Али гӧһдаред хԝә бькә, ԝәки хԝә бьщерʹьбиньн. Пьрсед ӧса бьдә гӧһдара ԝәки али ԝан бьки, сәр һәстед хԝә бьфькьрьн.

Гӧһдаред хԝә һелан кә. Гӧһдаред хԝә һелан кә, ԝәки әԝана тедәрхьн кӧ бь чь нете кьред баш дькьн. Али ԝан бькә, ԝәки һʹьзкьрьна һьндава Йаһоԝа, хушк-бьра у һинкьрьнед Кʹьтеба Пироз ԝана һелан кә, тьштед ԛәнщ бькьн. Бьхәбьтә кӧ тʹәви гӧһдаред хԝә шеԝьр ки. Бь готара хԝә мәрийа нәдә шәрме ле бьра әԝана хԝә һеланкьри тʹәхмин кьн у бьхԝазьн һе зедә бона Йаһоԝа бькьн.

Дина мәрийа бьдә сәр Йаһоԝа. Бьдә кʹьфше кӧ ча һинкьрьнед Кʹьтеба Пироз, принсип у тʹәмийед Хԝәде әʹйан дькьн хәйсәт-һӧнӧред ԝи у һʹьзкьрьна ԝи һьндава мәда. Хԝәстьна гӧһдаред хԝә пешда бинә, кӧ дәрһәԛа хәйсәтед Йаһоԝа леколин кьн у дьле ԝи ша кьн.