Ib txhia xav tias Vajtswv tsis paub tsis pom thiab tsis mob siab peb.

• Vajtswv yeej paub yeej pom thiab nws yeej mob siab peb heev

  “[Yehauvas] pom tias neeg tej kev phem loj kawg rau hauv lub ntiajteb . . . , thiab nws tu siab heev.”​—Chiv Keeb 6:5, 6.

• Vajtswv yuav tshem tawm txhua txojkev txom nyem

  “Tshuav tsis ntev cov neeg limhiam yuav tsis muaj nyob lawm, txawm yog nrhiav ntawm lawv lub chaw nyob zoo zoo los tsis pom lawv nyob qhov ntawd lawm. Tiamsis cov uas txo hwjchim yuav tau lub tebchaws ua lawv teej lawv tug, thiab lawv yuav zoo siab xyiv fab rau qhov uas lawv vam meej nplua mias.”​—Ntawv Nkauj 37:10, 11.

• Vajtswv xav kom koj tau lub neej zoo

  “[Yehauvas] hais tias, ‘Kuv paub tej uas kuv npaj tseg rau nej, yog tej uas yuav ua rau nej tau zoo tsis yog ua rau nej tau qhov phem, yuav pub kom nej muaj lub neej tom hauv ntej thiab muaj siab vam. Thaum ntawd nej yuav thov hu kuv thiab los taij kuv mas kuv yuav mloog nej.’”​—Yelemi 29:11, 12.

  “Cia li txav los ze Vajtswv mas nws yuav los ze nej.”​—Yakaunpau 4:8.