Kpohọ eme nọ e riẹ eva

Kpohọ oria izoẹme

 ẸKPẸTI UWUHRẸ 16B

Fiunu je bi Dimẹ, Kpe Oka Họ, Fa Ahwo Kpe​—Oke vẹ gbe Oghẹrẹ vẹ?

Fiunu je bi Dimẹ, Kpe Oka Họ, Fa Ahwo Kpe​—Oke vẹ gbe Oghẹrẹ vẹ?

Eruẹaruẹ nọ a kere fihọ obe Izikiẹl uzou avọ 9 na i wo orugba evaọ oke mai na. Nọ ma tẹ riẹ oghẹrẹ nọ eware e te rọ via, o rẹ sai fiobọhọ kẹ omai rẹriẹ ovao dhe ekuhọ uyero-akpọ nana avọ udu

“Fiunu je bi dimẹ”

OKE VẸ: Etoke edẹ urere na, taure uye ulogbo na u te ti muhọ

OGHẸRẸ VẸ: Ahwo evezi a rẹ rọ ẹkwoma ẹmeunu rai gbe uruemu rai dhesẹ nọ eware imuomu nọ a bi ru evaọ akpọ nana e be tọtọ ai oma. Ahwo nana a rẹ jẹ usi uwoma nọ a be ta nẹnẹ na rehọ, daoma rọ aro kele uruemu Kristi, a vẹ họ-ame ro dhesẹ nọ a rọ omarai mudhe kẹ Jihova no, a vẹ jẹ hae tha inievo Kristi uke

 “Kpe oka họ”

OKE VẸ: Etoke uye ulogbo na

OGHẸRẸ VẸ: Ọzae nọ o wo ame-ugbẹ okere-obe na o dikihẹ kẹ Jesu Kristi evaọ okenọ ọ te nyaze wọhọ Obruoziẹ erẹwho na kpobi. A ti kpe oka họ ogbotu obuobu na wọhọ igodẹ, koyehọ, a ti bruoziẹ rai wọhọ igodẹ, onọ u ti dhesẹ nọ a te zọ evaọ ẹmo Amagidọn

“Fa ahwo kpe”

OKE VẸ: Evaọ ẹmo Amagidọn

OGHẸRẸ VẸ: Jesu Kristi avọ egbaẹmo obọ odhiwu riẹ, koyehọ, ikọ-odhiwu na gbe ahwo idu udhuhrẹ-gbene (144,000) nọ i ti lele iei su na kpobi, a te raha akpọ omuomu nana no riẹriẹriẹ, a vẹ kẹ ahwo nọ a rrọ egagọ uzẹme uvẹ ruọ akpọ ọkpokpọ nọ ẹrẹreokie ọ te jọ