Ua Cas Peb Yuav Tsum Thov Vajtswv? Vajtswv Puas Teb Peb Tej Lus Thov?
Phau Vajlugkub qhia li no
Vajtswv yeej yuav teb peb tej lus thov. Tau muaj li no rau coob leej ntau tus thiab hauv phau Vajlugkub. Vajtswv Txojlus hais tias: ‘Vajtswv pub rau txhua tus uas hwm nws raws li tej uas lawv xav yuav, nws hnov lawv tej suab thov thiab cawm lawv dim.’ (Phau Ntawv Nkauj 145:19) Tiamsis qhov uas Vajtswv yuav teb thiab tsis teb yog nyob ntawm peb seb peb puas ua raws li nws lub siab nyiam.
Yam tseem ceeb rau Vajtswv
Peb yuav tsum thov Vajtswv, tsis yog thov Yexus, Malis, cov leej ntshiab, cov tubtxib saum ntuj lossis thov tej mlom. Tsuas yog Vajtswv Yehauvas tib leeg xwb thiaj “teb peb tej lus thov.”—Phau Ntawv Nkauj 65:2.
Vajtswv tsuas teb cov uas thov raws li Vajtswv lub siab nyiam lossis raws li phau Vajlugkub qhia xwb.—1 Yauhas 5:14.
Yuav tsum saib taus Yexus es tuav nws lub npe thov Vajtswv. Yexus hais tias: “Tsis muaj leejtwg mus cuag tau Leej Txiv, tsuas yog mus ntawm kuv mus xwb thiaj tau.”—Yauhas 14:6.
Ntseeg tias Vajtswv yuav teb peb tej lus thov, yog peb xav muaj kev ntseeg ntxiv peb yuav tsum thov Vajtswv tsav ntxiv rau peb.—Mathais 21:22; Lukas 17:5.
Txo hwjchim thiab thov hauv lub siab dawb paug tuaj. Phau Vajlugkub hais tias: ‘Txawm yog [Yehauvas, New World Translation] nyob saum qhov chaw uas siab tshaj plaws los nws hlub txog cov uas nyob qis hauv ntiajteb.’—Phau Ntawv Nkauj 138:6.
Thov Vajtswv tsis tseg. Yexus hais tias: “Nej thov, nej thiaj yuav tau.”—Lukas 11:9.
Tej uas Vajtswv suav tias tsis tseem ceeb
Haivneeg twg xeem twg los “Vajtswv tsis xaiv leejtwg ntsejmuag. Txawm yog haivneeg twg los xij, Vajtswv lees yuav txhua tus uas hwm Vajtswv thiab ua haum Vajtswv siab.”—Tes Haujlwm 10:34, 35.
Yuav nyob li cas thov Vajtswv los tau. Peb yuav zaum, hnyo hau, txhos caug lossis sawv ntsug thov Vajtswv los tau.—1 Xwmtxheej Vajntxwv 17:16; Nehemis 8:6; Daniyees 6:10; Malakaus 11:25.
Yuav thov nrov nrov thiab hauv nruab siab los Vajtswv yeej teb peb tej lus thov.—Nehemis 2:1-6.
Txawm peb tej kev txhawj xeeb yuav loj thiab me los, Vajtswv xav kom peb ‘cia li muab peb tej kev nyuaj siab huv tibsi tso plhuav rau nws.’—1 Petus 5:7.
Tej Yam No Yuav Pab Tau Koj Thiab
LUS NUG THIAB LUS TEB TXOG PHAU VAJLUGKUB
Yog Kuv Thov Vajtswv Nws Puas Yuav Pab Kuv Tiag?
Vajtswv puas mob siab txog peb tej kev txom nyem?
ESSENTIAL BIBLE TEACHINGS
Vajtswv Puas Hnov Txhua Tus Tej Lus Thov?
Yog peb thov tej yam uas peb lub siab nyiam xwb, lossis yog ib tug txivneej ua phem heev rau nws tus pojniam es hnub tom qab ho thov kom nws tau koob hmoov, Vajtswv puas yuav mloog?
PHAU TSOM FAJ
Vajtswv Nqua Hu Kom Peb Thov Nws
Kev thov Vajtswv qheb kev rau peb txais tej koob hmoov uas los ntawm Vajtswv los xwb.
PHAU TSOM FAJ
Nej Yuav Thov Vajtswv Li Cas?
Txawm peb yuav nyob rau rooj teb twg, qhov chaw twg los xij, txawm peb yuav thov ntsiag to lossis nrov nrov Vajtswv yeej hnov. Yexus qhia seb peb yuav tau thov li cas.
