Kpohọ eme nọ e riẹ eva

Kpohọ oria izoẹme

 ẸKPẸTI UWUHRẸ 21A

“Ẹkẹ Otọ nọ Wha rẹ Nyaseba”

“Ẹkẹ Otọ nọ Wha rẹ Nyaseba”

IZIKIẸL 48:8

Joma lele Izikiẹl nọ ọ be romatotọ rri ẹkẹ otọ nọ Jihova ọ salọ fihọ akotọ kẹ omariẹ na. Ẹkẹ otọ na u wo abọ isoi. Ẹvẹ a se abọ ọvuọvo? Kọ eme e rrọ kẹ?

A. ‘Otọ nọ A Nyaseba’

O rrọ kẹ iruẹru egọmeti, yọ a rẹ sai je sei “ẹkẹ otọ esuo.”

IZIK. 48:8

B. “Ẹkẹ Otọ na Soso”

A nyase ẹkẹ otọ nana ba kẹ izerẹ na, ahwo Livae na, gbe okpẹwho na. Ofariẹ, ahwo nọ a no erua ikpegbivẹ na kpobi ze a rẹ rueva ẹkẹ otọ nana nyae gọ Jihova je fiobọhọ kẹ enọ e be kpọ iruẹru ahwo na.

IZIK. 48:20

C. “Ẹkẹ Otọ Osu Na”

“Ẹkẹ otọ nana ọ te jọ oriẹ evaọ Izrẹl.” “O te jọ rọkẹ osu na.”

IZIK. 45:7, 8; 48:21, 22

D. “Ẹkẹ Otọ Ọrẹri”

Abọ obehru na o rrọ “rọkẹ ahwo Livae na.” “Oware ọrẹri o rrọ.” Udevie na yọ “ẹkẹ otọ ọrẹri rọkẹ izerẹ na.” Onana yọ “oria nọ iwou rai e te jọ gbe oria ọrẹri kẹ aruẹri na,” hayo etẹmpol na.

IZIK. 45:1-5; 48:9-14

E. “Oria nọ O Kiọkọ” Na

“Ahwo uwou Izrẹl kpobi a ti woi,” yọ “o te jọ rọkẹ okpẹwho na nọ a rẹ jọ ru eware sa-sa, nọ a rẹ bọ iwou fihọ, gbe otọ nọ erao e rẹ jọ re ẹbe.”

IZIK. 45:6; 48:15-19