JW LIBRARY
Nte Ekpesịnde Idiọn̄ọ (Bookmark)—Ke Android
Bookmark edi n̄kpọ emi ẹsidade ẹsịn idiọn̄ọ ke n̄wed ke JW Library, ukem nte ẹsinyụn̄ ẹnịmde idiọn̄ọ ke n̄wed emi ẹmịn̄de-mịn̄. Ẹkot Bookmark ke ikọ Efịk, Sịn Idiọn̄ọ. N̄wed ekededi emi odude ke JW Library enyene Bookmark 10.
Nam se itịn̄de ke idak emi man ekeme ndisịn idiọn̄ọ ke n̄wed:
Sịn Idiọn̄ọ
Emekeme ndida n̄kpọ emi nnịm idiọn̄ọ ke ibuotikọ, ikpehe, ibuot n̄wed m̀mê ufan̄ikọ Bible.
Edieke oyomde ndinịm idiọn̄ọ ke ibuotikọ m̀mê ibuot n̄wed, tụk ebiet emi okụtde idiọn̄ọ Bookmark. Kpukpru Bookmark duop oro n̄wed oro enyenede ọyọwọrọ edi. Tụk kiet ke otu oro, ndien eyenịm idiọn̄ọ ke ebiet emi oyomde.
Edieke oyomde ndisịn idiọn̄ọ ke ikpehe m̀mê ufan̄ikọ Bible, tụk ebiet emi oyomde ndisịn idiọn̄ọ oro, ekem tụk ebiet emi okụtde idiọn̄ọ Bookmark.
Ebiet Emi Ekesịnde Idiọn̄ọ
Edieke oyomde ndikụt ebiet emi ekesịnde idiọn̄ọ, kụbọde n̄wed oro ẹkesịnde idiọn̄ọ do nyụn̄ tụk idiọn̄ọ Bookmark. Tụk enye emi oyomde.
Sio Mîdịghe Fiak Sịn Idiọn̄ọ
Emekeme ndisio idiọn̄ọ oro ekesịnde mîdịghe okpụhọ itie emi ekesịnde.
Edieke oyomde ndisio idiọn̄ọ mfep, tụk idiọn̄ọ Bookmark; ndien tụk ntọi ita emi adade ekpere idiọn̄ọ emi oyomde ndisio mfep. Ekem tụk Delete, emi ẹkotde ke Ikọ Efịk, Sio Fep.
Edieke oyomde ndikpụhọ itie emi ekesịnde idiọn̄ọ, tụk idiọn̄ọ Bookmark; ndien tụk ntọi ita emi adade ekpere enye emi oyomde ndisio mfep. Ekem tụk Replace, emi ẹkotde ke Ikọ Efịk, Kpụhọ. Idiọn̄ọ emi ọyọwọrọ aka obufa itie emi oyomde enye odu. Bookmark ekeme ndin̄wam fi esịn idiọn̄ọ ke ebiet emi okotde eketre. Ke uwụtn̄kpọ, emekeme ndisịn idiọn̄ọ ke ebiet emi afo okotde Bible etre.
Ikọdọn̄ kpukpru mbufa n̄kpọ emi ke JW Library 1.2 emi ikosiode ke May 2015. JW Library enye emi ọfọn ye Android 2.3 m̀mê enye oro edide obufa akan oro. Edieke mûkwe se isụk itịn̄de emi, mbọk ka ibuotikọ emi, “Tọn̄ọ Ndida JW Library Nnam N̄kpọ—Ke Android,” ke nam se ẹdọhọde ke ibuotikọ emi, Kụt Ete ke Emenyene Obufa JW Library Oro Isiode.
