Gitantlem Git 4:1-16
4 “Polloi! Tum khub sobit asa, mhojea moga.
Polloi! Tum khorench khub sobit asa.
Veili fattlean tuje dolle parveanchea dolleam bhaxen asat.
Tuje kens, Gileadachea porvotam thaun sokol denvtoleaBokddeanchea hindda bhaxen asat.
2 Tuje dant, atanch lhonv tasun kaddloleaAni nhanvoilʼlea menddranchea hindda bhaxen asat,Te sogle zunvlle koxe distat,Eklean pasun aplem menddrum hogddaunk na.
3 Tuje vontt tambddea suta bhaxen asat,Ani tujem ulovop kitlem sobit asa.
Tuje veili fattlean tuje pole,*Dallimachea don ordam bhaxen asat.
4 Tuzo gollo, bore toren fator manddun bandloleaDavidachea gopura bhaxen asa,Zacher hozaramnim ddhalo lamboileat,Xoktivont munxancheo sogleo gol ddhalo lamboileat.
5 Tujim don horddim* horonnachea* don poram bhaxen asat,Chitollachea* zunvlleam bhaxen asat,Jim sadea fulam* modem chorov khatat.”
6 “Thondd varem marchea poilim ani savlli na zaunchea poilim,Hanv gondhrosachea porvotarAni dhovea dhumpachea dongrar voitolem.”
7 “Mhojea moga, tum soglech vatten sobit asa,Tuka koslench khot na.
8 Lebanona thaun mhojea sangata ieo, mhojea vhokle,Lebanona thaun mhojea sangata ieo.
Amanachea* tengxe thaun sokol ieo,Senirachea tengxe thaun, Hermonachea tengxe thaun,Xinvanchea dholim thaun, bibttea vagachea porvotam thaun sokol ieo.
9 Mhoje bhoinni, mhoje vhokle, tunvem mhojem kalliz jikhon ghetlam,Tunvem ekuch pavtti nodor marun mhojem kalliz jikhon ghetlam,Tujea sorpollechea ekach lokettan tunvem mhojem kalliz jikhlem.
10 Mhojea bhoinni, mhojea vhokle, tuzo mog* kitlo sobit!
Tuzo mog* drakxanchea sorea poros odik boro,Ani tujea cheracho pormoll soglea pormollam poros odik boro!
11 Mhojea vhokle, tujea vonttam voilean mhonv vhanvta.
Tuje jibe ponda mhonv ani dudh asa,Ani tujea kopddeancho pormoll Lebanonachea pormolla sarko asa.
12 Mhoji bhoinn, mhoji vhokol, eka bond bage sarki asa,Xikʼko marun bond kelolea zhori sarki asa.
13 Tuje fantte* dallimachea bage sarke asat,Zoim borim-borim follam, mhendi,* borea vasachim zhaddam* asat,
14 Hoi, borea vasachem zhadd,* kesar, vasachi boddi* ani tiki,Toxench soglea torechim dhumpachim zhaddam, gondhros ani pormollit balsam* asat,Tea bhair, ekdom borea pormollachim zhaddam asat.
15 Tum ek bagentli zhor, borea udkachi baim,Ani Lebanona thaun vhanvpi vhall.
16 Utʼtorechea varea, utth,Dokxinnechea varea, bhitor ieo.
Mhojea bagecher sovkas-sovkas funk mar.
Ticho pormoll sogleak ximpddom-di.”
“Mhojea mogiak bagent ieum-di,Ani tantuntlim borim-borim follam khaum-di.”
Footnotes
^ Vo “aslolim tujim kansulam.”
^ Inglez bhaxent “breasts.”
^ Vo “mervachea.”
^ Horonnachi ek zat. Inglez bhaxent “gazelle.”
^ Vo “lily.”
^ Vo “Udentechea Lebanonachea.”
^ Vo “tum jea toren mog dakhoita to.”
^ Vo “Tum jea toren mog dakhoita to.”
^ Vo ghoddie, “Tuji kat.”
^ Utran utor, “henʼna.”
^ Inglez bhaxent “spikenard.”
^ Inglez bhaxent “spikenard.”
^ Inglez bhaxent “calamus.”
^ Vo “musambor.” Hem nanv eka oslea zhaddak lagu kelam zachea thaun Bible-achea kallar pormollit cher toiar kortale.
