Тә хԝәрʹа кьрийә хәйсәт һәр рʹож бьхуни бьрошура «Һәр Рʹож Ньвисаред Пироз Леколин Бькьн»? Һәрге на, ԝе баш бә сәр хԝә бьхәбьти кӧ ве йәке хԝәрʹа бьки хәйсәт. Гәләка хԝәрʹа кьрийә хәйсәт шәбәԛа әв бьхуньн у леколин кьн. Бь сайа ве йәке, әԝана дькарьн әве ширәте нава рʹожеда бьдьнә хәбате (Йеш. 1:8; Зб. 119:97). Тӧ ча дькари һе зедә кʹаре бьстини жь хԝәндьна ве брошуре? Бьхунә контекста ве рʹеза жь Кʹьтеба Пироз, ԝәки нета ве һе рʹьнд фәʹм бьки. Бьфькьрә дәрһәԛа ве дәрәще йа кӧ жь Кʹьтеба Пироз дьхуни, сәва кӧ ве принсипе тедәрхи, кʹижана кӧ текста рʹожеда ньвисар ә. Һәрге тӧ бьһели, ԝәки Хәбәра Хԝәде сәр тә һʹӧкӧм бә, әве рʹебәрийа тә бькә у тӧйе кʹәрәма бьстини (Зб. 119:105).

Әндәмед Бәйтʹәле сәр тʹәмамийа дьне, шәбәԛа шеԝьр дькьн «Һәр Рʹож Ньвисаред Пироз Леколин Бькьн». Ван салед пашьн һьнә видеойед ви щурʹәйи сәр JԜ Бродкастинг дь БӘРНАМА РʹӦҺʹАНИДА һатьнә данине. Ван пашԝәхтийа тә кʹәнге дина хԝә дайә һьнәк жь ван видеойа? Дьԛәԝьмә һьнәк жь ван хут бона дәрәща тә бун. Мәсәлә, сәрһатийа дәрһәԛа Лут чь щурʹәйи сәр сафикьрьнед тә һʹӧкӧм бун?

БЬНЬҺЕРʹЬН ВИДЕО «ДЬНЙАЙЕ Һ′ЬЗ НӘКЬН» (1 ЙН. 2:15), У ПАШЕ ЩАБА ВАН ПЬРСА БЬДЬН:

• Кʹижан принсипа Кʹьтʹеба Пироз һʹиме ве Бәрнама Шәбәԛе йә?

• Сәрһатийа Лут чаԝа нишан дькә, кӧ чьԛас хоф ә һʹьз бькьн ве дьнийайе у һʹәму тьштед кӧ веда ньн? (Дсп. 13:12; 14:12; 19:3, 12, 13, 24-26)

• Чь щурʹәйи әм дьдьнә кʹьфше, ԝәки Йаһоԝа һʹьз дькьн, нә кӧ ве дьнйайе у һʹәму тьштед кӧ веда ньн?