EKITUNDU 1

Okuva mu Kiseera ky’Abasajja Abeesigwa ab’Edda Okutuuka mu Kiseera ky’Abalamuzi

Ekitundu kino kiraga abaweereza ba Yakuwa abaayoleka obuvumu era abaalina okukkiriza okw’amaanyi, okutandikira ku Enoka okutuuka ku nnabbi Samwiri.

Ekitundu 1 Ekipande

Ekipande ekiraga emyaka gy’abantu aboogerwako mu Bayibuli n’ebintu ebyaliwo ebyogerwako.

1 ENOKA

Yatambula ne Katonda

Enoka yali wa njawulo ku bantu ab’omu kiseera kye mu ngeri enkulu bbiri. Ekyo kyasoboka kitya? Ekyokulabirako kye kituyigiriza ki ku kuba abavumu?

2 NUUWA

Yasalira Ensi Omusango

Ebiseera byaffe bifaananako bitya ebiseera bya Nuuwa? Soma olabe engeri gy’oyinza okuba omuvumu nga Nuuwa.

3 SAALA

Teyasigala ng’Alowooza Gye Yava

Saala yayoleka atya okukkiriza n’obuvumu?

4 IBULAYIMU

Omusajja Eyasooka Okulwana Olutalo olw’Obutuukirivu

Okuba nti Ibulayimu yali mwetegefu okununula Lutti omwana wa muganda we tukiyigirako ki? Yakuwa yasanyuka Ibulayimu bwe yayoleka obuvumu n’okukkiriza?

5 IBULAYIMU

Yali Mwetegefu Okukola Ekintu Ekizibu Ennyo

Tuyinza tutya okuba abavumu ne tugondera Yakuwa nga Ibulayimu bwe yakola? Ebyo bye tuyize ku Ibulayimu bitulaga bitya nti Katonda atwagala nnyo?

6 LEBBEEKA

Yagenda Gye Yali Tamanyi

Lebbeeka yali mukyala alina okukkiriza okw’amaanyi era yali muvumu. Tuyinza tutya okumukoppa?

7 YAKOBO

Yayoleka Obuvumu n’Akuuma ab’Omu Maka Ge

Ebyo Yakobo bye yayitamu biraga bitya nti tulina okufuba ennyo okusobola okufuna omukisa gwa Yakwua?

8 YUSUFU

Teyakola Kibi ng’Akemeddwa

Laba engeri ekyokulabirako kya Yusufu gye kisobola okukuyamba okugumira ebigezo n’okwewala okukola ekibi ng’okemeddwa.

9 SIFIRA, PUWA, AMULAAMU, YOKEBEDI, MIRIYAMU

‘Olw’Okukkiriza, Bazadde ba Musa Baamukweka’

Abazaalisa, bazadde ba Musa, ne mwannyina baayoleka okukkiriza n’obuvumu obw’amaanyi. Tuyinza tutya okubakoppa?

10 MUSA

Yasalawo Bulungi

Musa yasalawo atya era lwaki? Tuyinza kumukoppa tutya?

11 MUSA

“Genda eri Falaawo”

Ebyo bye tusoma ku Musa bituyamba bitya okuba abakakafu nti Yakuwa atuyamba ne bwe tuba nga tuwulira nti tetusobola kutuukiriza buvunaanyizibwa bw’aba atuwadde?

12 KALEBU

Yasigala Mwesigwa eri Katonda We

Laba engeri ekyokulabirako Kalebu kye yassaawo gye kisobola okutuyamba ne twewala ‘okugoberera abangi.’

13 YOSWA

Yakolera ku Biragiro Ebyali Birabika ng’Ebitakola

Bulagirizi ki Yakuwa bwe yawa Yoswa obwalabika ng’obutakola? Mu mbeera ki mwe tuyinza okukoppa Yoswa?

14 LAKABU

Yalondawo Okuba ku Ludda Lwa Yakuwa

Kiki kye tuyigira ku ekyo Lakabu kye yakola? Yakuwa yamuwa atya emikisa olw’okuba omuvumu n’olw’okuba n’okukkiriza?

15 NAWOMI NE LUUSI

Baayambagana mu Kiseera Ekizibu Ennyo

Nawomi ne Luusi baayoleka batya obuvumu? Biki bye tuyinza okubayigirako?

16 BALAKA NE DEBOLA

“Mazima Nja Kugenda Naawe”

Balaka yagamba Debola agende naye mu lutalo. Ekyo kyali kiraga nti teyalina kukkiriza kunywevu?

17 YAYEERI

“Wa Mukisa Okusinga Abakazi Bonna”

Yayeeri yayoleka obuvmu n’atta omulabe wa Yakuwa era n’okutuusa leero tukyamuyigirako. Lwaki twetaaga okuba abavumu nga ye?

18 GIDIYONI

Yali Muvumu era nga Mwegendereza

Ddi lwe kiyinza okwetaaga okuba abavumu era abeegendereza?

19 YEFUSA NE MUWALA WE

Baatuukiriza Obweyamo Obutaali Bwangu

Tuganyulwa tutya mu kyokulabirako Yefusa ne muwala we kye baatuteerawo?

20 SAMUSOONI

Yali Muvumu mu Kiseera We Yabeerera Omunafu

Kiki kye tuyigira ku ekyo Samusooni kye yakola oluvannyuma lw’okukola ensobi?

21 SAMWIRI

Omulenzi Eyategeeza Abalala Obubaka Obwava eri Yakuwa

Ddi abavubuka lwe kibeetaagisa okwoleka obuvumu ne banywerera ku kituufu?

EKITUNDU 2

Okuva mu Kiseera kya Bassekabaka Okutuuka ku Kuddamu Okuzimba Yerusaalemi

Ekitundu kino kyogera ku baweereza ba Yakuwa abaayoleka okukkiriza n’obuvumu, okutandikira ku Yonasaani, mutabani wa Kabaka Sawulo, kyogera ku Kabaka Dawudi, era kikomekkereza ng’abantu ba Katonda bavudde mu buwambe e Babulooni ne baddayo okuddamu okuzimba Yerusaalemi.

Ekitundu 2 Ekipande

Ekipande ekiraga emyaka gy’abantu aboogerwako mu Bayibuli n’ebintu ebyaliwo mu kiseera kya bassekabaka okutuuka okuddamu okuzimba Yerusaalemi.

22 YONASAANI

Yalina Okuba Omuvumu Okuba Omwesigwa eri Mukwano Gwe

Yonasaani yalina okuba omwesigwa eri Yakuwa n’eri kitaawe. Yamanya atya nti yalina kusinga kubeera mwesigwa eri Yakuwa? Tuyinza tutya okumukoppa?

23 DAWUDI

Yalwanyisa Omusajja Omuwagguufu

Dawudi yali amanyiddwa ‘ng’omulwanyi omuzira.’ Obuvumu bwe yayoleka bwayamba butya abalala okuba abavumu? Bw’oba omuvumu kikwata kitya ku balala?

24 ABBIGAYIRI

Yakkakkanya Embeera Eyali Enzibu

Kiki abakyala n’abaami kye bayigira ku Abbigayiri?

25 DAWUDI

Yayoleka Obuvumu n’Akola Ekituufu

Dawudi yali asobola okuwoolera eggwanga. Lwaki ekyo teyakikola? Tuyinza tutya okumukoppa?

26 NASANI

Yawabula Kabaka

Ekyokulabirako kya Nasani kituyigiriza ki ku ngeri y’okuyambamu mukwano gwaffe aba akoze ekibi eky’amaanyi?

27 MEFIBOSESI

Teyasiba Kiruyi

Bintu ki ebizzaamu amaanyi bye tuyigira ku Mefibosesi?

28 ASA

Yaweereza Yakuwa “Obulamu Bwe Bwonna”

Biki bye tuyigira ku musajja eyaweereza Yakuwa n’omutima gwe gwonna?

29 ERIYA

“Katonda Wange Ye Yakuwa”

Kiki ekyayamba Eriya okuggwaamu okutya?

30 NNAMWANDU W’E ZALEFAASI

Yayoleka Okukkiriza mu Kiseera Ekizibu

Ebyo bye tumusomako bituyamba bitya okwesiga Yakuwa?

31 OMUWALA OMUTO OMUYISIRAYIRI

Omuwala Omuto Ayogera Ebikwata ku Katonda We

Ekyokulabirako ky’omuwala oyo omuto kisobola okukuyamba okubuulira abalala wadde ng’otidde.

32 ERISA

“Ai Yakuwa, Zibula Amaaso Ge Alabe”

Okukimanya nti bamalayika bali kumpi naffe kituyamba kitya okuba abavumu?

33 YEKOYAADA

Yakuuma Kabaka

Kintu ki ekyali kyetaagisa obuvumu Yekoyaada kye yakola? Tuyinza tutya okwoleka obuvumu nga Yekoyaada?

34 KEEZEEKIYA

“Yanywerera ku Yakuwa”

Keezeekiya yayoleka obuvumu obw’amaanyi n’okukkiriza. Tuyinza tutya okumukoppa leero?

35 MANASE

Yayoleka Obuvumu ne Yeenenya

Lwaki tuyinza okugamba nti Manase yassaawo ekyokulabirako ekirungi mu kwoleka obuvumu?

36 YOSIYA

Yayamba Abantu Okuddamu Okusinza Yakuwa

Wadde nga Yosiya yakulira mu bantu abataamuteerawo kyakulabirako kirungi, yayoleka obuvumu n’awagira okusinza okw’amazima. Tuyinza tutya okumukoppa?

37 DANYERI

‘Teyeeyonoona’

Abavubuka bayinza batya okukoppa Danyeri ne booleka obuvumu n’obwesigwa? Ffenna tuyinza kumukoppa tutya?

38 ABEBBULANIYA ABASATU

“Baazikiza Amaanyi g’Omuliro”

Abebbulaniya abasatu baali bavumu ne bwe baatisibwatisibwa nti bagenda kuttibwa. Tuyinza tutya okukoppa engeri zino ze baayoleka: obwetoowaze, obukkakkamu, n’obwesigwa?

39 ESEZA

“Bwe Nnaaba Wa Kufa Kale Nnaafa”

Eseza yali mugezi era nga muwulize. Yasobola okuwangula omwami we ataali muweereza wa Yakuwa. Tuyinza tutya okumukoppa?

40 NEKKEMIYA

Yaddamu Okuzimba Bbugwe

Kiki kye tuyigira ku Nekkemiya bwe kituuka ku kukola ekisingawo mu buweereza bwaffe eri Yakuwa? Abakadde bayinza batya okukoppa Nekkemiya?

EKITUNDU 3

Ekiseera kya Masiya n’Abagoberezi Be

Ekitundu kino kyogera ku baweereza ba Yakuwa abaali abavumu era abaalina okukkiriza okw’amaanyi abaaliwo mu kyasa ekyasooka, omuli omuwala Omuyudaaya embeerera ayitibwa Maliyamu, era kifundikira kyogera ku omutume Yokaana.

Ekitundu 3 Ekipande

Ekipande ekiraga emyaka abantu aboogerwako mu Kitundu 3 gye baawangaala. Ate era kiraga ebimu ku bintu ebikulu ebyaliwo okuva mu kiseera kya Masiya okutuukira ddala mu kiseera ky’omutume Yokaana.

41 ZEKKALIYA NE ERIZABEESI

“Baali Batuukirivu mu Maaso ga Yakuwa”

Lwaki Yakuwa yali atwala Zekkaliya ne Erizabeesi nti batuukirivu? Tuyinza tutya okubakoppa?

42 MALIYAMU

Yayoleka Obuvumu n’Akkiriza Obuvunaanyizibwa Obwamuweebwa

Maliyamu yaweebwa obw’enjawulo era obwali obw’amaanyi. Kiki ekyamuyamba okuba omuvumu n’asobola okubutuukiriza?

43 YUSUFU

Yeetikka Obuvunaanyizibwa obw’Amaanyi

Yusufu yateerawo atya bataata Abakristaayo ekyokulabirako ekirungi?

44 YOKAANA OMUBATIZA

‘Tewali Amusinga’

Yokaana yali musajja muvumu nnyo era teyalina bintu bingi mu bulamu. Weetegereze kye tusobola okumuyigirako.

45 PEETERO

‘Ndi Muntu Mwonoonyi’

Kiki kye tuyigira ku Peetero bwe kituuka ku kuweereza Yakuwa ne bwe tuba nga tulina obunafu?

46 MALIYAMU MAGUDALEENA

“Ndabye Mukama waffe!”

Maliyamu yeemalira ku kuyamba Yesu n’abatume be. Tuyinza tutya okwoleka obusaasizi n’okuba abavumu nga bwe yakola?

47 MALIYAMU, MWANNYINA WA LAAZAALO

“Akoze ky’Asobola”

Yesu yasiima mwannyina wa Laazaalo, Maliyamu olw’okwoleka okukkiriza n’obuvumu. Yayoleka atya obuvumu? Tuyinza tutya okumukoppa?

48 SITEEFANO

‘Yali Ajjudde Omwoyo Omutukuvu n’Okukkiriza’

Sitefaano yalina okwewozaako. Yalwanirira atya okukkiriza kwe? Ekyokulabirako kye yatuteerawo kiyinza kitya okutuyamba okusigala nga tuli beesigwa?

49 PEETERO

Yafuuka Olwazi

Tuyinza tutya okukoppa Peetero ne twesiga Yakuwa bwe tuba nga tutidde?

50 SAWULO OW’E TALUSO

Yakyusiza Ddala Endowooza Ye

Kiki ekyaleetera omusajja eyali ayigganya ennyo Abakristaayo okukyuka? Biki bye tumuyigirako?

51 BALUNABBA

“Oyo Azzaamu Abalala Amaanyi”

Balunabba yayoleka obuvumu, n’atwala Sawulo eri abatume. Tuyinza tutya okuba abavumu nga Balunabba era n’okuba abeeteefuteefu okuweereza abalala?

52 MAKKO

“Wa Mugaso Nnyo Gye Ndi”

Wadde nga Makko yafuna ebyamumalamu amaanyi, yeeyongera okuweereza Yakuwa era n’okuyamba bakkiriza banne. Biki bye tumuyigirako?

53 PAWULO

“Mbakubiriza Okuba Abagumu”

Pawulo yakiraga atya nti yali muvumu mu mbeera eyali enzibu ennyo? Okuba nti yali muvumu kyaganyula kitya abalala?

54 OMUTUME YOKAANA

Yayoleka Obuvumu mu Kiseera Ekizibu Ennyo

Omutume Yokaana teyaggwaamu maanyi era teyatya. Tuyinza tutya okumukoppa ne twoleka obuvumu nga tuweereza Katonda?

OKUFUNDIKIRA

“Weeyongere Okubeera Omuvumu”

Bayibuli erimu ebyokulabirako by’abasajja n’abakazi, abato n’abakulu abaayoleka obuvumu ne baweereza Yakuwa. Ebyo bye tubasomako naffe bisobola okutuyamba okuba abavumu.

Ebiri Munda