JW LIBRARY
Pag-download kag Paggamit sang Biblia—sa iOS
Ang pagbasa kag pagtuon sa Biblia amo ang panguna nga feature sang JW Library.
Sunda ang masunod nga mga instruksion para ma-download mo kag magamit ang mga Biblia:
Pag-download sang Biblia
Puede mo ma-download ang mga translation sang Biblia para magamit mo ini bisan offline.
I-tap ang Bible para makita ang mga libro sang Biblia.
I-tap ang Languages button para maggua ang sarisari nga bersion kag lenguahe sang Biblia. Ang bersion sang Biblia nga pirme mo ginagamit makita sa pinakaibabaw. Puede mo man ma-type ang lenguahe ukon bersion sang Biblia nga ginapangita mo. Halimbawa, i-type ang “int” kon ginapangita mo ang Kingdom Interlinear sa Ingles, ukon “port” kon ginapangita mo ang tanan nga Biblia sa Portuguese.
Ang mga Biblia nga wala mo pa ma-download may cloud nga icon. I-tap ang Biblia para ma-download ini. Kon ma-download mo na ang Biblia, madula na ang cloud nga icon. I-tap liwat ang Biblia para mabasa mo ini.
Kon indi mo makita ang translation sang Biblia nga gusto mo, mahimo wala pa ini. Ang iban nga translation sang Biblia idugang sa ulihi.
Pag-delete sang Biblia
Mahimo mo ma-delete ang translation sang Biblia nga indi mo na kinahanglan ukon para mabakante ang storage space.
I-tap ang Bible, dayon i-tap ang Languages button para makita ang mga Biblia. I-swipe ang Biblia nga gusto mo i-delete, dayon i-tap ang Delete.
Pag-update sang Biblia
Kon kaisa, may update ang Biblia nga gin-download mo.
Kon na-update na ang Biblia, may ara ini refresh icon. Kon i-tap mo ang Biblia, mabasa mo ang mensahe nga may update ini. I-tap ang Download para ma-update, ukon i-tap ang Later kon gusto mo anay gamiton ang bersion nga na-download mo na.
Ini nga mga feature gin-release sang Pebrero 2015 nga JW Library 1.4, nga puede sa iOS 6.0 ukon mas bag-o. Kon indi mo makita ini nga mga feature, palihug sunda ang mga instruksion sa artikulo nga “Kon Paano Gamiton ang JW Library—sa iOS,” kag basaha ang Pinakabag-o nga mga Feature.
