Gitantlem Git 5:1-16
5 “Mhoje bhoinni, mhoje vhokle,Hanv bagent bhitor sorlam.
Hanvem mhozo gondhros* ani pormoll ditat tim zhaddam* ghetleant.
Hanvem mhoji mhonvachi polli ani mhonv khailam,Hanv mhozo drakxancho soro ani dudh pielam.”
“Mhojea mogachea ixttamno khaiat ani pieiat!
Eka-mekachea mogan* buddon vochat!”
2 “Hanv nhidlam, punn mhojem kalliz zagem asa.
Mhozo mogi darar marta tem aikonk ieta!
‘Mhoje bhoinni, mhojea mogachea,Mhojea parvea, mhojea khot naslolea moga, mhojea pasot dar ugodd!
Karonn mhoji tokli dovan voli zalea,Mhoje kens ratchea vellar poddttat tea udkachea thembeamnim bhizleat.’
3 Hanvem mhoje kopdde bodolʼle.
Atam hanv te porot ghalum?
Hanvem mhoje paim dhuile.
Atam hanv te porot mhelle korum?
4 Mhojea darachea burakantlo mhojea mogan aplo hat kaddlo,Ani mhojem kalliz taka pollounk axelem.
5 Hanv mhojea moga pasot dar ugddunk utthlem,Mhoje hat gondhrosan vole zalʼle,Ani mhojea bottam voilean gondhrosachem tel,Darachea khilliecher vhanvlem.
6 Hanvem mhojea moga pasot dar ugoddlem,Punn to thoim naslo, to gelʼlo.
To gelo tem polloun mhaka khub dukh bhoglem.*
Hanvem taka khub sodhlo, punn to mhaka mellonk na.
Hanvem taka ulo marlo, punn tannem zap diunk na.
7 Xaracher pahro korpi rakhonndarank hanv mellʼllem.
Tannim mhaka marlem, mhaka ghave ghatle.
Xarachea durgancher pahro korpi tea rakhonndaramnim mhojem shawl* kaddun ghetlem.
8 Jeruzalemachea dhuvamno, hanv tumkam soput ghaltam,
Mhozo mogi tumkam khoinsorui mellʼllo zalear,Mhaka mogachem duens laglam mhunn taka sangat.”
9 “Cheddvam modem sogleant sobit cheddva,Tuzo mogi her mogiam poros koso vorto asa?
Tunvem amkam oso soput ghalunk,Tuzo mogi her mogiam poros koso vorto asa?”
10 “Mhozo mogi rupest* ani ghott-mutt* asa,Dha hozaram modem pasun to ekdom vegllo dista.
11 Tachem mathem bhangrachem, sogleam-von borea bhangrachem.
Tache kongre kens varean dholtolea khazurachea chuddttam* bhaxen distat,Tachea kensacho rong kavllea bhaxen kallo asa.
12 Tache dolle nodichea deger boslolea parvea sarke,Je dudhan nhanvtat,Ani bhorpur udok aslolea tolleachea* deger bosleat.
13 Tache pole bagent roilʼlea pormollit zhaddam sarke asat,Pormollit zhadd-paleachea raxi sarke asat.
Tache vontt sadea fula* sarke asat, zanchea voilean gondhrosachem tel golltta.
14 Tachea hatachim bottam bhangracheo nollio jeo krisolaitt hirean* nettoileat.
Tachem pott chokchoktolea hotʼtinchea dantam bhaxen asa, jem safair* fatramnim nettoilam.
15 Tache paim marble-ache khambe, je xudʼdh bhangrachea sttenddancher bosoileat.
Tachem rup Lebanona sarkem, ani to cedar* zhadda bhaxen lamb.
16 Tachem tondd ekdom godd,Tachi akʼkhi chal mhaka tache-xim voddun vhorta.
Jeruzalemachea dhuvamno, ho mhozo mogi, mhojea mogacho.”
Footnotes
^ Pormollit dikh. Xobdhkox polloi.
^ Vo “ani mosalo.”
^ Vo “Eka-mekak mog dakhoun.”
^ Vo ghoddie, “To uloilo tednam mhozo jiv savrona zalo.”
^ Vo “mhoji veil.”
^ Utran utor, “porzollit.”
^ Utran utor, “tambso.”
^ Vo ghoddie, “ghonsam.”
^ Vo ghoddie, “zhorichea.”
^ Vo “lily.”
^ Holldduvo vo ghoddie hirvo fator. Inglez bhaxent “chrysolite.”
^ Bible-ant sanglole safair fator ghoddie nillea mannkank suchit kortat.
^ Vo “devdar.” Eke torechem vhoddlem zhadd.

