Gitantlem Git 2:1-17

  • Tornattem cheddum (1)

    • ‘Hanv ek ranantlem ful’

  • Gonvlli (2)

    • ‘Mhojem opurbaiechem eka fula bhaxen’

  • Tornattem cheddum (3-14)

    • ‘Mhojea kallzant anvddo ieum poriant, mog mhojea bhitor zagouncho proitn korinakat’ (7)

    • Gonvlleachim utram (10b-14)

      • “Mhojea sobit moga, mhojea sangata ieo” (10b, 13)

  • Tornattea cheddvache bhav (15)

    • “Amchea pasot koleank dhor”

  • Tornattem cheddum (16, 17)

    • “Mhozo mogi mhozo ani hanv tachem” (16)

2  “Hanv veller* zalolem ek ranantlem ful,*Falkeantlem* ek sadem ful.”*  2  “Mhojem opurbaiechem, soglea cheddvam modemKantteamnim fulʼlolea eka fula* bhaxen.”  3  “Mhozo mogi tornattea cheddeam modem,Ranantlea zhaddam modem aslolea apolachea zhadda bhaxen. Tachea savllent bosonk hanv axetam,Ani tachem foll mhaka khub godd lagta.  4  Tannem mhaka jevnnachea ghorant* haddlem,Ani tannem mhojer aplo mogacho bautto lailo.*  5  Pasanchea bakreamnim mhaka ghottai di,Apolamnim mhojea jivan-jiv hadd,Karonn mhaka mogachem duens laglam.  6  Tacho davo hat mhojea tokle ponda asa,Ani tacho uzvo hat mhaka vengent dhorta.  7  Jeruzalemachea dhuvamno,Ranantlea chitollancho* ani hornnincho* hanv tumkam soput ghaltam, Mhojea kallzant anvddo ieum poriant, mhaka mog korunk vo to mhojea bhitor zagouncho proitn korinakat.  8  Mhozo mogi ieta to avaz ieta! Polloi! To ieta,Porvot choddot, dongrancher uddio marit to ieta.  9  Mhozo mogi chitolla bhaxen asa, horonnachea pora bhaxen asa. Polloi, to amchea vontti fattlean ubo ravla,To zonelantlean polloita,To zonelachea zallintlean polloita. 10  Mhozo mogi uloita, to mhaka mhunntta: ‘Utth, mhojea moga,Mhojea sobit moga, mhojea sangata ieo. 11  Polloi! Thonddecho* kall soron gelo. Paus poddon gelo. 12  Desant sogle vatten fulam fulʼleant,Drakxanche valiche fantte katorcho vell pavla,Ani parveachea* gitacho avaz amchea desant aikonk ieta. 13  Anjirachea zhaddachim poilim follam pikleant,Drakxanchi val fulʼlea ani aplo pormoll dita. Mhojea moga, utth ani ieo. Mhojea sobit sundore, mhojea sangata ieo. 14  Mhojea parvea, khoddpachea khanchimnim ravonaka,Porvotachea denvter thaun bhair ieo,Mhaka tuka polloum-di ani tuzo tallo aikom-di,Karonn tuzo avaz khub boro ani tujem rup khub sobit.’” 15  “Amchea pasot koleank dhor,Drakxanche molle piddʼddear kortat tea lhan koleank dhor.Karonn amche drakxanche molle atanch fulʼleat.” 16  “Mhozo mogi mhozo ani hanv tachem. Fulam* asat thoim to hinddak chorvak gheun gela. 17  Thondd varem marchea poilim ani savlli na zaunchea poilim,Portun ieo mhojea moga,Amkam doxim kortat te porvot,* chitoll vo horonnachea pora bhaxen par korun ieo.

Footnotes

^ Vo “Sharonant.”
^ Utran utor, “kesar.”
^ Ho don dongram modlo sokoilo zago. Inglez bhaxent “valley.”
^ Vo “lily.”
^ Vo “lily.”
^ Utran utor, “mhaka drakxanchea soreachea ghorant.”
^ Vo “Ani mhojea pasot tacho mog soglim pollounk xoktalim.”
^ Horonnachi ek zat. Inglez bhaxent “gazelle.”
^ Vo “meruncho.”
^ Vo “Pausacho.”
^ Vo “kovddeachea.” Inglez bhaxent “turtledove.”
^ Vo “Lily.”
^ Vo “Betherache porvot.”