SEKSION UNO
“Ang Langit Nagbukas”
POKUS: Makadali nga pagtan-aw sa ginapuy-an ni Jehova sa langit
Wala sing tawo nga makakita sa labing gamhanan nga Dios nga si Jehova, kag mabuhi. (Ex. 33:20) Pero ginhatagan ni Jehova si Ezequiel sang mga palanan-awon parte sa langitnon nga bahin sang Iya organisasyon. Ini nga mga palanan-awon wala lang nagapahayanghag sa aton kundi nagapadalom man ini sang aton apresasyon sa pribilehiyo nga masimba ang lamang matuod nga Dios.
SA SINI NGA SEKSION
KAPITULO 3
“Nakakita Ako sing mga Palanan-awon Halin sa Dios”
Nahalawhaw gid si Ezequiel sa iya una nga palanan-awon. Ang iya nakita madamo gid sing kahulugan para sa matutom nga mga alagad sang Dios subong.
KAPITULO 4
Sin-o ang “Apat sing Nawong nga Buhi nga mga Tinuga”?
Ginpakita ni Jehova kay Ezequiel ang mga larawan para buligan kita nga mahangpan ang indi makita nga mga kamatuoran.
