အာဂျင်တီးနားနိုင်ငံ၊ ရိုစာရီယိုမြို့မှာ ၂၀၂၂ ခုနှစ်၊ နိုဝင်ဘာ ၁၁ ကနေ ၂၁ ရက်နေ့အတွင်း ရွှေ့ပြောင်းအခြေချသူတွေရဲ့ ၃၈ ကြိမ်မြောက် အမျိုးသားယဉ်ကျေးမှုပွဲတော် ကျင်းပခဲ့တယ်။ နိုင်ငံအတွင်းက တိုင်းရင်းသားမျိုးနွယ်စုတွေရဲ့ ကွဲပြားစုံလင်တဲ့ ရိုးရာဓလေ့တွေကို မြင်တွေ့နိုင်တဲ့ ဒီပွဲကို ဧည့်သည် ၁ သန်းကျော် လာရောက်အားပေးခဲ့ကြတယ်။ အာဂျင်တီးနားဌာနခွဲက အများရှေ့သက်သေခံခြင်း အထူးကင်ပိန်းကို စီစဉ်တယ်။ အာဂျင်တီးနား လက်သင်္ကေတပြဘာသာစကား၊ တရုတ်၊ အင်္ဂလိပ်၊ ဂွါရာနီ၊ ဟေတီကရီအောလ်၊ ပေါ်တူဂီ၊ ကီချူဝါ (ဘိုလီးဗီးယား)၊ စပိန်ဘာသာစကားနဲ့ ကျမ်းစာအခြေပြုစာပေတွေအပါအဝင် ကျွန်တော်တို့ရဲ့ တရားဝင် ဝက်ဘ်ဆိုက် jw.org ကိုလည်း ခင်းကျင်းပြသခဲ့တယ်။ ညီအစ်ကို/မ ၄၀၀ ကျော်က ဒီအစီအစဉ်မှာ ပါဝင်ခဲ့တယ်။

ပွဲစီစဉ်သူတွေက လက်တွန်းစင်တွေကို မြင်သာတဲ့နေရာတွေမှာ ထားခွင့်ပြုတယ်။ မြို့တော်တာဝန်ရှိသူတစ်ယောက်က “ခင်ဗျားတို့အားလုံးရဲ့ ဝတ်စားထားပုံက သပ်ရပ်လိုက်တာ။ ပြုမူပြောဆိုပုံလည်း အတုယူစရာပါပဲ” လို့ မှတ်ချက်ပြုခဲ့တယ်။ ရိုစာရီယိုမြို့က စိတ်ကျန်းမာရေး ဆရာဝန်တစ်ယောက်က လာကြည့်ပြီး “ဒီစာပေတွေကို ကောင်းကောင်းသိတယ်၊ ဖတ်ရတာလည်း ကြိုက်တယ်။ လူနာတွေအတွက်တောင် သုံးဖြစ်တယ်” လို့ ပြောတယ်။

၂၀၂၂ ခုနှစ်၊ နိုဝင်ဘာ ၁၄ ရက်မှာ ရိုစာရီယိုမြို့ရဲ့ နာမည်ကြီးသတင်းစာ (La Capital) က အများရှေ့သက်သေခံခြင်း အစီအစဉ်အကြောင်း ထည့်သွင်းဖော်ပြခဲ့တယ်။ အဲဒီမှာ jw.org လင့်ခ်ကိုရော ရရှိနိုင်တဲ့ ဘာသာစကားအရေအတွက်ကိုပါ ဖော်ပြထားတယ်။

ကမ္ဘာတစ်ဝန်းက ညီအစ်ကို/မတွေက ရသမျှ အခွင့်အရေးကို အသုံးချပြီး “သတင်းကောင်းအကြောင်း စေ့စေ့စပ်စပ် သက်သေခံ” နေတာ တွေ့ရလို့ ကျွန်တော်တို့ ဝမ်းသာအားရ ဖြစ်မိပါတယ်။—တမန်တော် ၂၀:၂၄။