‘Nagapakita Kamo sing Gugma sa Tanan’

INING mga pulong sang pagdayaw ginsulat sa sanga talatapan sang mga Saksi ni Jehova sa Yugoslavia, isa ka pungsod diin ang mga tawo nga may nanuhaytuhay etniko nga mga ginhalinan siniglo na nga nagailinaway. Ang sulat nagasiling:

“Mahal nga mga Ginuo,

Madamo na gid ako sing nabatian tuhoy sa inyo nga mga Saksi ni Jehova sa akon tumandok nga banwa, sa Sarajevo, apang indi gid ako interesado sa inyo ginapatihan tubtob sang nagligad nga tingadlaw sang may kahigayunan ako nga makatambong sa inyo kombension sa Alemanya. Nagdayaw gid ako nga makita ang mga tawo gikan sa Croatia, Yugoslavia, kag Bosnia nga mahidaiton nga nagalingkod sing tingob kag nagatawganay pa gani nga ‘brother’ kag ‘sister.’ Wala pa gid ako nakakita sing kaangay sina! Ang inyo gugma sa isa kag isa nagahatag sing mabaskog nga pamatuod nga indi kamo mabahinbahin sang politika. Kabay ang Dios magapakamaayo sa inyo tungod sang gugma nga ginapakita ninyo sa tanan!”

Ang mga report kaangay sini gikan sa mga duog diin ang mga tawo nagahupot sing madugay na nga dumot nagpautwas sing pamangkot, Magaluntad pa ayhan ang isa ka kalibutan nga wala sing inaway? Ini ang tig-ulo sang isa ka 32 pahina nga brosyur nga nagahatag sing malig-on nga pamatuod nga ina nga kalibutan sarang matigayon. Apang paano? Kag san-o?

Matigayon mo ining brosyur paagi sa pagsulat kag pagpadala sang kaupod nga kupon sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing isa ka kopya sang brosyur nga Will There Ever Be a World Without War?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.