Egagọ Efuafo Jihova​—E Nwa Zihe Ze No!

Eruẹaruẹ buobu e rrọ obe Izikiẹl na nọ e ta kpahe ezihe ze egagọ efuafo. Oghẹrẹ vẹ eruẹaruẹ yena i ro kpomahọ omai?

Ileta nọ Utu Ẹruorote na U Kere Ze

Ma rẹro nọ obe nana u ti fiobọhọ kẹ owhẹ gọ Jihova evaọ edhere ọfuafo nọ u fo rie.

Oruvẹ Eware Jọ nọ E Rrọ Obe Na

Ekpẹti uwuhrẹ gbe isi oke nọ eware e rọ via na i re fiobọhọ kẹ owhẹ wo otoriẹ eware na ziezi.

UZOU 1

“Jihova Ọghẹnẹ Ra O Gba Owhẹ Họ nọ Whọ rẹ Gọ”

Setan ọ rọ ẹkwoma ọkparesuọ yena nọ ọ wha ze evaọ Idẹn na wọso udu-esuo okpehru Jihova, ọ tẹ jẹ kpareso egagọ efuafo.

UZOU AVỌ 2

‘Ọghẹnẹ Ọ Jẹ Ekẹ Rai Rehọ’

Oriruo nọ ezae ẹrọwọ oke anwae a fihọ otọ u dhesẹ nọ ugogo eware ene jọ e riẹ nọ i re ru Ọghẹnẹ jẹ egagọ rehọ.

UZOU AVỌ 3

“Me te Mu Eruẹaruẹ Ọghẹnẹ họ Ẹruẹ”

Eruẹaruẹ ọsosuọ nọ Izikiẹl ọ ruẹ i gbe rie unu gaga. Eruẹaruẹ na i wo otofa kẹ idibo Ọghẹnẹ nẹnẹ.

UZOU AVỌ 4

Eme “Emama nọ E Rrọ Uzuazọ nọ I Wo Evao Ene na” I Dikihẹ Kẹ?

Jihova o dhesẹ eware nọ a rẹ ruẹ kẹ Izikiẹl evaọ eruẹaruẹ re u fiobọhọ kẹ omai wo otoriẹ eware nọ ma hẹ sai wo otoriẹ rai vievie he.

UZOU AVỌ 5

Rri ‘Eware Iyoma Etọtọ nọ A bi Ru’

Izikiẹl ọ ruẹ eware etọtọ nọ i dhesẹ epanọ egagọ orẹwho na soso i gbeku te.

UZOU AVỌ 6

“Urere na U Te Owhẹ Oma No”

Idhesẹvia nọ Izikiẹl o ru na i dhesẹ oware nọ Jihova ọ te rọ ofu ru Jerusalẹm.

UZOU AVỌ 7

Erẹwho na E “Vẹ te Riẹ nọ Mẹ họ Jihova”

Erẹwho nọ e wọso Jihova nọ i je kpokpo ahwo riẹ hayo raha uruemu rai na a te va uye nọ u ti noi ze abọ họ. Eme ma rẹ sai wuhrẹ no oghẹrẹ nọ ahwo Izrẹl a ro yerikugbe ahwo erẹwho yena ze?

UZOU AVỌ 8

“Mẹ te Rehọ Othuru-Igodẹ Ọvo Ro Mu”

Ọghẹnẹ ọ rọ ẹzi riẹ wọ Izikiẹl kere eruẹaruẹ jọ fihọ otọ kpahe Mesaya na, Ovie nọ o ti su evaọ obaro gbe Othuru-Igodẹ na, ọnọ o ti zihe egagọ efuafo ze bẹdẹ bẹdẹ.

UZOU AVỌ 9

“Mẹ te Kẹ Ae Udu Ọvo”

Kọ eruẹaruẹ nọ a kẹ ahwo Ju nọ a jọ igbo evaọ Babilọn na i wo otofa jọ kẹ omai?

UZOU AVỌ 10

“Wha . . . te Ziọ Uzuazọ”

Izikiẹl ọ jọ eruẹaruẹ ruẹ ukiekpotọ jọ nọ igbenwa e ya fia no e vọ, igbenwa na e tẹ wariẹ ziọ uzuazọ. Eme onana u dhesẹ?

UZOU AVỌ 11

“Mẹ Rehọ Owhẹ Mu Ororoke . . . No”

Didi ewha-iruo ororoke nana o wo? Oghẹrẹ unuovẹvẹ vẹ o re whowho?

UZOU AVỌ 12

“Me ti Ru Ai Fihọ Orẹwho Ovo”

Jihova ọ ya eyaa nọ ọ te wariẹ koko ahwo riẹ họ okugbe ọvo.

UZOU AVỌ 13

“Dhesẹ Etẹmpol Na”

Eme etẹmpol nọ Izikiẹl ọ ruẹ evaọ eruẹaruẹ na u dikihẹ kẹ?

UZOU AVỌ 14

“Onana họ Uzi Etẹmpol Na”

Eware vẹ o sae jọ nọ ahwo Ju oke Izikiẹl a wuhrẹ no eruẹaruẹ nọ ọ jọ ruẹ etẹmpol na ze? Kọ eme eruẹaruẹ na i wuhrẹ omai kpahe egagọ efuafo nẹnẹ?

UZOU AVỌ 15

“Me ti Ru Igberẹ-Ibro Ra Serihọ”

Eme ma rẹ sai wuhrẹ no igberẹ nọ a dhesẹ evaọ obe Izikiẹl avọ obe Eviavia na ze?

UZOU AVỌ 16

“Kpe Oka họ Aruezo Ahwo”

Oghẹrẹ nọ a ro kpe oka họ ahwo re a sae zọ evaọ oke Izikiẹl u wuzou kẹ omai nẹnẹ.

UZOU AVỌ 17

“Mẹ te Rọsuọ Owhẹ, O Gọg”

Ono họ Gọg obọ Magọg, kọ ẹkwotọ vẹ ọ te vẹro?

UZOU AVỌ 18

“Ofu Ọgaga Mẹ Ọ te Wọ Ze”

Ohọre Gọg o te lẹliẹ Jihova mu ofu, onọ o te whae ze nọ Ọghẹnẹ ọ te rọ thọ ahwo riẹ.

UZOU AVỌ 19

“Oware Kpobi O te Jọ Uzuazọ Evaọ Oria Kpobi nọ Oko-Ame na O Te”

Ẹvẹ eruẹaruẹ ethẹ nọ o bi su nọ Izikiẹl ọ ruẹ na i ro rugba evaọ oke anwae, bi rugba evaọ enẹna, je ti rugba evaọ obaro?

UZOU AVỌ 20

Wha “Ghale Otọ na Rọ Reuku”

Ọghẹnẹ ọ jọ eruẹaruẹ ta kẹ Izikiẹl avọ ahwo nọ a gbẹ jọ igbo inọ a ghale Ẹkwotọ Eyaa na kẹ erua Izrẹl.

UZOU AVỌ 21

“Odẹ Okpẹwho na . . . O te Jọ Jihova Ọ Rrọ Etẹe”

Eme ma rẹ sai wuhrẹ no eruẹaruẹ Izikiẹl kpahe okpẹwho na avọ odẹ riẹ nọ u wo emamọ otofa na ze?

UZOU AVỌ 22

“Gọ Ọghẹnẹ”

Ẹjiroro nọ a ro kere obe nana họ re u fiobọhọ kẹ omai gbaemu gaga inọ ma rẹ rehọ eva mai kpobi gọ Jihova ọvo.

Otoriẹ Ekpokpọ nọ Ma Wo

Fikieme ma ro nwene otoriẹ mai kpahe eruẹaruẹ jọ nọ e rrọ obe Izikiẹl na?

ẸKPẸTI UWUHRẸ 1A

Eme họ Egagọ?

Ẹvẹ a rẹ sae fa otọ egagọ? Ẹvẹ a rọ jọ obe Izikiẹl ru ei vẹ? Eme u dhesẹ re a gọ egagọ efuafo?

ẸKPẸTI EWUHRẸ 1B

Eware nọ E Rrọ Obe Izikiẹl

A rẹ sae ghale obe na kpohọ abọ sa-sa, othotha lele okenọ eware e rọ via gbe oware nọ o be ta kpahe.

ẸKPẸTI UWUHRẸ 2A

Oghẹrẹ nọ Ma re Wo Otoriẹ Eruẹaruẹ Izikiẹl

Whọ rẹ jọ obe na ruẹ eruẹaruẹ, iriruo, etadhesẹ, gbe idhesẹvia. Aikpobi yọ evuẹ nọ i no obọ Ọghẹnẹ ze kpahe eware nọ e be tha.

ẸKPẸTI UWUHRẸ 2B

Izikiẹl​—Uzuazọ Riẹ Gbe Eware nọ E Via

Eruẹaro efa e jariẹ evaọ oke ovona nọ Izikiẹl ọ jẹ ruẹaro na. Ikpeware sa-sa e via kẹ ahwo riẹ evaọ etoke uzuazọ riẹ.

ẸKPẸTI UWUHRẸ AVỌ 3A

Ugbo nọ A rọ Owotọ Nya Kpobọ Babilonia

Edhere vẹ o wọhọ nọ ahwo nọ a mu kpohọ igbo na a nya no Juda kpobọ Babilọn?

ẸKPẸTI UWUHRẸ AVỌ 4A

“Me je . . . Rri Emama nọ E Rrọ Uzuazọ Na”

Ohẹriẹ vẹ o rrọ emama ene nọ e rrọ uzuazọ nọ Izikiẹl ọ ruẹ evaọ eruẹaruẹ na avọ emema ilogbo nọ a kare nọ e jọ ẹkwotọ Asiria gbe Babilonia na?

ẸKPẸTI UWUHRẸ AVỌ 5A

“Ọmọ Ohwo, Kọ Whọ be Ruẹ Eware Nana?”

Izikiẹl o bi rri ekpako uwou Izrẹl nọ e be mahe insẹnse kẹ eghẹnẹ erue.

ẸKPẸTI UWUHRẸ AVỌ 6A

“Nware Eto Uzou Ra avọ Etuagba Ra”

Ọghẹnẹ ọ vuẹ Izikiẹl nọ o ru idhesẹvia nọ i dhesẹ eware nọ e te jọ Jerusalẹm via kẹle.

ẸKPẸTI UWUHRẸ AVỌ 7A

Erẹwho nọ E Wariẹ Jerusalẹm Họ

Juda avọ erẹwho nọ e wariẹ e riẹ họ a jẹ họre gaga.

ẸKPẸTI UWUHRẸ AVỌ 7B

Igogo Eme nọ E Rrọ Obe Izikiẹl

Oghẹrẹ eme jọ nọ e romavia unuẹse buobu evaọ obe eruẹaruẹ nana.

ẸKPẸTI UWUHRẸ AVỌ 8A

Eruẹaruẹ nọ I Kiekpahe Mesaya Na​—Ure Sida Ulogbo Na

Eme họ otofa oze nọ a kere fihọ obe Izikiẹl uzou avọ 17 na?

ẸKPẸTI UWUHRẸ AVỌ 8B

Eruẹaruẹ Esa nọ I Kiekpahe Mesaya Na

Izikiẹl ọ ruẹaro nọ osu nọ o ti su ahwo Ọghẹnẹ evaọ obaro na o ti wo udu nọ o re ro su wọhọ ọreuku Devidi ovie na.

ẸKPẸTI UWUHRẸ AVỌ 9A

Jihova O re Ru Eyaa Riẹ Gba​—Oke Anwae

Ọghẹnẹ ọ rọ ẹkwoma Izikiẹl ta kpahe eruẹaruẹ isoi nọ i dhesẹ nọ a ti siobọno ahwo Ju nọ a gbẹ rrọ igbo na, a ve ti zihe kpobọ ẹkwotọ rai.

ẸKPẸTI UWUHRẸ AVỌ 9B

Fikieme Ma rọ Ta nọ 1919?

Fikieme ma rọ ta nọ ukpe 1919 a ro si ahwo Ọghẹnẹ no igbo Babilọn Ologbo na?

ẸKPẸTI UWUHRẸ AVỌ 9C

Jihova O re Ru Eyaa Riẹ Gba​—Oke Mai Na

Oghẹrẹ vẹ eyaa Ọghẹnẹ i ro wo orugba ivẹ?

ẸKPẸTI UWUHRẸ AVỌ 9D

Eruẹaruẹ Kpahe Igbo gbe Ezihe Ze

Eruẹaruẹ ahwo Ju nọ a mu kpohọ igbo Babilọn anwae na i wo orugba ologbo evaọ okenọ ukoko Ileleikristi na o jọ igbo Babilọn Ologbo na.

ẸKPẸTI UWUHRẸ AVỌ 9E

“Oke Ẹruẹrẹhọ Eware Kpobi”

Pita ukọ na ọ ruẹaro kpahe etoke jọ nọ u ti muhọ no okenọ a rọ rehọ Jesu mu Ovie rite ekuhọ Esuo Odu-Ikpe na.

ẸKPẸTI UWUHRẸ AVỌ 10A

Egagọ Efuafo​—E Rọ Ẹmẹrera Zihe Ze

Eme ọ via nọ a sae rọ wariẹ mu iruo usi uwoma ota na họ evaọ oke mai na?

ẸKPẸTI UWUHRẸ AVỌ 10B

“Igbenwa nọ E Ya Fia” gbe “Isẹri Ivẹ”​—Ẹvẹ I ro Wobọ Kugbe Ohwohwo?

Oghẹrẹ vẹ eruẹaruẹ nana i ro rugba evaọ oke mai na?

ẸKPẸTI UWUHRẸ AVỌ 10C

Oware nọ U re Fiobọhọ Kẹ Omai Wariẹ Dikihẹ

Ẹsejọ ma rẹ sae rẹriẹ ovao dhe ebẹbẹ hayo edawọ ilogbo nọ e rẹ sai ru oma lọhọ omai, rekọ eruẹaruẹ kpahe igbenwa eyaya nọ e wariẹ ziọ uzuazọ na e rẹ sai fiobọhọ kẹ omai wariẹ kru oma ga.

ẸKPẸTI UWUHRẸ AVỌ 11A

Iroroke jọ nọ I Fi Emamọ Oriruo Hotọ

A rẹriẹ ovao dhe ikpokpoma, a talamu Jihova, yọ a je whowho ovuẹ unuovẹvẹ gbe emamọ usi.

ẸKPẸTI UWUHRẸ AVỌ 12A

Oghẹrẹ nọ A ro Ku Imire Ivẹ na Kugbe

Amono imire ivẹ nana i dikihẹ kẹ evaọ oke anwae gbe oke mai na?

ẸKPẸTI UWUHRẸ AVỌ 13A

Etẹmpol Ivẹ na, Eware nọ I Wuhrẹ Omai

Ẹvẹ etẹmpol nọ Izikiẹl ọ ruẹ na u ro wo ohẹriẹ no onọ Pọl ọ ta ẹme kpahe na?

ẸKPẸTI UWUHRẸ AVỌ 14A

Eware nọ Ma re Wuhrẹ no Eruẹaruẹ Etẹmpol Izikiẹl na Ze

Eware vẹ who wuhrẹ no eruẹaruẹ etẹmpol Izikiẹl na ze nọ whọ rẹ sai fihọ iruo evaọ egagọ ra?

ẸKPẸTI UWUHRẸ AVỌ 15A

Inievo-Emetẹ nọ E Rrọ Igberẹ

Oghẹrẹ nọ Jihova o dhesẹ Ohola avọ Oholiba na u dhesẹ epanọ o bi rri ahwo nọ a ta nọ a be gọe rekiyọ a be raha odẹ ọrẹri riẹ gbe itee nọ o fihọ kẹ egagọ efuafo.

ẸKPẸTI UWUHRẸ AVỌ 16A

Kọ Jerusalẹm O Dikihẹ Kẹ Kristẹndọm?

Fikieme ma ro nwene otoriẹ mai?

ẸKPẸTI UWUHRẸ AVỌ 16B

Fiunu je bi Dimẹ, Kpe Oka Họ, Fa Ahwo Kpe​—Oke vẹ gbe Oghẹrẹ vẹ?

Eruẹaruẹ nọ a kere fihọ obe Izikiẹl uzou avọ 9 na e rẹ sai fiobọhọ kẹ omai rẹriẹ ovao dhe ekuhọ uyero-akpọ nana avọ udu.

ẸKPẸTI UWUHRẸ AVỌ 18A

Jihova Ọ be Vẹvẹ Ahwo Unu Kpahe Ẹmo Ologbo nọ Ọ be Tha Na

Ebaibol ọ kẹ unuovẹvẹ kpahe ẹmo ologbo nọ Ọghẹnẹ ọ te rọ raha enọ e be wọso iẹe kpobi.

ẸKPẸTI UWUHRẸ AVỌ 19A

Ithẹ Eghale nọ I No Obọ Jihova Ze

Ahwo buobu nọ a kere Ebaibol na a rehọ ọkpọ oware ovona dhesẹ eghale Jihova.

ẸKPẸTI UWUHRẸ AVỌ 19B

Ame nọ O Bi Su Omomoto O Zihe Ruọ Ẹkẹre!

Eme oko-ame nọ o bi su no aruẹri Ọghẹnẹ ze na u dikihẹ kẹ?

ẸKPẸTI UWUHRẸ AVỌ 20A

Oghẹrẹ nọ A Ghale Otọ Na

Eruẹaruẹ Izikiẹl kpahe ẹghale otọ na o kẹ ahwo Ju nọ e jọ igbo evaọ obọ Babilọn uduotahawọ, jẹ be kẹ ahwo Ọghẹnẹ nẹnẹ uduotahawọ re.

ẸKPẸTI UWUHRẸ AVỌ 21A

“Ẹkẹ Otọ nọ Wha rẹ Nyaseba”

Abọ isoi vẹ ẹkẹ otọ nana nọ Ọghẹnẹ ọ salọ fihọ akotọ na o wo? Kọ eme abọ ọvuọvo ọ rrọ kẹ?

ẸKPẸTI UWUHRẸ AVỌ 22A

Odawọ Urere Na

Eme ọ be hẹrẹ ahwo nọ a fi odawọ urere na kparobọ?