Gitantlem Git 1:1-17

  • Gitantlem git (1)

  • Tornattem cheddum (2-7)

  • Jeruzalemacheo dhuvo (8)

  • Raza (9-11)

    • “Ami tujea pasot bhangracheo vostu kortole” (11)

  • Tornattem cheddum (12-14)

    • ‘Mhozo mogi eka pormollit gondhrosachea bega sarko’ (13)

  • Gonvlli (15)

    • “Tum khub sobit asa, mhojea moga”

  • Tornattem cheddum (16, 17)

    • “Tum-ui khub boro dista mhojea moga” (16)

1  Gitantlem git,* jem Solomonachem zaun asa:  2  “Tannem aplea vonttamnim mhozo umo gheum,Karonn tuzo mog* drakxanchea sorea poros odik boro.  3  Tujea telancho pormoll khub boro. Tujem nanv tokler votoilʼlea pormollit tela bhaxen asa. Taka lagon, tornattim cheddvam tuzo mog kortat.  4  Razan mhaka aplea bhitorlea rumamnim haddlam! Mhaka tujea sangata vhor,* ami pollon vochom-ia. Ami sangata mellon khuxal zaum-ia ani sontosbhorit zaum-ia. Tujea mogachi* vakhannʼnni korum-ia,* zo mog drakxanchea sorea poros boro asa. Tancho* mog tuka favo.  5  Jeruzalemachea dhuvamno, hanv kallxem* asa, punn sobit distam,Kedarachea tombum bhaxen, hoi, Solomonachea tombuchea lugttam bhaxen hanv asam.  6  Mhojea kallsar rongak lagon mhaka polloit ravonakat,Karonn suriachea votan hanv korpolam. Mhoje bhav* mhojer ragar asle,Tannim mhaka drakxanche molle rakhonk dovorlem,Punn mhojea svotachea molleachi hanvem rakhonn korunk na.  7  Mhojea moga, mhaka sang,Tum tujea hinddak khoim chorvak vhorta,Donparchea vellar tum tankam khoinchea zagear visov gheunk vhorta? Tujea ixttanchea hinddam modem,Hanvem veil* ghalun, tondd lipoun bhonvtolea baile bhaxen kiteak bhonvchem?”  8  “Sogleam-von sobit cheddva, tuka khobor na zalear,Tachea hinddachim panvlam polloun tea vatten cholon voch,Ani tujea tornattea bokddeank, tea gonvlleanchea tombum kuxik choroi.”  9  “Mhojea moga, hanv tuka Faraoh-chea rothanchea eka* sobit ghoddiek* sor kortam. 10  Kanantlim ghalun* tuje pole sobit distat,Ani motianchi sorpolli ghalun tuzo gollo sobit dista. 11  Ami tujea pasot bhangracheo vostu* kortoleBhangracher chandi lavun nettoilʼleo vostu kortole.” 12  “Raza aplea meza lagim bosta tednam,Mhojea cheracho pormoll ieta. 13  Mhozo mogi mhojea pasot eka pormollit gondhrosachea* bega sarko asa,Jem akʼkhi rat mhojea horddeam* lagim asta. 14  Mhozo mogi mhojea pasotEngedichea drakxanchea molleant aslolea mhendichea* ghonsa sarko asa.” 15  “Polloi! Tum khub sobit asa, mhojea moga. Polloi! Tum khorench khub sobit asa. Tuje dolle parveanchea dolleam bhaxen asat.” 16  “Polloi! Tum-ui khub boro dista* mhojea moga, ani tuzo sangat mhaka avoddtta. Him hirvim panam amchi khatt zaun asat. 17  Amchea ghorache* vanxe cedar* zhaddanche asat,Ani amcheo pattio juniper* zhaddancheo asat.

Footnotes

^ Vo “Sogleant sobit git.”
^ Vo “tum jea toren mog dakhoita to.”
^ Utran utor, “tujea fattlean voddun vhor.”
^ Vo “Tum jea toren mog dakhoita tea vixim.”
^ Vo “moga vixim uloum-ia.”
^ Mhunnche, tornattea cheddvancho.
^ Vo “savllem.”
^ Vo “avoiche put.”
^ Vo “dukh korpachi veil.”
^ Vo “mhojea.”
^ Mhunnche, ek bail ghoddi. Inglez bhaxent “mare.”
^ Vo ghoddie, “Fanteo ghatlolea kensam modem.”
^ Vo “bhangracho mukutt.”
^ Pormollit dikh. Xobdhkox polloi.
^ Inglez bhaxent “breasts.”
^ Utran utor, “henʼnachea.”
^ Vo “khub sobit asa.”
^ Vo “borea ghorache.”
^ Vo “devdar.” Eke torechem vhoddlem zhadd.
^ Xobdhkox polloi.