Хԝәде ԝе «жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук» (Әʹйанти 21:3, 4).

Һун дькарьн баԝәр кьн, кӧ Хԝәде сәбәбе проблемед ԝә нинә (Аԛуб 1:13).

Һун дькарьн дьлбинийе бьстиньн, чахе педьһʹәсьн кӧ Хԝәде сәр тәнгасийед ԝә ча дьньһерʹә (Зәкәрйа 2:8).

Һун дькарьн баԝәр бькьн, кӧ һʹәму кӧл-дәрд ԝе хьлаз бьн (Зәбур 37:9-11).

Бәле, у сәва ве йәке дӧ мәʹни һәнә:

• Хԝәде кӧл-дәрда у нәһәԛийе нәфрʹәт дькә. Ԝәрен әм бьньһерʹьн, кӧ Йаһоԝа Хԝәде чь сәр хԝә тʹәхмин дькьр, чахе ԝәʹде бәре щьмәʹта ԝи дьчәрчьрандьн у дьзерандьн. Кʹьтеба Пирозда те готьне кӧ Йаһоԝа Хԝәде бәрхԝә дькʹәт, чахе дьдит кӧ «тәнгасийе дьдьн» щьмәʹта ԝи (Һʹакьмти 2:18).

  Хԝәде ԛәбул накә ԝан мәрийа, йед кӧ зийане дьдьнә мәрьвед дьн. Мәсәлә, Кʹьтеба Пирозда ньвисар ә ԝәки мәрьвед кӧ «хуна бесуща дьрʹежьн», бәр чʹәʹве Йаһоԝа рʹәш ьн (Мәтʹәлок 6:16, 17).

• Хԝәде дәрһәԛа мә һәр кәси, башԛә хәм дькә. Йаһоԝа Хԝәде мә һелан дькә, ԝәки әм һʹәму бар у хәмед хԝә бавежьнә сәр ԝи, «чьмки әԝ» бона мә һәр кәси «хәм дькә» (1 Пәтрус 5:7).

  Йаһоԝа Хԝәде ԝе бь аликʹарийа Пʹадшатийа хԝә зутьрәке һʹәму кӧл-дәрда бьдә һьлдане (Мәтта 6:9, 10). Ле һʹәта әв рʹож бе, әԝ бәрдьлийе дьдә ԝан мәрийа, йед кӧ хԝә ль ԝи дьгьрьн у ԝи дьгәрʹьн (Кʹаред Шандийа 17:27; 2 Корьнтʹи 1:3, 4).