MPAL 11
Dayai vale me tsien ma Bible messe ne nfi chou djissou?
1. Ne tsie dji I kouaga ne seu beug ne ndjou?
Mbouendai I sa biez me boul beu ne feug tsong seu. Nda Songue a tsieli, a nwa nkow ne seu. Gna chigai tai seu ne seu beug fili ne gne. (Jeremie 10:23) Neme nda mou mouane me dji kouinda me o biol bey, seu me dji neme ne Zembe o kieygue ne seu. (Izai 48:17, 18) Me tsien ma Bible messe yana me Zembe. —Longue Timothee 2 3:16.
Me tsien me Johova me djigli seu beule ne djong kou ndjond seude tsig de, ne vale seu nkoul beu ne miana ma tsig a melou mez. Nda dji ne Zembe wa tai seu, dji mpouegai ne seu kieygue vale a ngue louo seu.—Longue O Sam 19:7, 11; Mi Ndeiguia mi Jan 4:11.
2. Me tsien ma Bible o dji?
Me tsien ma Bible messe o bebelai ba dey tsend. Me mpeundi, djang komb de, me ne nkoul de tsend. (Deuteronome 22:8) Chou ne seu sague vale tsien I ngue tsi I de dji ne seu fazegue. (Mi Kane 2:10-12) Nda youg, Bible ngue djigli ne tsig djisse yana me Zembe. Tsien ni I nkoul kouind seu I chiey de, ndjaw, dja seu ngue djande. I pousse seu dele dji ntseu.—Longue Mi Solgou 17:28.
3. Me tsien me ba ma chouchouogou o mayai?
Yessous gna louo me tsien ma chouchouogou. A chouchouogou I ngue louo ne nfi me moud tsig djie de: djisse mpoule Zembe, tsielele gne, ne chieyale ne gne ne bougue. Seu me djalane de being tsien ni nwale mi teiguia missou miez. (Mi Kane 3:6) Bongue bez beu nwa tsien ni ne lame wang yiez wa bey beu leida ne Zembe, beu bi fouamai mintague, ne tsig a melou mez.—Longue Mathieu 22:36-38.
Tsien baa I nkoul sa ne seu beug ivouvouey de ne bolga boud. (O Corinthien 1 13:4-7) Sale tsien ni seude tsig de I ke ne seu beinlague vale Zembe me de deug boud.—Longue Mathieu 7:12; 22:39, 40.
4. Vale dayai me tsien ma Bible messe ne nfi chou djissou?
Me tsien ma Bible me djigli mi ndjaw mi boud vale beu beug leida tsieli de. (O Colossien 3:12-14) Me tsien mongue me bagle neme mi ndjaw mi boud sa I deiguia ne ba, nda ne ba ya djalayai ne tsiemeyi.—Longue Metedele 2:24.
Beingle me tsien ma Bible, ye bagle seu komb a me bi ne mi tadga missou. Youg dji ne, o massa o I chiey beu de boul tsiel o sole o me sale beu being me tsien ma Bible beu ndoul de sa o teuteli, beu ndoul ne mpouya. (Mi Kane 10:4, 26; O Hebreu 13:18) Kalad Zembe me djigli neme seu dele gouag mintague ne mpoumbi I sa seu beu ne nde, seu yida boul wa I sa I deiguia ne ilade bissou ne Zembe chouog.—Longue Mathieu 6:24, 25, 33; Timothee 1 6:8-10.
Me tsien ma Bible me sa ne seu beug mpouegai komb a michoune. (Mi Kane 14:30; 22:24, 25) Me tsien ma Bible chou boulele ngoul melouog me bagle seu ne seu kou bi yaguele me bouasse ngue ne baw I djiegue seu. (Mi Kane 23:20) Johova me magle ne seu ngoulgue melouog veda kou nteingueli. (O Sam 104:15; O Corinthien 1 6:10) Me tsien me Zembe me ne nfi ne tsie me bagle seu kou beu ndji mi solgou missou de, taime beu neme mi tadga missou de. (O Sam 119:97-100) Sa ngoud, ngue fouamai o Christen beu bagle me tsien me Zembe I tsougai ndji ne tsie messe ne nfi chou dang. Dji boul beu goumalele Johova.—Longue Mathieu 5:14-16.