Kpohọ eme nọ e riẹ eva

Kpohọ oria izoẹme

 ẸKPẸTI UWUHRẸ 2A

Oghẹrẹ nọ Ma re Wo Otoriẹ Eruẹaruẹ Izikiẹl

Oghẹrẹ nọ Ma re Wo Otoriẹ Eruẹaruẹ Izikiẹl

EME HỌ ERUẸARUẸ?

Ẹme Hibru na, na·vaʼʹ, nọ a fa “eruẹaruẹ” evaọ Ebaibol na u dhesẹ epanọ a re whowho ovuẹ, ẹdhoguo, uwuhrẹ, hayo ujaje nọ u no obọ Ọghẹnẹ ze. O sai je dhesẹ epanọ a re whowho oware nọ o te via evaọ obaro. Whọ rẹ jọ eruẹaruẹ Izikiẹl na ruẹ oghẹrẹ aruọruẹ itienana kpobi.​—Izik. 3:10, 11; 11:4-8; 14:6, 7; 37:9, 10; 38:1-4.

OGHẸRẸ SA-SA NỌ O RO WHOWHO OVUẸ RIẸ

  • ERUẸARUẸ

  • IRIRUO

  • IDHESẸVIA

Whọ rẹ jọ obe Izikiẹl ruẹ eruẹaruẹ, iriruo, etadhesẹ, gbe idhesẹvia ọrọ eruẹaruẹ nọ a dhesẹ kẹe.

ORUGBA RAI

Ẹsejọ eruẹaruẹ Izikiẹl i wo orugba vrẹ ẹsiẹvo. Wọhọ oriruo, eruẹaruẹ nọ e ta kpahe ezihe ze egagọ efuafo na u wo orugba ọsese evaọ okenọ ahwo Ọghẹnẹ a zihe ziọ Ẹkwotọ Eyaa na. Rekọ, wọhọ epanọ ma te jọ Uzou avọ 9 obe nana ta na, ibuobu eruẹaruẹ nọ e ta kpahe epanọ a ti ro zihe egagọ efuafo ze na i bi rugba nẹnẹ, yọ e te wariẹ rugba evaọ obaro.

Evaọ oke nọ u kpemu, ma je rri eware jọ nọ e rrọ eruẹaruẹ Izikiẹl na inọ i dikihẹ kẹ eware efa jọ. Rekọ evaọ obe nana, ma be ta nọ ohwo jọ, oware jọ, oria jọ, hayo oware nọ o via no evaọ eruẹaruẹ na u dikihẹ kẹ oware ofa jọ họ, ajokpanọ oware jọ o rrọ Ikereakere na nọ u dhesẹ ere vevẹ. * Ikpoye, ma te ta kpahe orugba ologbo orọ ibuobu eruẹaruẹ Izikiẹl na. Obe nana o te jẹ ta kpahe eware nọ ma sai wuhrẹ no ovuẹ Izikiẹl na ze, jegbe ahwo, eria, gbe eware nọ e via nọ ọ fodẹ na.

^ edhe-ẹme 12 Re whọ ruẹ oria nọ a jọ ta kpahe oware nọ ma gbẹ be rọ nwane ta nọ eware jọ nọ a fodẹ evaọ eruẹaruẹ i dikihẹ kẹ eware efa jọ họ, rri Uwou-Eroro, Asa 15, 2015, ẹwẹ. 9-11, edhe. 7-12; gbe “Enọ Ahwo nọ A s’Ebe,” ẹwẹ. 17-18 orọ Uwou-Eroro ovona.