Jesus datai ke dunya kena meri pengidup iya ngagai mensia ti enda sempurna. Taja pan iya mati, iya menang ngelaban dunya. Jehovah taluk ngagai Anak Iya lalu ngangkatka iya idup baru. Nyentukka ngagai pemati iya, Jesus enggau baruh ati mela orang bukai lalu ngampun sida lebuh sida ngereja penyalah. Pengudah iya diangkat idup baru, Jesus ngayanka diri ngagai bala murid iya. Iya ngajar sida chara ngereja pengawa ti pemadu beguna ke diberi iya ngagai sida. Enti nuan apai indai, tulung anak nuan meretika kitai bisi begian ba pengawa ti sama.