Gitantlem Git 6:1-13

  • Jeruzalemacheo dhuvo (1)

  • Tornattem cheddum (2, 3)

    • “Hanv mhojea mogiachem, ani mhozo mogi mhozo” (3)

  • Raza (4-10)

    • “Tum Tirza itlem sobit” (4)

    • Bailanchim utram (10)

  • Tornattem cheddum (11, 12)

  • Raza (ani dusre lok) (13a)

  • Tornattem cheddum (13b)

  • Raza (ani dusre lok) (13c)

6  “Sogleant sobit cheddva,Tuzo mogi khoim gela? To khoinchea vatten gela? Sangata mellon ami taka sodhum-ia.”  2  “Mhozo mogi sokol aplea bagent gela,Pormollachim zhaddam asat tea molleant gela,To aplea menddrank bagent chorvak gheun gelaAni fulam* punzaunk gela.  3  Hanv mhojea mogiachem,Ani mhozo mogi mhozo. Fulam* asat thoim to hinddak chorvak gheun gela.”  4  “Mhojea moga, tum Tirza* itlem sobit,Jeruzalema itlem opurbaiechem,Aplea bautteam bhonvtonnim ubeo aslolea fouzam sarkem tum sobit dista.  5  Mhaka oxem polloinaka,Karonn mhojem kalliz dhodd-dhoddonk lagta. Tuje kens, Gileadachea denvter thaun sokol denvtoleaBokddeanchea hindda bhaxen asat.  6  Tuje dantNhanvoilʼlea menddranchea hindda bhaxen asat,Te sogle zunvlle koxe distat,Eklean pasun aplem menddrum hogddaunk na.  7  Veili fattlean tuje pole*Dallimachea don ordam bhaxen.  8  Mhaka 60 rannio asot,80 dovorloleo bailo asot,Ani mhojea lagim hispa bhair tornattim cheddvam asot.  9  Punn mhozo parvo ekuch, khot naslolem mhojem mogachem. Aplea avoichi ekuch dhuv. Taka zolm ditolea avoichem tem opurbaiechem. Cheddvam taka polloun tachi tokhnnai kortat,Rannio ani dovorloleo bailo tachi vakhannʼnni kortat. 10  ‘Hem konn jem fantoddechea uzvadda sarkem porzolltta,*Akʼkhea chondrima sarkem sobit dista,Suria itlem xudʼdh asa,Aplea bautteam bhonvtonnim ubeo aslolea fouzam sarkem sobit dista?’” 11  “Falkeant* zhaddank dir aileat kai,Drakxanchea valik komri funttlea* kai,Dallimachim zhaddam fulʼleant kai,Hem pollounk mhunn hanv sokol follanchea bagent gelem. 12  Punn mhojea hea utsuktaiek lagonHanv razachea rotham lagim ani tachea munxam lagim koxem pavlemTem mhaka kollonkuch na.” 13  “Porot ieo, Shulamit cheddva! Porot ieo, porot ieo,Ami tuka pollounk sodhtat!” “Tum hea Shulamit cheddvak oso kiteak polloit ravta?” “Tem Mahanaimachea* nacha sarkem asa!”

Footnotes

^ Vo “lily.”
^ Vo “Lily.”
^ Vo “Sobit Xara.”
^ Vo “aslolim tujim kansulam.”
^ Utran utor, “sokol polloita.”
^ Vo “Wadint.”
^ Vo “valik kolle aileat.”
^ Vo “don pongoddanchea.”