Aller au contenu

Aller au sommaire

 MPAL 8

Ne tsie dji Zembe ngue bid me baw ne mi ndjougou?

Ne tsie dji Zembe ngue bid me baw ne mi ndjougou?

1. Me baw ma taide ntedele?

Johova gna bid ne meboune me beug ne Idjou biey chou louole ne me nkoul mez boud beu wa djoule kou ne gne me tsougai ne nfi

Me baw ma taide chi de wala Satane gna djiaw idjong ya chouchouogou. Metedele de Satane gna beu engless kou ne seum, veda “gna chigai bouene bebelai de.” (Jan 8:44) Gna wimb goumeu I djala ndji ne Zembe. Satane mou chiigue mouda a chouchouogou, Eve, ne pousse gne ne a beug ne megouag ne gne kou beu Zembe. Adam mou being Eve sale Zembe me louo. Tsigla me Adam I mou ze ne mi ndjougou ne chouiy.​—Longue Metedele 3:1-6, 19.

Dja Satane gna pousse Eve ne a sague Zembe me louo, gna djouw jii a meboune ne idjou I Zembe, I ke ne tai djie a Ndjou a sa djiez. Chouinja boud ba me being Satane ne banele Zembe nda Ndjou wang. Gouo, I sa ne Satane beug “ndjou a chi.”​—Longue Jan 14:30; Jan 1 5:19.

2. Ye I sa Zembe gna tai ya chigai beu mpouegai?

Mi solgou mi Zembe miez misse kou ne seum. Boud ne o engless gna tai ba beu ne nkoul ne beu beug ne megouag ne gne nda boualai seum. (Deuteronome 32:4, 5) Zembe gna tai seu ne fili me tsouab sale megnoua ngue mebaw. Fili wouongue me yeu seu me jii louole Zembe tsieli djissou.​—Longue Jak 1:13-15; Jan 1 5:3.

3. Ne tsie dji Zembe ngue bid mi ndjougou koume mousse?

Chou nkoumba fouala, Johova gna bid ne meboune me beug ne Idjou biey. Ne tsie dji? Chou louole ne me nkoul mez boud beu wa djoule kou ne gne me tsougai ne nfi. (Ecclesiaste 7:29; 8:9)  Mpesse mi mbou 6 000 moud dji chi de, bebelai me gnine. Ya me kade idjou ya chi sale ne me domb, igouga, o leulingue, ngue me bouasse me chinegue.​—Longue Jeremie 10:23; O Romain 9:17.

Tsiendele ne idjou ya boud, Idjou I Zembe bisse ne nfi chou bongue beu magle bio. (Izai 48:17, 18) Johova wal ba ze yile idjou ya boud. Bongue bez beu magle Idjou I Zembe o beu ba dji wa chi de.—Izai 11:9.​—Longue Daniel 2:44.

4. Djissaw me Johova I ngue yeu seu fouala sale dji?

Satane gna tsi ne tog moud gna beulai chieya ne Johova ndo touag. Ye wo tsiel louo ne djisse idjong? Wo nkoul! Djissaw me Zembe I sa ne seu louogue ngue seu me magle Idjou biey ngue idjou I moud. Tsig djissou I louo sa same fez.​—Longue Job 1:8-12; Mi Kane 27:11.

5. Ntedele seu nkoul fez Zembe nda Ndjou woussou?

I sa seu me tsouab I louo ngue seu me magle Zembe nda Ndjou woussou

Seu me fez Zembe nda Ndjou woussou dja seu me song gne ne kiey me tsien mey me wou Kalad Zembe de, Bible. (Jan 4:23) Seu nkoul bane ne Satane beug ndjou woussou dja sa dey sa politik ngue me domb, nda Yessous.​—Longue Jan 17:14.

Satane ngue balane ne nkoul gne nguele chougale tsig minombe, ne bawbaw mi solgou. Dja seu me miasse I sa biongue, bolga o chouo ngue mi mbiele missou miey de tsagle seu ngue bane seu. (Pierre 1 4:3, 4) Seu me djalane tsouab: Ye seu me beu leida ne boud beu tsiel Zembe? Ye seu me being djong me tsien mey? Ngue seu me magle, seu ngue louo ne Satane gna chiigue dja gna ngue tsi ne wala moud djisse mi ndjougou de, gna beulai beu ne megouag ne Zembe.​—Longue O Corinthien 1 6:9, 10; 15:33.

Tsieli me Zembe chou mpouong boud I yeu seu afidi ne mebaw ne mi ndjougou mi ze chine. Boud beu louo ne beu ne bougue I sa I ni de wa bey bi tsig a melou mez chi de.​—Longue Jan 3:16.