KAPITLU TMINTAX
Waslet “Għal Konklużjonijiet f’Qalbha”
1, 2. Iddeskrivi l-vjaġġ taʼ Marija, u spjega għala kien skomdu għaliha.
MARIJA biddlet il-pożizzjoni tagħha biex tkun iktar komda fuq il-ħmar. Kienet ilha sigħat sħaħ riekba fuqu. Eżatt quddiemha, Ġużeppi baqaʼ miexi ’l quddiem, jidderieġihom fit-triq matul il-vjaġġ lejn Betlehem, li kienet ’il bogħod. Għal darb’oħra, Marija ħasset it-tarbija taqbeż ġo ġufha.
2 Marija kienet kważi waslet biex tiled. (Lq. 2:5, 6) Hekk kif il-koppja għaddew minn ħdejn bosta għelieqi, xi bdiewa forsi rawhom huma u jagħżqu jew jiżirgħu u kienet ħaġa stramba għalihom li mara tivvjaġġa meta tkun tant imwassla fit-tqala tagħha. Marija għala kienet qed tivvjaġġa tant ’il bogħod minn darha f’Nazaret?
3. Marija liema inkarigu rċiviet, u x’se nitgħallmu dwarha?
3 Kollox beda xhur qabel meta din iż-żagħżugħa Lhudija rċiviet inkarigu uniku fl-istorja umana kollha. Hi kellha tiled iben li kellu jsir il-Messija, l-Iben t’Alla! (Lq. 1:35) Hekk kif beda joqrob iż-żmien li tiled, qamet il-ħtieġa li terħilha fuq dan il-vjaġġ. Tul dan il-vjaġġ, Marija ffaċċjat diversi sfidi li ġarrbulha l-fidi. Ejja naraw x’għenha tibqaʼ b’saħħitha spiritwalment.
Il-Vjaġġ Lejn Betlehem
4, 5. (a) Ġużeppi u Marija għala kienu sejrin lejn Betlehem? (b) Id-digriet taʼ Ċesari wassal biex titwettaq liema profezija?
4 Ġużeppi u Marija ma kinux l-uniċi nies li kienu qed jivvjaġġaw. Ċesari Awgustu ma kienx ilu li ħareġ digriet biex in-nies kollha tal-pajjiż jivvjaġġaw lejn raħal twelidhom ħalli jiġu reġistrati. Ġużeppi kif irreaġixxa? Ir-rakkont jgħid: “Naturalment, Ġużeppi wkoll telaʼ mill-Galilija, mill-belt taʼ Nazaret, għal-Lhudija, lejn il-belt taʼ David, li jisimha Betlehem, peress li kien membru tad-dar u l-familja taʼ David.”—Lq. 2:1-4.
5 Ma kinitx b’kumbinazzjoni li Ċesari ħareġ dan id-digriet f’dak iż-żmien. Profezija li nkitbet madwar sebaʼ mitt sena qabel, Mikea 5:2.) Sabiex jaslu f’dan ir-raħal żgħir minn Nazaret, il-vjaġġaturi kellhom ikopru madwar 130 kilometru fuq art kollha għoljiet billi jgħaddu mis-Samarija. Dan ir-raħal kien il-Betlehem fejn ġie msejjaħ biex imur Ġużeppi, għax kien minn hawnhekk li kienet ġejja l-familja tas-Sultan David—l-antenati kemm taʼ Ġużeppi u kemm taʼ Marija.
bassret li l-Messija kellu jitwieled f’Betlehem. Issa ġara li kien hemm belt jisimha Betlehem li kienet tinsab 11-il kilometru biss ’il bogħod minn Nazaret. Madankollu, il-profezija speċifikat li kien minn “Betlehem t’Efrata” li kellu joħroġ il-Messija. (Aqra6, 7. (a) Il-vjaġġ lejn Betlehem għala setaʼ kien taʼ sfida għal Marija? (b) Il-fatt li kienet mart Ġużeppi kif kien jeffettwa d-deċiżjonijiet taʼ Marija? (Ara wkoll in-nota taʼ taħt.)
6 Kienet Marija se tappoġġah lil Ġużeppi fid-deċiżjoni tiegħu li jobdi d-digriet? Wara kollox, il-vjaġġ kien se jkun iebes għaliha. X’aktarx li kien kmieni fil-ħarifa, u għalhekk kien possibbli li tagħmel xi ħalba xita ħafifa hekk kif l-istaġun tan-nixfa kien riesaq bil-mod il-mod lejn tmiemu. Iktar minn hekk, il-frażi “telaʼ mill-Galilija” hi adattata għax Betlehem kienet tinsab f’għoli taʼ 760 metru—għolja iebsa mhux ħażin biex titlagħha, tmiem skabruż taʼ vjaġġ li kien jieħu diversi ġranet. Forsi kien ħa jieħu iktar mis-soltu għax il-kundizzjoni taʼ Marija setgħet teħtieġ waqtiet bla għadd taʼ mistrieħ. Meta jkun se jagħlqilha ż-żmien biex tiled,
mara żagħżugħa ma tantx tkun tixtieq titbiegħed mid-dar, mill-familja, u mill-ħbieb li jkunu lesti li jgħinuha meta jibda l-uġigħ tal-ħlas. Bla dubju, kien jeħtieġ li trabbi l-kuraġġ biex tmur fuq dan il-vjaġġ.7 Minkejja dan, Luqa jikteb li Ġużeppi mar “biex jiġi reġistrat maʼ Marija.” Hu jgħid ukoll li Marija kienet ‘ngħatat lil Ġużeppi fiż-żwieġ, kif kien imwiegħed.’ (Lq. 2:4, 5) Il-fatt li kienet il-mara taʼ Ġużeppi kien jeffettwa bil-kbir id-deċiżjonijiet taʼ Marija. Hi kienet tqis lil żewġha bħala l-kap spiritwali tagħha u ħaddnet l-irwol tagħha mogħti minn Alla bħala l-ajjutanta tiegħu billi appoġġatu fid-deċiżjonijiet li ħa. * Għalhekk, hi kienet lesta li tobdi lil żewġha, u b’hekk uriet il-fidi.
8. (a) X’iktar setaʼ mmotiva lil Marija biex tmur Betlehem maʼ Ġużeppi? (b) L-eżempju taʼ Marija b’liema mod hu inkuraġġanti għan-nies leali?
8 X’iktar setaʼ mmotiva lil Marija biex tobdi? Kienet taf bil-profezija dwar Betlehem bħala l-post tat-twelid tal-Messija? Il-Bibbja ma tgħidx. Jistaʼ jkun li Marija kienet taf dwar il-profezija għax ħafna min-nies kienu jafu biha. (Mt. 2:1-7; Ġw. 7:40-42) Marija kienet midħla sew tal-Iskrittura. (Lq. 1:46-55) Kienet x’kienet ir-raġuni għala Marija ddeċidiet li tagħmel il-vjaġġ—jekk hux sabiex tobdi lil żewġha, tobdi digriet sekulari, jew tobdi l-profezija taʼ Ġeħova stess, jew minħabba dawn il-fatturi kollha—hi ħalliet eżempju mill-aqwa. Ġeħova jgħożż bil-kbir attitudni umli u ubbidjenti kemm fl-irġiel u kemm fin-nisa. L-eżempju taʼ Marija huwa inkuraġġanti speċjalment għalina għax ħafna nies illum jaħsbu li m’għandhomx ikunu sottomessi.
It-Twelid taʼ Kristu
9, 10. (a) Marija u Ġużeppi dwar xiex setgħu ħasbu hekk kif kienu resqin lejn Betlehem? (b) Ġużeppi u Marija fejn għaddew il-lejl, u għala?
9 Marija żgur li ħadet ir-ruħ malli lemħet lil Betlehem. Hekk kif ivvjaġġaw fuq l-għoljiet u għaddew biswit is-siġar taż-żebbuġ—fost l-aħħar ħsad—Marija u Ġużeppi setgħu ħasbu dwar l-istorja taʼ dan ir-raħal żgħir. Kien insinifikanti wisq biex ikun magħdud fost il-bliet taʼ Ġuda, sewwasew bħalma kien qal il-profeta Mikea; madankollu kien il-post fejn twieldu Bogħaż, Nagħomi, u iktar tard David, kollha iktar minn elf sena qabel.
10 Marija u Ġużeppi sabu r-raħal iffollat bin-nies. Kienu waslu qabilhom nies oħrajn biex jirreġistraw, u għalhekk ma kienx hemm post għalihom fil-lukanda. * Ma kellhomx għażla oħra ħlief li jgħaddu l-lejl fi stalla. Nistgħu biss nimmaġinaw kemm inkwieta Ġużeppi hekk kif ra lil martu tbati minn uġigħ li qatt ma kienet ħasset qabel u li mbagħad kulma jmur beda jiżdied. Minn tant postijiet, proprju hemmhekk beda l-uġigħ tal-ħlas.
11. (a) In-nisa għala jistgħu jagħdruha lil Marija? (b) Ġesù b’liema modi kien “l-ewwel imwieled”?
11 In-nisa jistgħu jagħdruha lil Marija. Madwar 4,000 sena qabel, Ġeħova kien bassar li n-nisa kollha kellhom ibatu l-uġigħ tal-ħlas minħabba li wirtu d-dnub. (Ġen. 3:16) X’aktarx li Marija batiet ukoll. Luqa ma ddeskriviex l-uġigħ li ħasset imma sempliċement qal: “Wildet lil binha, l-ewwel imwieled.” (Lq. 2:7) Iva, “l-ewwel imwieled” kien wasal—l-ewwel fost il-ħafna wlied taʼ Marija, minn tal-inqas sebgħa b’kollox. (Mk. 6:3) Però dan kellu jispikka. Hu mhux biss kien l-ewwel imwieled tagħha iżda wkoll “l-ewwel imwieled mill-ħolqien kollu” taʼ Ġeħova nnifsu, l-Iben uniġenitu t’Alla!—Kol. 1:15.
12. Marija fejn poġġietha t-tarbija, u r-realtà kif kienet differenti mir-reċti, mill-pitturi, u mix-xeni tan-Natività?
12 Issa r-rakkont iżid dettall famuż: “Fisqietu u medditu Lq. 2:7) Reċti, pitturi, u xeni tan-Natività madwar id-dinja jiddeskrivu din ix-xena b’mod sentimentali żżejjed u mhux realistiku. Iżda kkunsidra r-realtà. Maxtura hi kontenitur li jieklu minnu l-annimali tal-irziezet. Ftakar li l-familja kienu qed joqogħdu fi stalla—post magħruf għall-arja mhix nadifa jew għan-nuqqas taʼ iġjene, kemm dak iż-żmien u kemm illum. Tabilħaqq, liema ġenituri se jagħżlu dan il-post biex iġibu t-tarbija tagħhom fid-dinja li kieku jkollhom xi għażla oħra? Ħafna ġenituri jixtiequ l-aħjar għat-tfal tagħhom. Kemm iktar Marija u Ġużeppi riedu jipprovdu l-aqwa għall-Iben t’Alla!
f’maxtura.” (13. (a) Marija u Ġużeppi b’liema mod għamlu l-aħjar tagħhom biex jiddobbaw b’dak li kellhom? (b) Ġenituri għaqlin illum kif jistgħu jikkultivaw prijoritajiet simili għal dawk taʼ Ġużeppi u Marija?
13 Madankollu, ma ffokawx fuq is-sitwazzjoni kerha li kienu fiha; huma sempliċement għamlu l-aħjar tagħhom biex jiddobbaw b’dak li kellhom. Pereżempju, innota li Marija nfisha ħadet ħsieb it-tifel ċkejken u żammitu mgeddes billi ġeżwritu fiċ-ċraret u mbagħad medditu b’attenzjoni fil-maxtura biex jorqod, u b’hekk għamlet ċert li jkun sħun u bla perikli. Marija ma kinitx se tħalli l-ansjetà minħabba ċ-ċirkustanzi kurrenti tagħha tfixkilha milli tipprovdi l-aħjar li setgħet. Kemm hi u kemm Ġużeppi kienu jafu wkoll li l-iktar ħaġa importanti li setgħu jagħmlulu kienet li jgħallmu lil dan it-tifel iħobb lil Ġeħova. (Aqra Dewteronomju 6:6-8.) Illum, ġenituri għaqlin jikkultivaw prijoritajiet simili meta jrabbu lil uliedhom f’dinja taʼ nies li ma jridux jaqdu lil Alla.
Żjara Inkuraġġanti
14, 15. (a) Ir-rgħajja għala kienu ħerqanin biex jaraw lit-tarbija? (b) Ir-rgħajja x’għamlu dwar dak li kienu raw fl-istalla?
14 F’salt wieħed qamet għagħa sħiħa li ħarbtet is-skiet taʼ din ix-xena. Xi rgħajja daħlu jiġru fl-istalla, ħerqanin biex jaraw lill-familja, speċjalment lit-tarbija. Wiċċ dawn l-irġiel kien qed jiddi bil-ferħ. Kienu ġew jiġru mill-għoljiet fejn kienu qed jgħixu mal-imrieħel tagħhom. * Dawn qalu lill-ġenituri mistagħġbin dwar esperjenza meraviljuża li kien għadu kif kellhom. Fuq l-għolja f’nofs taʼ lejl, anġlu kien dehrilhom f’daqqa waħda. Il-glorja taʼ Ġeħova kienet iddiet maʼ kullimkien, u l-anġlu qalilhom li l-Kristu, jew il-Messija, kien għadu kif twieled f’Betlehem. Kellhom isibu t-tarbija mimduda f’maxtura, imgeżwra fiċ-ċraret. Imbagħad ġrat xi ħaġa saħansitra iktar spettakolari—dehret kotra kbira taʼ anġli jfaħħru lil Alla!—Lq. 2:8-14.
15 Mhux taʼ b’xejn li dawn l-irġiel umli marru jiġru lejn Betlehem! Min jaf kemm kienu ferħanin li jaraw it-tarbija tat-twelid mimduda hemmhekk, sewwasew bħalma kien għadu kif iddeskriva l-anġlu! Huma ma żammewx din l-aħbar tajba għalihom infushom. “Bdew jgħidu dak li ntqalilhom . . . U dawk kollha li semgħu stagħġbu bl-affarijiet li qalulhom ir-rgħajja.” (Lq. 2:17, 18) Il-mexxejja reliġjużi taʼ dak iż-żmien kienu jħarsu b’disprezz lejn ir-rgħajja. Iżda b’mod ċar, Ġeħova kien jgħożż lil dawn l-irġiel umli u leali. Però, din iż-żjara kif effettwat lil Marija?
B’mod ċar, Ġeħova kien jgħożż lir-rgħajja umli u leali
16. Marija kif uriet li kienet tassew taf tirraġuna, u x’kienet raġuni importanti għala setgħet iżżomm il-fidi tagħha b’saħħitha?
16 Żgur li l-kedda tal-ħlas kienet ħalliet lil Marija bla saħħa, iżda hi xorta tat widen b’attenzjoni għal kull kelma li qalu r-rgħajja. U jerġaʼ, iktar minn hekk: “Marija baqgħet tgħożż dan il-kliem kollu u tasal għal konklużjonijiet f’qalbha.” (Lq. 2:19) Din il-mara żagħżugħa kienet tassew taf tirraġuna. Kienet taf li dan il-messaġġ anġeliku kien importanti ħafna. Ġeħova, l-Alla tagħha, riedha tkun taf u tifhem min kien binha u kemm kien importanti. Għalhekk, hi mhux sempliċement tat widen. Hi niżżlet il-kliem f’qalbha sabiex tkun tistaʼ tixtarru għal darba wara l-oħra fix-xhur u s-snin li kienu ġejjin. Din hi raġuni importanti għala Marija setgħet iżżomm il-fidi tagħha b’saħħitha matul ħajjitha.—Aqra Ebrej 11:1.
17. Kif nistgħu nimitaw l-eżempju taʼ Marija fejn jidħlu l-veritajiet spiritwali?
17 Se timita int l-eżempju taʼ Marija? Il-Kelma taʼ Ġeħova hi miżgħuda b’veritajiet importanti ħafna. Madankollu, dawn il-veritajiet ma tantx jistgħu jagħmlulna ġid jekk l-ewwel ma nagħtux kashom. Nagħmlu dan billi naqraw il-Bibbja regolarment—mhux sempliċement bħala biċċa xogħol letterarja imma bħala l-Kelma ispirata t’Alla. (2 Tim. 3:16) Imbagħad, bħal Marija, jeħtieġ nitgħallmu u nżommu f’moħħna veritajiet dwar Ġeħova u naslu għal konklużjonijiet f’qalbna. Jekk nimmeditaw fuq dak li naqraw fil-Bibbja, u naħsbu dwar modi kif nistgħu napplikaw il-pariri taʼ Ġeħova iktar bis-sħiħ, se ngħinu biex il-fidi tagħna tissaħħaħ.
Iktar Stqarrijiet X’Tixtarr
18. (a) Marija u Ġużeppi kif obdew il-Liġi Mosajka meta Ġesù kien għadu tarbija? (b) L-offerta li taw Ġużeppi u Marija fit-tempju xi wriet dwar is-sitwazzjoni finanzjarja tagħhom?
18 Meta t-tifel ċkejken kellu tmint ijiem, Marija u Ġużeppi ħaduh biex jiġi ċirkonċiż bħalma kien meħtieġ mil-Liġi Mosajka, u semmewh Ġesù bħalma ntqalilhom. (Lq. 1:31) Imbagħad fl-40 jum ħaduh minn Betlehem lejn it-tempju f’Ġerusalemm, madwar 10 kilometri ’l bogħod, u ppreżentaw l-offerti tal-purifikazzjoni li l-Liġi pprovdiet għall-foqra—żewġ gamimiet jew żewġ bċieċen. Anki jekk Ġużeppi u Marija stħaw, huma għamlu l-aħjar li setgħu biex xorta jobdu l-Liġi. Huma rċivew inkuraġġiment kbir waqt li kienu hemmhekk.—Lq. 2:21-24.
19. (a) Simegħon kif ta lil Marija iktar veritajiet biex tniżżilhom f’qalbha? (b) Anna kif irreaġixxiet meta rat lil Ġesù?
19 Raġel xwejjaħ jismu Simegħon avviċinahom u ta lil Marija saħansitra iktar veritajiet biex tniżżilhom f’qalbha. Hu kien ġie mwiegħed li qabel ma jmut jara ’l-Messija, u l-ispirtu qaddis taʼ Ġeħova wrieh li ċ-ċkejken Ġesù kien is-Salvatur imbassar. Ukoll, Simegħon wissa lil Marija dwar l-uġigħ li xi darba kien se jkollha tissaporti. Qal li kellha tħoss bħallikieku xabla twila qed tinfidha. (Lq. 2:25-35) Anki dan il-kliem li jkexkxek setaʼ għen lil Marija tissaporti meta wasal dak iż-żmien iebes, 33 sena wara. Wara Simegħon, profetessa jisimha Anna rat liċ-ċkejken Ġesù u bdiet titkellem dwaru maʼ kull min kien jgħożż it-tama tal-ħelsien taʼ Ġerusalemm.—Aqra Luqa 2:36-38.
20. Il-fatt li Ġesù ttieħed fit-tempju f’Ġerusalemm kif kien deċiżjoni tajba?
20 X’deċiżjoni tajba kienu ħadu Ġużeppi u Marija biex jieħdu lit-tarbija tagħhom fit-tempju taʼ Ġeħova f’Ġerusalemm! Għal binhom, dan kien il-bidu taʼ ħajja t’attendenza b’lealtà fit-tempju taʼ Ġeħova. Waqt li kienu hemmhekk, taw l-aħjar li kellhom lil Ġeħova skont kif setgħu u rċivew kliem taʼ istruzzjoni u inkuraġġiment. Marija żgur li telqet mit-tempju dakinhar b’fidi iktar soda, qalbha mimlija b’veritajiet importanti biex timmedita fuqhom u taqsamhom m’oħrajn.
21. Kif nistgħu nagħmlu ċert li l-fidi tagħna tissaħħaħ dejjem iktar, bħal taʼ Marija?
21 Illum huwa sabiħ li tara ġenituri jsegwu dan l-eżempju. Fost ix-Xhieda taʼ Ġeħova, il-ġenituri b’lealtà jieħdu magħhom lil uliedhom għal-laqgħat Kristjani. Dawn il-ġenituri jagħtu li jistgħu billi joffru kliem taʼ inkuraġġiment lil sħabhom fit-twemmin. U wara dawn il-laqgħat Kristjani jħossuhom iktar imsaħħin u ferħanin, u jkollhom ħafna affarijiet taʼ ġid x’jaqsmu m’oħrajn. Kemm nitgħaxxqu niltaqgħu magħhom! Meta nagħmlu hekk, naraw li l-fidi tagħna, bħal taʼ Marija, tissaħħaħ dejjem iktar.
^ par. 7 Innota l-kuntrast bejn din is-silta u d-deskrizzjoni taʼ vjaġġ li sar qabel: “Marija qamet u marret” iżżur lil Eliżabetta. (Lq. 1:39) Lura f’dak iż-żmien, bħala mara għarusa iżda mhux miżżewġa, Marija setgħet aġixxiet mingħajr ma kkonsultat maʼ Ġużeppi. Wara li l-koppja żżewġu, jidher li d-deċiżjoni dwar il-vjaġġ tagħhom flimkien ittieħdet minn Ġużeppi, u mhux minn Marija.
^ par. 10 Kienet id-drawwa taʼ dak iż-żmien li l-irħula jipprovdu kamra li toffri kenn lill-vjaġġaturi u lill-karavani li kienu jkunu għaddejjin.
^ par. 14 Il-fatt li r-rgħajja dak il-ħin kienu qed jgħixu barra mal-imrieħel tagħhom jikkonferma dak li tindika l-kronoloġija tal-Bibbja: Kristu ma twilidx f’Diċembru, meta l-imrieħel joqogħdu eqreb lejn il-post fejn jidħlu jistkennu, imma f’xi żmien kmieni f’Ottubru.