Accessibility setting

Magpili sing lenguahe

Magdiretso sa segundaryo nga menu

Magdiretso sa kaundan

Mga Saksi ni Jehova

Hiligaynon

JW LIBRARY

Pag-download kag Paggamit sang mga Publikasyon—sa Android

Pag-download kag Paggamit sang mga Publikasyon—sa Android

Madamo nga libro, brosyur, tract, kag video ang mabasa mo kag matan-aw offline sa JW Library.

Sunda ang masunod nga mga instruksion para ma-download mo kag magamit ang mga publikasyon:

 Pag-download sang Publikasyon

Ma-download mo ang mga publikasyon nga gusto mo basahon kag tun-an bisan offline.

  • Buksi ang navigation drawer, kag i-tap ang Publications para makita ang mga publikasyon.

  • I-tap ang Languages button para maggua ang tanan nga lenguahe sang publikasyon. I-tap ang lenguahe nga gusto mo basahon. Ang mga lenguahe nga pirme mo ginagamit makita sa pinakaibabaw. Puede mo man ma-type ang lenguahe nga ginapangita mo.

Lainlain ang paagi sa pagpangita sing mga publikasyon sa JW Library.

Makita sa By Type section sa lenguahe nga ginabuksan mo ang mga publikasyon nga gingrupo, pareho sang mga libro, tract, ukon mga video. Kon i-tap mo ang isa sini, may dugang pa gid nga opsyon nga mapilian mo, pareho sang gusto mo nga tuig sang Watchtower ukon kategoriya sang mga video. I-tap ang All Types para magbalik sa umpisa.

Makita sa What’s New section ang mga publikasyon nga bag-o lang ginpagua sa lenguahe nga ginabuksan mo.

I-tap ang publikasyon para ma-download ini sa imo device.

Ang mga publikasyon nga wala mo pa ma-download may cloud nga icon. I-tap ang publikasyon para ma-download ini. Kon na-download mo na ang publikasyon, madula na ang cloud nga icon. I-tap liwat ang publikasyon para mabasa ini.

Makita sa Downloaded section ang tanan nga publikasyon sa mga lenguahe nga gin-download mo. Puede ini magrupo sa Frequently Used, Rarely Used, ukon Largest Size.

 Pag-delete sang Publikasyon

Puede mo ma-delete ang publikasyon nga indi mo na kinahanglan ukon para mabakante ang storage space.

Buksi ang navigation drawer kag i-tap ang Publications, dayon i-type ang grupo sang publikasyon (halimbawa, Books) para makita ang mga publikasyon. Sa publikasyon nga gusto mo i-delete, i-tap ang More button; dayon i-tap ang Delete.

Para mabakante ang storage space, puede mo ma-delete ang mga publikasyon nga talagsa mo lang ginagamit ukon ang dalagku nga file. Buksi ang navigation drawer kag i-tap ang Publications. Kadtui ang Downloaded section; dayon magpili ka sa Rarely Used ukon Largest Size. I-delete ang mga publikasyon nga indi mo na kinahanglan.

 Pag-update sang Publikasyon

Kon kaisa, may update ang publikasyon nga imo gin-download.

Ang publikasyon nga na-update na may refresh icon. Kon i-tap mo ang publikasyon, mabasa mo ang mensahe nga may update ini. I-tap ang Download para ma-update, ukon i-tap ang Later kon gusto mo anay gamiton ang bersion nga na-download mo na.

Para makita kon may update ang mga publikasyon nga na-download mo, buksi ang navigation drawer; dayon i-tap ang Publications, kag kadtui ang Downloaded section. Kon may update, makita mo ang Pending Updates button. I-tap para makita mo ang tanan nga inug-update. I-tap ang publikasyon para ma-update ini, ukon i-tap ang Update All button para ma-download ang tanan nga update.

Ini nga mga feature gin-release sang Pebrero 2015 sa JW Library 1.4, nga puede sa Android 2.3 ukon ang pinakaulihi. Kon indi mo makita ini nga mga feature, palihug sunda ang mga instruksion sa artikulo nga “Kon Paano Gamiton ang JW Library—sa Android,” kag basaha ang Pinakabag-o nga mga Feature.