Gitantlem Git 3:1-11
3 “Ratchea vellar mhojea khattir,Hanv mhojea mog korpeak axelem.
Hanv taka axelem, punn to mhaka mellonk na.
2 Hanv uttʼttholem ani taka xarant sodhunk bhonvtolem.Rosteacher ani nakeancher hanv taka sodhtolem,Mhaka mhojea mog korpeak sodhum-di.
Hanvem taka sodhlo, punn to mhaka mellonk na.
3 Xaracher pahro korpi rakhonndar mhaka mellʼlle.
Hanvem vicharlem, ‘Mhojea mogak tumi polloila?’
4 Hanv tanchea thaun matxe fuddem gelʼlem,Ani tednanch mhaka mhozo mogi mellʼllo.
Hanvem taka ghott dhorloAni jea meren hanv taka mhojea avoichea ghorant haddina,Mhaka zolm dilʼlea avoichea bhitorlea rumant haddina tea meren, hanvem taka vochonk diunk na.
5 Jeruzalemachea dhuvamno,Ranantlea chitollancho* ani hornnincho* hanv tumkam soput ghaltam,
Mhojea kallzant anvddo ieum poriant, mhaka mog korunk vo to mhojea bhitor zagouncho proitn korinakat.”
6 “Oronnʼnnea thaun dhunvrachea khambeam bhaxen voir ieta tem kitem?Hem kitem, zantuntlean gondhrosacho* ani dhovea dhumpacho pormoll ieta,Ani veaparachea soglea pavddoracho domdomit pormoll ieta?”
7 “Polloi! Ti Solomonachi palki.*
Izraelantlea xoktivont munxam modleSatth bollvont munis tachea bhonvtonnim asat.
8 Tea soglea munxam lagim tolvar asa,Tankam sogleank zhuz korunk proxikxonn mellʼllam.Ratchea vellar koslea-i torechea dhokeancho fuddo korunk,Tanchea modlea dor ekleachea bhenddak tolvar asa.”
9 “Ti Raza Solomonachi palki,*Ji tannem aplea pasot Lebanonachea rukham thaun kelea.
10 Tiche khambe chandiche,Ticho bospacho zago zambllea rongachea vulacho,
Ani fatt tenkoupacho zago bhangracho.Jeruzalemachea dhuvamnimTi bhitorlean khub mogan nettoilea.”
11 “Sionachea dhuvamno, vochat,Raza Solomonak polloiat,Tannem to mukutt* ghatla,Zo tache avoin tachea kazarachea disa pasot kelʼlo,Tea disa tachem kalliz khub khuxal aslem.”
Footnotes
^ Horonnachi ek zat. Inglez bhaxent “gazelle.”
^ Vo “meruncho.”
^ Pormollit dikh. Xobdhkox polloi.
^ Mhunnche, ek divan jem voilean dhamplolem astalem, zantunt razank vo odhikreank bosoun, munis tem ubarun vhortale.
^ Mhunnche, ek divan jem voilean dhamplolem astalem, zantunt razank vo odhikreank bosoun, munis tem ubarun vhortale.
^ Vo “fulancho mukutt; fulancho har.”

