bae hapi.
33 Lisin lo discipline+ and kamap wise,And no enitaem les lo datwan.
34 Man wea lisin lo mi bae hapiTaem hem kam early* lo olketa door blo mi evriday,Taem hem weit saed lo olketa post blo door blo mi.
35 Bikos man wea faendem mi hem faendem laef,+And Jehovah appruvim hem.
36 Bat man wea ignorem mi hem spoelem hemseleva,*And olketa wea heitim mi olketa lovem dae.”+
Olketa footnote
^ Lit., “olketa son blo man.”
^ Lit., “discipline.”
^ Lit., “wei for kamap wise.”
^ Or, “Olketa fasin wea mi inheritim.”
^ Or, “From bifor kam yet.”
^ Or, “mi born finis olsem baby wea mami kasem big pain taem hem bornem.”
^ Lit., “wanfala circle.”
^ Lit., “mekem strong.”
^ Or, “markem.”
^ Or, “olketa man.”
^ Or, “Taem hem gohed wekap.”
