Aller au contenu

Aller au sommaire

 MPAL 2

Zembe o ze?

Zembe o ze?

1. Ne tsie dji seu me djalane loug Zembe?

Fouamai Zembe gna tai I sa biez. A tsougai ne metedele kou ba boualai beu ne me chinai. (O Sam 90:2) Gne o djisse mbouendai a djong mekeul seu me kouew Bible de. (Timothee 1 1:11) Ne tsie gna yeu seu tsig, seu me djalane loug ndji gne.​—Longue Mi Ndeiguia mi Jan 4:11.

2. Ntedele Zembe djisse?

Tog moud gna bouelai deug Zembe ne tsie a djisse chichim, mbi tsig I tsong biongue I sa biez I ngue tsigue wa de chi de. (Jan 1:18; 4:24) Veda, seu nkoul mpou vale Zembe a djisse ne I sa gna bouendai. Seu ka nwa nda youg, chouinja me vale me I boumeu ne o flawa I louo seu tsieli ne feug a djisse ne nde. Me bouag me chi ndoune me louo mama nkoul a mbide.​—Longue O Romain 1:20.

Seu nkoul neme mpou vale moud Zembe djisse dja seu me long Bible. Seu ka fo deug, Bible ngue djiaw seu I sa Zembe me tsiel ne biongue gna tsielai, vale a de nwa boud, ne vale a de yia mi mbi mi I tai biez de.​—Longue O Sam 103:7-10.

3. Ye Zembe djisse ne djineu?

Yessous gna tsi ne : “Songou woussou a gouaw, ne djineu douo I beug foubane.” (Mathieu 6:9) Zembe djisse ne chouinja mi nkouong, veda a mbide dey fouamai djineu. Mi lezou miez de, ba dey tsouaide douo mbi ngoud. Mekaa de beu de djaw ne “Johova.” Veda chouinja boud beu de djaw gne ne “Yawe.”​—Longue O Sam 83:18.

Chouinja o Bible de ba tsiend djineu me Zembe ne mi nkouong nda Mouontsi ngue Zembe. Veda dja ba tsile Bible, djineu me Zembe ya beu tsilia djie koume I dja 7 000.  Yessous gna sa ne djineu me Zembe I mpouyigue dja djiez gna de djigli boud tsien me Zembe.​—Longue Jan 17:26.

4. Ye Johova ngue nwa nkow ne seu?

Neme nda songou a tsieli, Zembe ngue nwa nkow ne seu ke goua koume

Ye bouliale mi ndjougou seu ngue bouama ne nde mi tsia ne Johova gna ngai ne nwa nkow ne seu? Chouinja boud beu ngue tadga ne a ngue sa ne seu djougueg chou bouawlele seu, veda djisse idjong.​—Longue Jak 1:13.

Zembe gna kouamble moud ne fili a dele fez I sa. Ye sa ngai ne gouag mintague ne fili a dele fez Zembe gna yeu seu chou chieyale ne gne? (Josue 24:15) Veda ntsoulia boud beu fez sale bolga me baw, gouo boud beu ngue boul djoug yi. Ntsoulia o leulingui bongue beu ngue sa Johova tsieyle lame.​—Longue Metedele 6:5, 6.

Johova djisse Zembe ngue nwa nkow ne seu. A tsiel ne seu bougbanegue. A wal ba ze yil mi ndjougou ne mi mbeuwoule mi boud mi ngue sa mi ndjougou miongue. Tai seu ngue bouand, a djisse ne fouamai me nkame bidle mi ndjougou chou kikil fouala. Mpal 8 de, sey djigli me nkame mongue.​—Longue Pierre 2 2:9; 3:7, 13.

5. Ntedele seu nkoul seusse kounekoune ne Zembe?

Johova ngue djaw seu ne seu beug o chouo bey ne de leichia ne gne jii a medjagla de. A tsiel moud yez. (O Sam 65:2; 145:18) A de leil djou. A ngue deug me nkoul seu ngue wa chou beule chouo ye, tog ne seu me de kouab bilga I dja. Tog vale sa biel seum de, seu nkoul beu fouamai chouo me Zembe.​—Longue O Sam 103:12-14; Jak 4:8.

Vale Johova gna yeu seu tsig, seu me djalane boul tsiel gne ntong moud yez. (Marc 12:30) Wo ka louo Johova tsieli gouo, ne djigli mpoule gne, ne sale I sa vale a ngue chile, wo mou beu leida ne gne.​—Longue Timothee 1 2:4; Jan 1 5:3.