PENDUKA MO! No. 2 2018 | Iinima 12 mbyoka tayi kwathele aanegumbo ya pondole
Iinima 12 mbyoka tayi kwathele aanegumbo ya pondole
Olundji ohatu kundana kombinga yiinima mbyoka hayi teya po omagumbo. Iinima yini mbela hayi kwathele aanegumbo ya pondole?
Pokati komumvo 1990 no 2015, moAmerika, omwaalu gwoondjokana ndhoka dha teka dhaantu mboka ye na omimvo dha konda po 50, ogwa londo pombanda lwiikando iyali. Omanga omwaalu gwoondjokana ndhoka dha teka dhaamboka ye na omimvo dha konda po 65, gwa londo pombanda lutatu.
Aavali oya ngwangwana, oshoka aatseyinawa yamwe otaya ti kutya aanona oya pumbwa owala okukala haya tumbalekwa ethimbo kehe, ihe yalwe otaya ti kutya aanona oya pumbwa okuputudhwa nonyanya.
Aanona oyendji ihaya putudhwa momukalo ngoka tagu ke ya kwathela ngele ya koko.
Nonando ongawo, uushili owo kutya . . .
Ondjokana otayi vulu okweenda nawa notayi vulu okukalelela.
Aavali otaya vulu okwiilonga okuputudha oyana momukalo gohole.
Aanona otaya vulu okuputudhwa momukalo ngoka tagu ya kwathele ngele ya koko.
Oshike tashi vulu oku ya kwathela? Oshifo shika, Penduka mo! otashi kundathana iinima 12 mbyoka tayi vulu okukwathela aanegumbo ya pondole.
1: Einekelathano
Iinima itatu mbyoka tayi kwathele aaihokani ya kale pamwe.
2: Elongelokumwe
Mbela owu uvite kutya kuume koye kopandjakana okwa fa owala omuntu ngoka ho zi pamwe naye?
3: Okusimanekathana
Ilonga kutya oohapu dhini wu na okulongitha niinima yini wu na okuninga, opo omusamane gwoye nenge omukulukadhi gwoye a kale u uvite kutya owe mu simaneka.
4: Edhiminathanopo
Oshike tashi vulu oku ku kwathela kuu kale ho gandja unene eitulomo komapuko gakuume koye kopandjokana?
5: Oonkundathana
Iinima itatu ya simana mbyoka tayi ku kwathele wu kale wu na ekwatathano lyopothingo naamwoye.
6: Eputudho
Mbela eputudho nokupukulula okanona ohashi ka ningitha ka kale ku uvite kaa ke na oshilonga?
7: Omikalo
Omikalo dhini wu na okulonga aamwoye?
8: Oshiholelwa
Ngele owa hala shoka to popi shi thike momitima dhaamwoye, kala ho ningi shoka ho ya lombwele ya ninge.
9: Itseya mwene
Oshike tashi vulu okukwathela aagundjuka ya popile shoka yi itaala?
10: Okukala omwiinekelwa
Okukala wi inekelwa kaavali yoye otashi ke ku kwathela nuuna wa koko.
11: Okulonga nuudhiginini
Okukala ho longo nuudhiginini manga wu li omugundjuka, otashi vulu oku ku kwathela wu pondole monkalamwenyo.
12: Omalalakano
Uuna wa gwanitha po omalalakano goye, ohashi ku kwathele wu kale wu na omukumo, wu koleke ekwatathano lyoye nayalwe nohaku ku etele enyanyu lela.
Uuyelele wulwe mboka tawu kwathele aanegumbo
Omayele gOmbiimbeli otaga vulu oku mu kwathela mu kale mu na ombili mondjokana nosho wo megumbo.
