(Durashon 39:40)

Hesus ta siña Nikodemo, un señora samaritano i e hendenan di Názarèt; pero kada un ta reakshoná diferente na su siñansanan. Den e episodio akí, tin e siguiente susesonan:

• Hesus ta splika Nikodemo ku hende mester nase pa medio di awa i pa medio di spiritu (Huan 3:1-13)

• Hesus ta bisa ku e Yu di hende lo ser hisá na haltu meskos ku e kolebra ku a ser hisá na haltu den desierto (Huan 3:14, 15)

• Dios a manda su Yu unigénito pa salba mundu, i no pa husga mundu (Huan 3:16-21)

• Huan ta duna su último testimonio tokante Hesus (Huan 3:22-30)

• Hende ku ta pone fe den e Yu, ku a baha bini for di shelu, lo haña bida eterno (Huan 3:31-36)

• Nan ta sera Huan den prizòn (Marko 6:17-20; Mateo 4:12; 14:3-5; Lúkas 3:19, 20)

• Hesus ta yega Síkar, na Samaria, i e ta kana bai na e pos di Yákòb; e ta kansá di su biahe (Huan 4:1-6)

• Hesus ta kuminsá un kòmbersashon ku un señora di Samaria (Huan 4:7-15)

• Hesus ta splika e señora samaritano kon hende mester adorá Dios (Huan 4:16-24)

• Hesus ta bisa e señora samaritano ku ta e ta e Mesías (Huan 4:25, 26)

• E señora samaritano ta bai konta otro hende tokante Hesus (Huan 4:27-30)

• Hesus ta kompará hasimentu di boluntat di Dios ku kuminda, i e ta papia tokante kosecha spiritual (Huan 4:31-38)

• Hopi samaritano ta pone fe den Hesus; nan ta bisa ku ta Hesus ta “Salbador di mundu” (Huan 4:39-42)

• Hesus ta kuminsá prediká na Galilea (Huan 4:43-45; Marko 1:14, 15; Mateo 4:17; Lúkas 4:14, 15)

• Na Kana, na Galilea, Hesus ta kura yu hòmber di un funshonario di rei (Huan 4:46-54)

• E hendenan na Názarèt no ta aseptá Hesus (Lúkas 4:16-30)

• Hesus ta bai Kapernaum (Mateo 4:13-16)

• Debí na un milager, algun piskadó ta kohe hopi piská; Hesus ta skohe su promé disipelnan (Lúkas 5:1-11; Mateo 4:18-22; Marko 1:16-20)