Gitantlem Git 8:1-14

  • Tornattem cheddum (1-4)

    • ‘Tum mhojea bhava sarko aslo zalear kitlem borem zaupachem!’ (1)

  • Tornattea cheddvache bhav (5a)

    • ‘Aplea mogiachea khandar tokli dovrun ieta tem konn?’

  • Tornattem cheddum (5b-7)

    • “Mogak mornna itli xokti asta” (6)

  • Tornattea cheddvache bhav (8, 9)

    • “Tem ek vonott zalear, . . . Punn tem ek dar zalear, . . .” (9)

  • Tornattem cheddum (10-12)

    • “Hanv ek vonott” (10)

  • Gonvlli (13)

    • ‘Mhaka tuzo avaz aikom-di’

  • Tornattem cheddum (14)

    • ‘Chitolla bhaxen dhanvot ieo’

8  “Tum mhojeach bhava sarko aslo zalear, mhojeach avoichem dudh pielʼlo zalearKitlem borem zaupachem! Tednam tum mhaka bhair mellʼllolo zalear hanv tuka umo diupachem,Ani konnuch mhozo opman korcho naslo.  2  Hanv tuka vatt dakhoitolem aslem,Mhaka xikoilam tea avoichea ghorantHanv tuka haddttolem aslem, Hanv tuka mosaleancho drakxancho soro ditolem aslem,Dallimacho tazo ros ditolem aslem.  3  Tacho davo hat mhojea tokle ponda astolo aslo,Ani tacho uzvo hat mhaka vengent dhortolo aslo.  4  Jeruzalemachea dhuvamno, hanv tumkam soput ghaltam, Mhojea kallzant anvddo ieum poriant, mhaka mog korunk vo to mhojea bhitor zagouncho proitn korinakat.”  5  “Aplea mogiachea khandar tokli dovrunRanvott vattarantlean ieta tem konn?” “Apolachea zhaddam ponda hanvem tuka nhidentlo zago kelʼlo Teach zagear tujea avoik ballontiniche vollvolle suru zalʼle. Thoim tinnem tuka zolm dilʼlo.  6  Ek xikʼko koso mhaka tujea kallzar mar,Ek xikʼko zalʼlea bhaxen mhaka tujea hatar mar,Karonn mogak mornna itli xokti asta,Ani khorem visvaxiponn, Fondda* bhaxen konnancheach mukhar bagona. Tache agtte bhogbhogtolea ujeache agtte, to Jah-cho* agtto.  7  Udkacho hunvar* mogak palounk xokona,Toxench nhoim-encho lott to vhanvoun vhoronk xokona. Eka munxan mogachea bodlek apli sogli girestkai dili zalear pasun,Tea girestkaiek* kainch valor naslolea bhaxen lekhtole.”  8  “Amkam ek dhaktti bhoinn asa,Ani tika horddim* nant. Konnui ticho hat magonk ieta tea disaAmi amchea bhonni pasot kitem kortole?”  9  “Tem ek vonott zalear,Ami tacher chandicho gopur bandtole,Punn tem ek dar zalearAmi cedar* zhaddachea follean taka bond kortole.” 10  “Hanv ek vonott zaun asam,Ani mhojim horddim* gopuram bhaxen asat. Taka lagon hanv xant kallzachem mhunnMhozo mogi pollounk xokta. 11  Bal-hamonant Solomonacho drakxancho mollo aslo. Tannem to mollo samball korpeanchea tabeant dilʼlo. Molleacho samball korpi dor eklo drakxanchea molleantlea follam pasot chandiche hozar kuddke taka farik kortalo. 12  Solomona, te chandiche hozar kuddke* tujech asat, Ani donxim kuddke molleachi samball korpeanche asat,Mhaka zalear mhozo svotacho drakxancho mollo asa.” 13  “Bagent ravpi cheddva,Mhoje sangati tuzo avaz aikonk sodhtat. Mhaka pasun tuzo avaz aikonk zai.” 14  “Mhojea moga, begin ieo,Pormollit zhaddanchea porvotam voilean,Chitolla* bhaxen,Vo horonnachea* pora bhaxen dhanvot ieo.”

Footnotes

^ “Jah” hem Jehova hea nanvachem shortt form zaun asa.
^ Vo “lott.”
^ Vo ghoddie, “Tea munxak.”
^ Inglez bhaxent “breasts.”
^ Vo “devdar.” Eke torechem vhoddlem zhadd.
^ Inglez bhaxent “breasts.”
^ Utran utor, “te hozar.”
^ Horonnachi ek zat. Inglez bhaxent “gazelle.”
^ Vo “mervachea.”

Copyrights for this publication