‘ယေဟောဝါက ကျွန်မကို လမ်းညွှန်ပေးနေတယ်’

ဖွင့်ပါ

၂၀၂၅ ခုနှစ်၊ ဇန်နဝါရီ ၂၀ ရက်မှာ ကရာချိရီဗို-ချီရကက်စ် ကိုယ်ပိုင်အုပ်ချုပ်ခွင့်ရဒေသ၊ ချီရကက်စ်မြို့ တရားရုံးက ညီအစ်မ ရင်မာ ပိုပို့ဗာကို အပြစ်ရှိကြောင်းစီရင်ပြီး ဆိုင်းငံ့ထောင်ဒဏ် လေးနှစ်နဲ့ ခြောက်လ ချမှတ်လိုက်တယ်။ အခုလောလောဆယ် သူ ထောင်ထဲဝင်စရာ မလိုပါ။

ကိုယ်ရေးအကျဉ်း

ရင်မာ ပိုပို့ဗာ

မွေးနှစ်၊ မွေးရပ်။ ၁၉၆၈ (ဆစ်ချ်မြို့၊ ကရာချိရီဗို-ချီရကက်စ် ကိုယ်ပိုင်အုပ်ချုပ်ခွင့်ရဒေသ)

နှစ်ခြင်းခံတဲ့နှစ်။ ၂၀၁၂

ဘဝနောက်ခံ။ ဆေးခန်းတစ်ခုက အိမ်မှုထိန်းသိမ်းရေး မန်နေဂျာ။ သားတစ်ယောက် သမီးတစ်ယောက်ရှိ

စွဲချက်။ ကျမ်းစာအကြောင်း ဆွေးနွေးမှု

ရက်ပေါင်း ၆၀ နီးပါး အိမ်အကျယ်ချုပ် ချခံရ

စီရင်ချက်။ ဆိုင်းငံ့ထောင်ဒဏ် လေးနှစ်နဲ့ ခြောက်လ

ကိုယ်ပိုင်မှတ်ချက်

ဒီညှဉ်းပန်းနှိပ်စက်မှု ခံရတာကနေ ဘာသင်ခန်းစာရသလဲ

ယေဟောဝါကို တကယ်တမ်း ဘယ်လိုယုံကြည်ကိုးစားရမယ်ဆိုတာ သိလာတယ်။ ကျွန်မ အမြဲယုံကြည်ကိုးစားခဲ့တယ်လို့ ထင်ခဲ့တာ။ ဒါပေမဲ့ ဒီအခက်အခဲတွေ ကြုံရတော့မှ ယေဟောဝါနဲ့ ပိုနက်ရှိုင်းတဲ့ ဆက်ဆံရေးရှိအောင်လုပ်ဖို့ လိုအပ်ပါလားဆိုတာ နားလည်လာတယ်။ ကျွန်မက နည်းနည်း အစိုးရိမ်လွန်တတ်ပြီး စိတ်မရှည် ဖြစ်တတ်တယ်။ ဒါပေမဲ့ ခက်ခဲတဲ့အခြေအနေတွေမှာ တည်တည်ငြိမ်ငြိမ်ရှိဖို့ ကျွန်မ သင်ယူရတယ်။ ယေဟောဝါကို စောင့်ဆိုင်းတာ ပိုကောင်းတယ်။ ပြီးတော့ ဆာလံ ၃၂:၈ မှာတွေ့ရတဲ့ ဒီစကားကို သတိရနေရမယ်– “မင်းကို ငါထိုးထွင်းဉာဏ် ရှိစေမယ်၊ သွားသင့်တဲ့လမ်းကို ညွှန်ပြပေးမယ်။ မပြတ်ကြည့်ရှုပြီး အကြံဉာဏ်ပေးမယ်။” အခြေအနေတွေက ကိုယ်ထင်သလို အမြဲ ဖြစ်လာတာ မဟုတ်ဘူး။ ဒါပေမဲ့ ကျွန်မဘဝမှာ ဖြစ်ပျက်နေတာကို ယေဟောဝါ ကြည့်နေရုံသက်သက် မဟုတ်ဘူးဆိုတာကို ကျွန်မ ယုံကြည်စိတ်ချတယ်။ ကိုယ်တော်က ကျွန်မရဲ့ ခြေလှမ်းတိုင်းကို လမ်းညွှန်ပေးပြီး ဘာလုပ်ဖို့လိုတယ်၊ ဘယ်လိုလုပ်ရမယ်ဆိုတာကို သိနားလည်ဖို့ ကူညီပေးတယ်။

ယေဟောဝါက ကျွန်တော်တို့ရဲ့ လိုအပ်ရာတွေကို အာရုံစိုက်နေပြီး ကိုယ်တော့်ကို “မျှော်လင့်တကြီး စောင့်” မျှော်နေသူအားလုံးကို ကောင်းချီးပေးမယ်ဆိုတာ သိရလို့ သိပ်ကို ကျေးဇူးတင်ကြပါတယ်။—ဆာလံ ၅:၂၊ ၃။

ဒါကိုလည်း ကြည့်ပါ

ကမ္ဘာတစ်ဝန်းက သတင်းများ

ယုံကြည်ချက်ကြောင့် ထောင်ကျနေတဲ့ ယေဟောဝါသက်သေများ—ဒေသအလိုက်

ဘာသာရေးလုပ်ဆောင်မှုတွေ လုပ်လို့၊ အခြေခံ လူ့အခွင့်အရေးကို ကျင့်သုံးလို့ ယေဟောဝါသက်သေတွေ ထောင်ကျနေတဲ့ ဒေသများ။

သတင်းထုတ်ပြန်ချက်