Proverbs 4:1-27
4 Olketa son blo mi, lisin lo discipline blo wanfala dadi.+
Lisin gud mekem iufala garem wei for minim samting,
2 Bikos mi bae givim gudfala instruction lo iufala.
No rejectim teaching* blo mi.+
3 Mi son wea obeyim dadi blo mi.+
And mami blo mi+ lovem mi tumas.
4 Hem teachim mi and sei: “Mi laekem for iu keepim gud olketa toktok+ blo mi insaed heart blo iu.
Gohed obeyim olketa komandment blo mi and bae iu gohed laef.+
5 Waka hard for kasem wisdom, waka hard for kasem wei for minim samting.+
No forgetim olketa toktok wea mi talem and no tane difren from olketa.
6 No lusim hem, and hem bae protectim iu.
Barava tinghae lo hem, and hem bae gaedem iu.
7 Wisdom nao barava important* samting,+ so waka hard for kasem wisdom,And lo evri samting wea iu waka hard for kasem, waka hard for kasem wei for minim samting+ tu.
8 Barava tinghae lo hem, and hem bae mekhae lo iu.+
Hem bae givim honor lo iu bikos iu barava lovem hem.+
9 Hem bae putim wanfala naes kraon lo hed blo iu.
Hem bae mekem iu werem wanfala kraon wea luk naes.”
10 Lisin, son blo mi, and acceptim olketa toktok blo mi,Then olketa year lo laef blo iu bae staka.+
11 Mi bae teachim iu mekem iu followim road blo wisdom.+
Mi bae leadim iu lo olketa road blo stretfala wei.+
12 Taem iu wakabaot, no eniting bae blokem foot blo iu.
And if iu ran, iu bae no foldaon.
13 Hol strong lo discipline. No let go lo hem.+
Protectim hem bikos hem bae mekem iu laef.+
14 No go insaed lo road blo olketa wea wicked,And no wakabaot lo road blo olketa nogud man.+
15 Rejectim datwan, and no go followim.+
Tane difren from datwan, and followim difren road.+
16 Hard for olketa sleep sapos olketa no duim nogud samting.
Olketa no savve sleep sapos olketa no spoelem eniwan.
17 Olketa feedim olketa seleva witim bred blo wicked fasin,And olketa drinkim wine blo violence.
18 Bat road blo olketa wea raeteous hem olsem laet wea braet lo morningWea isisi kamap braet go kasem taem wea hem full daylaet.+
19 Road blo olketa wea wicked hem olsem darkness.
Olketa no savve wat nao mekem olketa foldaon.
20 Son blo mi, herem gud wanem mi talem.
Lisin gud* lo olketa toktok blo mi.
21 No forgetim olketa.
Keepim olketa deep insaed lo heart blo iu,+
22 Bikos olketa givim laef lo pipol wea faendem olketa+And gudfala health lo full body* blo olketa.
23 Winim evri samting wea iu protectim, iu mas protectim heart blo iu,+Bikos olketa samting wea mekem iu laef hem kam from hem.
24 No talem eni nogud toktok,+And no letem eni laea toktok kamaot from mouth blo iu.
25 Eye blo iu mas luk stret go lo front,Yes, luk stret lo samting wea stap front lo iu.+
26 Kliarem gud* road for foot blo iu,+And evri road blo iu bae sef.
27 No go lo raet or lo left.+
Tanem foot blo iu from nogud samting.
