Magdiretso sa kaundan

Magdiretso sa listahan sang kaundan

3. Balatian

3. Balatian

 3. Balatian

“Ang mga tawo . . . magaantos sang makamamatay nga mga balatian.”—LUCAS 21:11, Contemporary English Version.

● Si Bonzali isa ka health officer sa isa ka pungsod sa Aprika nga may inaway. Gintinguhaan niya nga bulngon ang mga minero sa ila lugar nga nagbalatian sing Marburg Hemorrhagic Fever. * Nangayo sia sing bulig sa mga opisyal sang siudad, pero napaslawan lang sia. Pagligad sang apat ka bulan, nag-abot gid man ang bulig pero patay na si Bonzali. Nalatnan sia sang mga minero nga gintinguhaan niya nga buligan.

ANO ANG GINAPAKITA SANG MGA REPORT? Ang mga impeksion sa baga (subong sang pulmonya), lupot, HIV/AIDS, tuberkulosis, kag malaria pila lamang sa pinakamakamamatay nga mga balatian. Sining karon lang, ginpatay sini nga mga balatian ang mga 10.7 milyones ka tawo. Buot silingon, mga isa ka tawo kada tatlo ka segundo ang nagakapatay sa isa ka tuig.

ANO ANG PILA KA PAGPATI? Ang populasyon sang kalibutan padayon nga nagadamo, gani nagadamo man ang balatian. Kag mas madamo nga tawo ang nagakalatnan.

HUSTO BALA INA NGA PAGPATI? Madasig nga nagdamo ang populasyon sang kalibutan. Nag-uswag man ang ikasarang sang tawo nga maeksamin, makontrol, kag mabulong ang balatian. Kon amo, dapat lang nga matapna na ang mga balatian. Pero kabaliskaran ang nagakatabo.

ANO SA BANTA MO? Nagaantos gid man bala ang mga tawo sa makamamatay nga mga balatian suno sa gintagna sang Biblia?

Ang mga linog, tiggulutom, kag balatian nagahalit sa minilyon ka tawo. Minilyon man ang ginapaantos sang ila isigkatawo, kag madamo sa ila ang nangin biktima sang mga tawo nga dapat kuntani magproteksion sa ila. Talupangda kon ano ang gintagna sang Biblia.

[Nota]

^ par. 3 Ang Marburg isa ka virus nga pareho sa Ebola.

[Blurb sa pahina 6]

“Makahaladlok kon gus-abon ka sang leon ukon sang iban nga sapat, pero makahaladlok man kon tapikan ka sang makamamatay nga balatian kag makita nga nagakatabo ini sa imo palibot.”—MICHAEL OSTERHOLM, ISA KA EPIDEMIOLOGIST.

[Picture Credit Line sa pahina 6]

© William Daniels/Panos Pictures