ZAJ KAWM 28
Ris Yehauvas Thiab Yexus Txiaj Ntsig Rau Qhov Uas Nkawd Tau Ua Rau Koj
Thaum koj ib tug phooj ywg muab ib qho khoom muaj nqis heev pub rau koj, koj yeej zoo siab kawg li thiab koj yeej xav kom nws paub tias koj ris nws txiaj ntsig. Vajtswv Yehauvas thiab Yexus nkawd tau muab ib yam uas zoo tshaj plaws pub rau peb. Yam ntawd yog dab tsi thiab peb yuav ris nkawd txiaj ntsig li cas?
1. Peb yuav ris Vajtswv thiab Khetos txiaj ntsig li cas rau qhov uas nkawd tau ua rau peb?
Phau Vajlugkub hais tias ‘tus uas ntseeg Yexus’ tus ntawd yuav tau txoj sia ib txhis tsis kawg. (Yauhas 3:16) Peb ua tau li ntawd li cas? Yog peb lub ncauj hais tias peb ntseeg xwb zoo tsis txaus. Tej uas peb ua thiab tej uas peb hais yuav tsum qhia tias peb muaj kev ntseeg. (Yakaunpaus 2:17) Yog peb ua li no ces yuav pab tau peb txoj kev sib raug zoo nrog Yexus thiab nws Leej Txiv Yehauvas ruaj khov.—Nyeem Yauhas 14:21.
2. Txoj kev sib txoos tshwj xeeb twg pab peb qhia tias peb ris Yehauvas thiab Yexus txiaj ntsig rau qhov uas nkawd tau ua?
Hmo ua ntej Yexus tuag, nws hais kom nws cov thwj tim ua ib txoj kev sib txoos tshwj xeeb nco txog nws txoj kev tuag. Phau Vajlugkub muab txoj kev sib txoos ntawd hu ua tus Tswv Pluas Hmo los sis ua kev cai nco txog Yexus txoj kev tuag. (1 Kauleethaus 11:20) Yexus hais kom nws cov tub txib thiab txhua tus uas ntseeg nws ua li no kom thiaj nco ntsoov tias nws tau muab nws txoj sia los tuag this peb. Nws tau sam hwm tias, “Nej ua li no, nej thiaj yuav nco ntsoov kuv.” (Lukas 22:19) Thaum koj mus koom hmo ua kev cai nco txog Yexus txoj kev tuag ces twb yog koj qhia rau Vajtswv Yehauvas thiab Yexus nkawd tias koj nco nkawd txiaj ntsim rau txoj kev hlub uas nkawd muab rau koj.
KAWM NTXIV
Kawm seb puas muaj lwm yam ntxiv uas koj ua tau los qhia tias koj ris Vajtswv Yehauvas thiab Yexus nkawd txiaj ntsig rau nkawd txoj kev hlub uas loj kawg nkaus. Thiab kawm seb vim li cas hmo ua kev cai nco txog Khetos txoj kev tuag ho tseem ceeb ua luaj.
3. Peb yuav tau ua li cas thiaj qhia tias peb ris luag txiaj ntsig?
Yog koj poob deg es muaj ib tug cawm tau koj, koj puas yuav cia li kav liam tsis nco nws txiaj ntsim li, los sis koj yuav nrhiav ib txoj kev los qhia rau nws tias koj ris nws txiaj ntsig?
Vim Yehauvas hlub peb, nws thiaj qhib kev rau peb tau txoj sia nyob mus ib txhis. Nyeem 1 Yauhas 4: 8-10 thiab tham txog ob lo lus no:
-
Vim li cas Yexus tus nqi txhiv thiaj muaj nqi heev?
-
Koj xav li cas txog qhov uas Yehauvas thiab Yexus nkawd tau ua rau koj?
Peb ua tau li cas los qhia tias peb ris Yehauvas thiab Yexus txiaj ntsig rau qhov uas nkawd tau ua rau peb? Nyeem 2 Kauleethaus 5:15 thiab 1 Yauhas 4:11; 5:3. Thaum nyeem ib nqes Vajlugkub tas ces tham txog lo lus no:
-
Raws li nqe Vajlugkub no, peb ua tau li cas los qhia tias peb ris Yehauvas thiab Yexus nkawd txiaj ntsig?
4. Xyaum Yexus
Ib qho ntxiv uas peb ua tau los qhia tias peb ris txiaj ntsig ces yog peb xyaum Yexus. Nyeem 1 Petus 2:21, thiab tham txog lo lus no:
-
Koj xyaum tau Yexus rau txoj ke twg?
Yexus nyiam Vajtswv Txoj Lus, nws mus tshaj tawm txoj xov zoo, thiab pab lwm leej lwm tus
5. Ua kev cai nco txog Khetos txoj kev tuag
Yog koj xav paub seb thawj zaug ua tus Tswv Pluas Hmo zoo li cas, nyeem Lukas 22:14, 19, 20. Ces tham txog ob lo lus no:
-
Tau muaj li cas thaum ua tus Tswv Pluas Hmo?
-
Lub mov ci thiab khob cawv txiv hmab piv txog dab tsi?—Saib nqe 19 thiab 20.
Yexus xav kom nws cov thwj tim ua tus Tswv Pluas Hmo ib xyoos ib zaug rau hnub uas nws tuag. Vim li ntawd, Yehauvas Cov Tim Khawv thiaj sib txoos ua kev cai nco txog Yexus txoj kev tuag ib xyoos ib zaug li Yexus tau sam hwm. Yog koj xav paub ntxiv txog txoj kev sib txoos ntawd, saib zaj YEEB YAJ KIAB. Ces tham txog lo lus no:
-
Muaj li cas xwb thaum ua kev cai nco txog Yexus?
Lub mov ci thiab khob cawv txiv hmab yog ua piv txwv xwb. Lub mov ci piv txog Yexus lub cev uas tsis muaj kev txhaum uas nws muab los txhiv peb. Khob cawv txiv hmab piv txog Yexus cov ntshav
IB TXHIA HAIS TIAS: “Yog koj ntseeg Yexus ces koj yeej yuav dim xwb.”
-
Koj yuav siv Yauhas 3:16 thiab Yakaunpaus 2:17 los qhia li cas tias nws yuav tau ua ntau tshaj ntawd?
KOJ KAWM TAU DAB TSI
Peb qhia tias peb ris Yexus txiaj ntsig yog peb muaj kev ntseeg rau nws thiab mus koom ua kev cai nco txog nws txoj kev tuag.
Rov Tham Dua
-
Qhov uas ntseeg Yexus yog li cas tiag?
-
Koj yuav ua dab tsi los qhia tias koj ris Yehauvas thiab Yexus txiaj ntsig rau qhov uas nkawd tau ua rau koj?
-
Vim li cas ho tseem ceeb heev rau koj mus koom ua kev cai nco txog Khetos txoj kev tuag?
TSHAWB NTXIV
Khetos txoj kev tuag txhawb tau peb ua dab tsi?
Kawm ntxiv txog kev ntseeg thiab koj yuav qhia li cas tias koj muaj kev ntseeg.
“Muaj Kev Ntseeg Rau Yehauvas Tej Lus Cog Tseg” (Phau Tsom Faj lub 10 Hli xyoo 2016)
Hauv zaj “Kuv Kaj Siab Thiab Qab Siab Ua Neej Lawm,” nyeem seb thaum ib tug poj niam paub tias Khetos tus nqi txhiv muaj nqis npaum li cas rau nws pab tau nws li cas.
“Vajlugkub Kho Tau Lub Neej” (Phau Tsom Faj lub 8 Hli tim 1 xyoo 2011)
Nyeem seb vim li cas tsuas muaj qho tus thiaj noj lub mov ci thiab haus khob cawv txiv hmab xwb thaum ua kev cai nco txog Yexus.
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
