Tolokeleni

Tolokeleni muye pa fyebo fya bubili

Bamboni sha BaYawe

IciLamba

Kani Isambililo lya Baibolo Cindo?

Kani Isambililo lya Baibolo Cindo?

Bamboni sha baYawe balasambilila ne bantu Baibolo ne kwasuka ifyakwipusha ifyakuti ubwingi ukubikako lukoso na fifi:

  • Kani balesa nibani?

  • Kani baLesa balimbikileko akalango nebo?

  • Kani ningacita shani pa kweba’ti icupo candi cibe bwino?

  • Kani ningacita shani pa kuba umusangalele mu mweo wandi?

Pa fyebo fyakonkapo pali ifyasuko ku fyakwipusha ifipushiwa makosa pa lwe sambililo lya Baibolo na fyefyo lyanshikilwe.

Kani isambililo lya Baibolo lilacitwa shani? Tulasalululapo ilyashi limo, lingaba lyashi pali “BaLesa” neli pa “Cupo” eli pano twapyungisha Amalembo aalabila pali lyelyo ilyashi. Ukwambaala pali aya malembo kulatulangisha ifi Baibolo ilabila pa lyashi ilyo. kabili muli iyi nshila tulaleka Baibolo iine ukwasuka.

Pakweba ati cingapubako ukusambilila Baibolo na mwebo, tulapyungisha ibuuku ililabila ati Kani Findo Baibolo Muli bucine Isambisha? Mwi buuku ili muli fyefyo Baibolo ilabila, pa lwa BaLesa, BaYesu,na pali fyefyo ifintu fikaba kuntangile.

Kani kulipila shiinga pa kusambililako? Isambililo lilacitwa apa lukoso, kabili tabakamulipilishenipo pa kumupeleni ibuuku lya kusambililamo.

Kani maawala yanga aakusambilila? Abantu abengi balasalululapo ukulukusambilila pe awala limo lukoso. Pano ubutali bwa mpindi tabupimiinwepo limo. Tulaalula koti kwelelwa na fyefyo ifintu fili kuli mwebo.

Mulacita shani kani na lomba ukunsambisha Baibolo? Kani mwalomba ukumusambisheni Baibolo, Imboni ya baYawe ikamufakashisheni pa mpindi ne mupunda mulukufwaya. Mu kutanga lukoso ba ka mulangisheni ifi isambililo licitwa. Kani mwatemwa eli mungapitilisha.

Ili nasumina ukusambilila na mwebo Baibolo Kani mukampangilisha ukuba Imboni ya baYawe? Koku Bamboni sha baYawe balitemenwe ukusambilila ne bantu Baibolo, pano tabapangilishapo abantu ukuba Imboni ya baYawe. Sombi, ici tucindamikile, ku mubuuleni lukoso ifi Baibolo isambisha ukulukwishibile ati mwebene mulikwete amakosa akusalululapo ifi mwelelwe ukusumina.—1 Petilo 3:15.