Leej twg koom tau?

Txhua tus tuaj koom tau. Hais qhia rau koj tsev neeg thiab cov koj paub kom tuaj koom.

Kev sib txoos no ntev npaum li cas?

Tsuas ntev li ib txoos teev xwb.

Yuav ua rau qhov twg?

Nrog Yehauvas Cov Tim Khawv ib tug tham seb yuav ua rau qhov twg.

Yog kuv tuaj koom, kuv puas tau them nyiaj los sis yuav tau cog lus dab tsi?

Tsis them nyiaj thiab tsis muaj kev cog lus dab tsi.

Puas sau nyiaj?

Tsis sau. Yehauvas Cov Tim Khawv yeej ib txwm tsis sau nyiaj thaum peb tuaj sib txoos ua ke.—Mathais 10:8.

Yuav hnav tsoos tsho li cas tuaj koom?

Peb yeej tsis qhia tias yuav hnav li cas rau li cas, tiam sis Yehauvas Cov Tim Khawv hnav tej tsoos tsho kom raug ntsej raug muag, thiaj saib taus hmo tshwj xeeb no.

Hmo ua kev cai nco txog Yexus yuav zoo li cas?

Thaum pib, sawv daws yuav hu ib zaj nkauj ces ib tug ntseeg ntawm Yehauvas Cov Tim Khawv yuav los thov Vajtswv. Tom qab ntawd, yuav muaj ib zaj lus qhuab qhia txog Yexus txoj kev tuag thiab tej uas Vajtswv thiab Yexus nkawd tau ua, ho pab tau peb li cas. Thaum xaus, sawv daws yuav hu ib zaj nkauj ntxiv, thiab ib tug ntseeg ntawm Yehauvas Cov Tim Khawv yuav los thov Vajtswv.

Yog xav paub ntxiv, mus saib zaj hu ua “Vim Li Cas Yehauvas Cov Tim Khawv Ua Tus Tswv Pluas Hmo Txawv Ntawm Lwm Cov Kev Ntseeg?”

Tom ntej no, yuav ua kev cai nco txog Yexus thaum twg?

2027: Hnub 1 (Monday), lub 3 Hlis tim 22

2028: Hnub 7 (Sunday), lub 4 Hlis tim 9

2029: Hnub 4 (Thursday), lub 3 Hlis tim 29