ABỌ ỌSOSUỌ
“Idhiwu na I te Rovie”
OWARE NỌ ABỌ NANA O TA KPAHE: Ẹmẹvo obọ odhiwu nọ Jihova ọ rrọ na
Ohwo-akpọ ọvuọvo ọ sae ruẹ Jihova, Ọghẹnẹ erumeru na, ọ vẹ zọ họ. (Ọny. 33:20) Rekọ Jihova ọ jọ eruẹaruẹ dhesẹ abọ obọ odhiwu ọrọ ukoko Riẹ kẹ Izikiẹl—eruẹaruẹ yena i re mu urirẹ, i re je ru omai rri uvẹ-ọghọ nọ ma be rọ gọ Ọghẹnẹ uzẹme ọvuọvo na ghaghae.
ENỌ E RRỌ OFẸ NANA
UZOU AVỌ 3
“Me te Mu Eruẹaruẹ Ọghẹnẹ họ Ẹruẹ”
Eruẹaruẹ ọsosuọ nọ Izikiẹl ọ ruẹ i gbe rie unu gaga. Eruẹaruẹ na i wo otofa kẹ idibo Ọghẹnẹ nẹnẹ.
UZOU AVỌ 4
Eme “Emama nọ E Rrọ Uzuazọ nọ I Wo Evao Ene na” I Dikihẹ Kẹ?
Jihova o dhesẹ eware nọ a rẹ ruẹ kẹ Izikiẹl evaọ eruẹaruẹ re u fiobọhọ kẹ omai wo otoriẹ eware nọ ma hẹ sai wo otoriẹ rai vievie he.
