Aller au contenu

Aller au sommaire

 MPAL 14

Ne tsie dji Zembe djisse ne nkoumba synguia?

Ne tsie dji Zembe djisse ne nkoumba synguia?

1. Ne tsie dji Zembe gna taague koul boud a Israel a yag?

Zembe gna taague mpouong boud me Abraham ne beu beug nkoumba lome, a yeu neme bouo me tsien. A mou djaw lome wouongue ne “Israel” sa ne beu beug mbagle a fouamai yebai ne kalad me tsien mey. (O Sam 147:19, 20) Boud wa milga mi lome beu nkoul neme nwa nfi ne lome a Israel.​—Longue Metedele 22:18.

Zembe gna tsouab koul boud a Israel ne I beug wousned ye. Lang a lome Israel I louo ne boud beu deug me gnoua dja beu ngue being me tsien me Zembe. (Deuteronome 4:6) Ndo neme, mpesse koul boud a Israel o, milga mi lome ba mbeu djigli mpoule fouamai Zembe.​—Longue Izai 43:10, 12.

2. Ne tsie dji I kouaga ne fouamai o Christen beu beug teiguia?

Nda mi mbou mia ngue tsong, Israel gna djimbale tai djie miche me Zembe de, Johova mou teul gnede djala de synguia o Christen. (Mathieu 21:43; 23:37, 38) Mousse, djala me koul boud a Israel de, fouamai o Christen o beu ngue chieya ne Johova nda o wousned bey.​—Longue Mi Solgou 15:14, 17.

Yessous gna taague o mpouine bey chou nkantele ne beule ne bolga o mpouine mi lome miez de. (Mathieu 10:7, 11; 24:14; 28:19, 20) Chiey djongue o I boul beu mama sa mousse, wala seu mousseu me chinai ma chi ga de. Dja a chouchouogou I boualaile wouosse ne, Johova me syngue mi nteud mi o togchine o boud wa I koul biez fouamai yebai de o ni. (Mi Ndeiguia mi Jan 7:9, 10) Fouamai o Christen besse teiguia chou dele yeuya me nkoul ne kouinda mpadga bouo. Chi gniez de, beu ngue nwa mbi ndjigla Bible ngoud I synguia biang de.​—Longue O Hebreu 10:24, 25.

 3. Ntedele teiguia o Ngaa o Johova a mousse ya taide?

Mi mbou 1870 de mou mouane kib I keukague I choukoul I kalad Zembe ba taide nguele kouew o bebelai boud ba chine ngue woussa. Nda ba mpou ne Yessous gna taague ne o Christen beu deug nkante, beu mou taide mama nkante Idjou. Mbou 1931 beu mou nwa djineu o Ngaa o Johova.​—Longue Mi Solgou 1:8; 2:1, 4; 5:42.

4. Ntedele o Ngaa o Johova besse teiguia?

Seung a chouchouogou, I synguia biez ya chi ndoune ya de nwa nfi ne mi teiguia loua dji ne me gouag Yessous gna teul chou dongue. (Mi Solgou 16:4, 5) Ndo neme mousse, o Ngaa o Johova beu ngue nwa nfi ne vale loua dji ne me gouag ngue taague I sa o filiale de I kib o miong bez o tsoumba louandla ne mpouya komb a chichim beu ngue chiey dele kala I sa mi lezou de, de tsile ne wesli, o kalad o mi ndjigla mi Bible mi lezou tsong 600 de. Nteni de loua dji ne me gouag nkoul ngue yeu me nkoul ne kouinda I syinguia tsong 100 000 ya chi gniez de. Synguia djiez de, boud beu ne mpouya I sa ya chichim wa beu chiey nda o towai chouog. Beu ngue bagle I ntsouembai I Zembe ne tsieli.​—Longue Pierre 1 5:2, 3.

O Ngaa o Johova besse teiguia chou nkantele djong mekeul ne sa o mpouine. Nda wa apostel, seu me de nkante mi ndjaw mi ndjaw. (Mi Solgou 20:20) Seu me de djigli Bible ne boud beu tsiel o bebelai wa. Veda seu tsougai ndji nkoumba synguia. Seu besse ndjaw boud djisse ne Songue a tsieli. Seu besse o miong ne o kool beu nwa nkow ne  bolga. (O Thessalonicien 2 1:3) Nda besse teiguia chou yeule Zembe mintague ne kouindele bolga boud, o mbougla o Johova besse ndjaw boud I boul beu ne mintague chi gniez de.​—Longue O Sam 33:12; Mi Solgou 20:35.