Nte oyomde okụbọde

Mek usem

Be ka udiana n̄kpọ

Be ka se isịnede

Mme Ntiense Jehovah

Efịk

JW LIBRARY

Nte Okpoyomde N̄kpọ ke Bible M̀mê N̄wed—Ke Windows

Nte Okpoyomde N̄kpọ ke Bible M̀mê N̄wed—Ke Windows

Imekeme ndida “search” ke JW Library nyom ikọ m̀mê ekpri udịmikọ ke Bible m̀mê ke n̄wed. Ẹkot “search” ke ikọ Efịk, Yom.

Nam se itịn̄de ke idak emi man okụt se oyomde:

 Yom N̄kpọ ke Bible

Emekeme ndiyom ikọ m̀mê ekpri udịmikọ ke Bible emi osụk okotde.

Ke ama okotụk Bible, tụk n̄kpọ oro etiede nte ukụtiso, nyụn̄ taip ikọ emi oyomde. Nte osụk ataipde, mme ikọ emi ẹbietde se ataipde ọyọwọrọ edi. Tụk enye oro oyomde mîdịghe tụk n̄kpọ emi ọwọrọde yom ke keyboard fo man se oyomde ọwọrọ edi.

Emekeme ndinam enye oyom n̄kpọ ke ebiet kiet kpọt. Top Verses emi ẹkotde ke ikọ Efịk, Mme Ufan̄ikọ Emi Ẹwakde Ẹkan ke N̄wed Nnyịn, owụt mme itie N̄wed Abasi emi ẹsiwakde ndida ntịn̄ mban̄a se oyomde oro. All Verses emi ẹkotde ke ikọ Efịk, Kpukpru Ufan̄ikọ, owụt kpukpru itie oro se oyomde esịnede, ọtọn̄ọde ke Genesis. Articles emi ẹkotde ke ikọ Efịk, Ibuotikọ, owụt ntọn̄ọikọ ye n̄wetndian ikọ emi se iyomde esịnede.

Edieke ataipde ediwak ikọ, tụk ekebe Match Exact Phrase, emi ẹkotde ke ikọ Efịk, Yom Kpukpru Ikọ, man osion̄o se afo oyomde kpọt edi.

 Yom N̄kpọ ke N̄wed

Emekeme ndiyom ikọ m̀mê ekpri udịmikọ ke n̄wed emi osụk okotde ke ubọk.

Ke ama okokụbọde n̄wed oro, tụk n̄kpọ oro etiede nte ukụtiso, nyụn̄ taip ikọ emi oyomde. Nte osụk ataipde, mme ikọ emi ebietde se ataipde ọyọwọrọ edi. Tụk enye oro oyomde mîdịghe tụk n̄kpọ emi ọwọrọde yom ke keyboard fo man se oyomde ọwọrọ edi.

Edieke ataipde ediwak ikọ, tụk ekebe Match Exact Phrase, emi ẹkotde ke ikọ Efịk, Yom Kpukpru Ikọ, man osion̄o se afo oyomde kpọt edi.

 Yom Ibuotikọ

Edieke edide ama osio Insight on the Scriptures esịn ke fon m̀mê tablet fo, emekeme n̄ko ndiyom ibuotikọ emi ẹnemede ke Insight. Emekeme ndiyom n̄kpọ ini ekededi emi okotde Bible m̀mê n̄wed en̄wen ke JW Library.

Tụk n̄kpọ oro etiede nte ukụtiso, nyụn̄ taip ikọ emi oyomde. Nte osụk ataipde, ikọ emi ebietde se ataipde ọyọwọrọ edi ke Insight. Tụk ibuotikọ emi oyomde man okụbọde.

Ikọdọn̄ kpukpru mbufa n̄kpọ emi ke JW Library 1.3.4 emi ikosiode ke October 2014. JW Library enye emi ọfọn ye Windows 8.0 m̀mê enye oro edide obufa akan oro. Edieke mûkwe se isụk itịn̄de emi, mbọk ka ibuotikọ emi, “Tọn̄ọ Ndida JW Library Nnam N̄kpọ—Ke Windows,” ke nam se ẹdọhọde ke ibuotikọ emi, Kụt Ete ke Emenyene Obufa JW Library Oro Isiode.